BLEEDING HEART SEHEMU YA 14

RIWAYA : BLEEDING HEART 

SEHEMU YA 14

ILIPOISHIA SEHEMU ILIYOPITA

  “Jambo la tatu ambalo nataka kukufahamisha ni kwamba kabla hatujakwenda Arusha kwa dhumuni la kuwaeleza wazazi kuhusu uhusiano wetu,nilikupa ahadi kwamba chochote kitakachokwenda kutokea huko mimi sintakuacha kamwe.Pamoja na mambo yote yaliyotokea na kusababisha tukatengana ,bado napenda kukuhakikishia kwamba ahadi niliyoiweka bado nitaitimiza.
Joe ulikuwa ni mwanaume wa kwanza kukupenda na siku zote niliamini wewe ndiye malaika wangu.Hata baada ya kuachana nawe bado umeendelea kuwa mtu muhimu sana katika maisha yangu ambaye sina wa kumlinganisha naye sasa na maisha yote.Ninapenda kukufahamisha kwamba kwa kuwa wewe ndiye uliyekuwa mwanaume wa pekee kabisa maishani mwangu na kwa sasa hauko nami tena sina sababu yoyote ya kutafuta mwanaume mwingine kwa sababu sintaweza kumpata mwingine kama wewe.Kwa maana hiyo nimeamua kwa hiari yangu kujiunga na shirika la masista wa Mtakatifu Anna.Nimeamua kuwa mtawa na kuyatoa maisha yangu kwa bwana.Nitamtumikia yeye peke yake.Wiki ijayo nitaingia katika  konventi ya shirika na kuanza mafunzo na baada ya miaka miwili nitafunga nadhiri yangu ya kwanza.” Paula akasema huku akitabasamu.

   Joe akastuka akamtazama Paula kwa macho makali

ENDELEA…………………………….

 “Paula unataka kuingia utawani !! Joe akauliza kwa sauti ya mshangao

 “Ndiyo Joe.Ninataka kumtumikia Mungu peke yake.Nataka nimkabidhi moyo wangu yeye peke yake” Paula akasema

  “Are you sure that’s what you want Paula? Joe akauliza

 “Ndiyo Joe.Hicho ndicho kitu pekee ambacho nahitaji kukifanya kwa sasa.Nahitaji kujitenga na mambo ya ulimwengu huu na kumtumikia Mungu peke yake.Ni yeye tu ambaye atanipa furaha na hatonitenda kamwe.” Paula akajibu kwa kujiamini.Joe akatazama chini akafikiri kwa muda halafu akauliza

 “Paula nini kimekupelekea ukafanya maamuzi haya? Wewe ni msichana mrembo,una elimu ya kutosha ambayo itakuwezesha kupata kazi nzuri na yenye mshahara mzuri.Hapana ! sidhani kama kujiunga na utawa ni jambo la busara.Think again Paula” Joe akasema na sauti yake ilionyesha kabisa kumaanisha kile alichokuwa akikisema.Paula akatabasamu,akachukua glasi yake ya maji akanywa kidogo kisha akasema.

  “Joe,naomba ufahamu kwamba elimu,mali,utajiri,uzuri vyote hivi ni Mungu ndiye anayetupa  ili tuvitumie katika kumsifu na kumtukuza.Kwa maana hiyo basi ninataka kuvitumia vipawa hivi vyote katika kumsifu na kumtukuza yeye peke yake.” Paula akaongea huku akitabasamu kitu kilichoweka bayana furaha aliyonayo kwa maamuzi yale

  “Paula kuna jambo moja ambalo ninataka kulifahamu toka kwako.Nataka uniambie ukweli .Its because of me ,right? Kwa sababu ya kutengana kwetu ,ukaamua kuingia utawani? Tafadhali niambie ukweli” Joe akasema

 Paula akanyamaza kimya ,akafikiri kidogo kisha akasema

  “Sipendi kukudanganya Joe kwamba mara tu ulipoamua kutengana nami kila kitu nilichokuwa nimekipanga katika maisha yangu kilipotea pia.Baada ya kunusurika mara mbili katika majaribio ya kujitoa uhai wangu kwa sababu sikujua ningewezaje kuishi bila ya kuwa na wewe,niliamua kutokumpa tena mtu mwingine moyo wangu.Niliamua kumpa Mungu moyo wangu.Kwa hiyo ni kweli ,kutengana kwetu kumesababisha nikaamua kubadili maisha yangu na kuamua kumtumikia Mungu.Joe naomba utambue kwamba niliposema wewe ni mwanaume wa pekee maishani mwangu nilikuwa nikimaanisha nilichokisema.Kwa maana hiyo baada ya kutengana nawe sikuhitaji tena mwanaume mwingine kwa hiyo dhumuni lingine la kujiunga na utawa ni kuendelea kuitunza ahadi niliyokupa kwamba zaidi yako wewe sintathubutu kuwa na mwanaume mwingine hapa duniani”

  Kauli ile ya Paula inamfanya Joe kushika kichwa kwa mikono yake na kusema kwa masikitiko.

