TEN CHAPTERS SEHEMU YA 14

ILIPOISHIA SEHEMU ILIYOPITA

“ Nimekwisha zoea kuteseka kwa miaka mingi na moyo wangu umekuwa sugu  lakini kwa hili limeniumiza kiasi cha kushindwa kuvumilia.Sitaki tena kuendelea kuumia kiasi hiki.Machozi haya ninayoyatoa hapa ni  ya mwisho na sitaki kulia tena.Maisha yangu ya Arusha yanakamilisha sura ya kumi nay a mwisho ya kitabu cha maisha yangu sura ambayo nimelia tena machozi.Ninakwenda kukifunga kitabu cha maisha yangu na ninaapa sintalia tena.” Akawaza Naomi halafu akachungulia nje walikuwa wanakipita kijiji kimoja

      “ Ninarudi tena nyumbani kuyakabili tena maisha yangu ambayo nimekuwa nikijitahidi kuyakimbia bila mafanikio.Nimegundua kwamba siwezi kamwe kuyakimbia matatizo yangu.Yataniandama kama kivuli hadi siku yangu ya mwisho  kwa hiyo inanibidi nikabiliane nayo.Nataka nikafanye maamuzi ya mwisho na magumu sana kuhusiana na maisha yangu haya yaliyojaa mateso lakini kabla ya hayo yote nataka kwanza nikaandike kitabu chenye historia nzima ya maisha yangu.Kitabu changu kitakuwa na sura kumi kulingana na maisha niliyoyapitia.Katika kitabu hicho nitaeleza ukweli mtupu wa maisha yangu hadi hapa nilipo.Nataka watu wote wanaonifahamu waujue ukweli  wa maisha yangu kupitia kitabu hiki nitakachokiandika ambacho nitakiita TEN CHAPTERS………..”

Akawaza Naomi

ENDELEA……………………………………….

      Saa nne za usiku basi alilopanda Naomi likawasili jijini Dar es salaam.Hili huwa ndilo basi linalochelewa sana kuondoka jijini Arusha na linafahamika kama basi la mwisho.

      “ Mwisho wa safari…” akawaza Naomi halafu akatazama nje na kuvuta pumzi ndefu

      “ I’m  a bit scared..Sijui ni kwa nini nimeanza kuwa na wasi wasi kiasi hiki.Yawezekana ni kwa sababu ya uoga wa kukabiliana na mambo ninayotaka kuyakimbia.Any way I have to this.” Akasema taratibu Naomi halafu akainuka na kuchukua begi lake akaungana na abiria wengine kushuka katika basi.Mara tu aliposhusha mguu wake chini msichana mmoja aliyekuwa amekaa pembeni ya mlango wa basi akiangalia kila abiria aliyeshuka akamrukia na kumkumbatia kwa nguvu huku akimvurumishia mabusu kemkem.

      “ Ouh Linah…!! Akasema Yule msichana mrembo

      “ Yvone.!! Akasema Naomi

      “ I’ve been dying to see you again..ouh my sister I love you so much” akasema Yvone na kumkumbatia zaidi Naomi

      “ I missed you so much Yvone..How’ve u been?

      “  I’ve been so empty without you my sister..welcome back Linah..Welcome home” akasema Yvone huku machozi yakimtoka kwa furaha ya kumuona tena Naomi.

      “ Basi usilie tena Yvone.I’m back now.I’ back for good” akasema Naomi kauli ambayo inamfanya Yvone amkumbatie tena kwa nguvu.

      “ Linah tafadhali naomba usiondoke tena..Usituache ten……” akasema Yvone lakini kabla hajamaliza sentensi yake Naomi akamuwekea kidole mdomoni

      “ Shhhhhh !!!..siondoki tena Yvone..I’m back for good” akasema Naomi kisha Yvone akalikokota begi la Naomi kuelekea katika gari.

      “ Where’s Martin? Akauliza Naomi

      “ Ilikuwa niwe naye hapa kituoni lakini amenipigia simu kwamba amepatwa na udhuru kwa hiyo hataweza kufika”

      “ Ok..anaendeleaje na kazi yake?

      “ Anaendelea vizuri sana..ni hivi majuzi tu amepandishwa cheo.Mambo yake mazuri sasa” akasema Yvone huku wakiingia garini

      “ Vipi kuhusu wewe.? Unaendeleaje na maisha yako? Unaendeleaje na kazi?

      “ Ninaendelea vizuri.Kazi inakwenda vizuri na kila kitu kinakwenda vizuri.” Akajibu Yvone na kumfanya Naomi atabasamu

      “ Nafurahi sana kusikia kwamba nyote mnaendelea vizuri.Nimewamiss sana wadogo zangu..”

      “ We missed you too my dear sister..” akasema Yvone aliyekuwa katika  usukani

      “ Hii ni ile gari yako mpya uliyoniambia kwamba umenunua? Akauliza Naomi

      “ Ndiyo hii .Nilipata mkopo halafu nikaongezea na kiasi kidogo nilichokuwa nacho nikanunua gari hii.Unakumbuka ni siku nying nilikuwa na ndoto ya kuendesha range rover e vogue..sasa nafurahi kwamba ndoto yangu imetimia.I’m so happy my sister” akasema Yvone kwa furaha

      “ Hongera sana kwa mafanikio haya makubwa mdogo wangu.Ni vugumu kueleza ni  furaha kiasi gani niliyo nayo kwa mafaniko haya mliyonayo..”

      “ Dada Linah mafanikio haya yote ni kutokana na juhudi zako.Wewe ndiye unayepaswa kupongezwa na kushukuriwa kwa sababu bila juhudi zako kamwe mimi na Martini tusingefika hapa tulipo hivi sasa.Binafsi nina deni kubwa sana kwako dada yangu kwa kunifikisha hatua hii..siwezi sema chochote kwa sasa lakini ipo siku nitasema ahsanta sana.” Akasema Yvone na Naomi akatabasamu.Alifarijika sana kuonana tena na mdogo wake Yvone.

      “ Kwa sasa tunaelekea wapi? Nyumbani kwako au kwangu? Akauliza Naomi

      “ Kwa sasa ninakupeleka kwanza nyumbani kwako.Najua umeimiss sana nyumba yako na ungependa kulala usiku wa leo pale.Kuanzia kesho nitakuomba ulale nyumbani kwangu japo kwa wiki moja halafu utaenda na nyumbani kwa Martin nako utakaa  