  “I’m so sorry Paula.Sikutegemea kama mambo yangefika hapa yalipofika.Sikuwa na lengo la kuzipoteza ndoto zako zote maishani.naomba unisamehe sana na kama utakuwa tayari naomb…………………” kabla Joe hajamalizia sentensi yake Paula akaingilia kati

  “Its ok Joe.Kila kitu huwa kinatokea kwa sababu.Hata kutengana kwetu ilikuwa ni mpango wa Mungu ili nikafanye kazi nyingine ya kumtumikia.Naomba uwe na amani Joe na wala usijisikie vibaya.”

  Joe aliendelea kujishika kichwa huku akikitingisha kwa masikitiko.

    “Kwa mara ya kwanza toka nimeachana na Paula ninaujutia uamuzi wangu wa kuachana .I made a huge mistake.Paula alinipenda kwa dhati ya moyo wake na nilishindwa kulielewa hilo nikasukumwa na hasira zangu na chuki nikaamua kuachana naye.Nakumbuka mama aliniambia kwamba iko siku nitajutia maamuzi yangu na ndicho kinachotokea sasa hivi.Ninaujutia uamuzi wangu na sijui nitafanya nini ili kuubadii uamuzi huu wa Paula wa kujiunga na utawa.Its too late” Joe akawaza huku akihisi kichwa kumuuma.

  “I’m so stupid..very stupid..” Joe akasema kwa sauti huku akipiga kichwa chake.Paula akamtazama kwa makini na kusema

  “Joe niliyohitaji kukueleza ni hayo tu.Nashukuru sana kwa kukubali kuja kuonana nami .Muda huu kidogo niliokaa nawe una maana kubwa sana kwangu.Nilihitaji kukuona kwa mara ya mwisho kabla sijayaanza maisha mapya ya kumtumikia Mungu kwa sababu bado wewe ni mtu muhimu sana maishani kwangu.Moyoni mwangu bado kumechorwa picha yako na ambayo ni kumbukumbu peke ambayo haitaweza kufutika hadi siku naingia kaburini.Kesho ninaondoka kuelekea Arusha na kufanya maandalizi ya mwisho kabla sijaingia rasmi maisha ya utawa.Mungu akipenda tunaweza tukaonana siku moja lakini naomba ufahamu kwamba siku zote nitakuwa nikikuombea sana iliuwe na maisha yenye furaha na amani ,upate mke bora ambaye utaweza kuishi naye kwa amani na upendo na Mungu atawajalia watoto wazuri wenye afya na tabia njema.” Paula akasema huku akiichukua pochi yake na kujiandaa kusimama ili aondoke.Joe akamzuia

  “Paula nasikia uchungu mkubwa sana.Jeraha la moyo lililokwisha pona limetoneshwa kwa mara nyingine.Sikutegemea kama ningesikia uchungu mkubwa namna hii siku moja.Siwezi kuubadili uamuzi uliouchukua kwani naamini huko ndiko mahali ulikoamua kuitafuta furaha ya maisha..Paula nashindwa hata niseme nini…….” Joe akashindwka kuendelea kuongea akainama chini.Paula akasimama na kumsoglea.

  “Joe naomba usiumie kwa uamuzi wangu huu.kuwa na amani moyoni mwako”

Joe akainua kichwa na kusema

  “Paula kabla hujaondoka kuna kitu kimoja ambacho ninataka kukuomba.One last thing in your life”

   Paula akamtazaa Joe na kusema

 “Kitu gani hicho Joe?

 ‘”Ninaomba unipe ruhusa walau kuwa miongoni mwa wale watakaokusindikiza siku unajiunga na konventi.Hicho ndicho kitu pekee cha mwisho ninachokiomba toka kwako” Joe akasema huku macho yake yakionyesha wazi wazi namna alivyochomwa moyo.Paula akatabasamu nakusema

  “Usiwe na wasi wasi Joe.Nitakutaarifu ni siku gani nitakayoingia katika konventi “

 “Ahsante sana Paula.You’ll always be here in my heart.” Joe akasema huku akikishika kifua chake mahala unapokaa moyo.

  “Tafadhali niruhusu nikusindikize hadi nje “ Joe akasema na Paula huku akaitabasamu akasema

  “hakuna shida Joe ila nimekuja na usafiri wangu.” Paula akasema na kisha wakaanza kutembea kuelekea mahala yanakoegeshwa magari.

  “Joe nashukuru ,nitakupigia simu siku ya safari ikifika “ akasema Paula na kumpa mkono Joe kisha akaelekea katika gari moja jesui aina ya BMW ,mara akashuka kijana mmoja mtanashati akazunguka na kumfungulia Paula mlango ,halafu akaufunga na kurudi garini kisha wakaondoka maeneo hayo.Joe jasho lilimtiririka,damu ilikuwa ikimchemka.Alilisindikiza gari lile kwa macho hadi likapotea kabisa.

TUKUTANE TENA SEHEMU IJAYO

KWA SIMULIZI TEMBELEA HAPA  MASIMULIZI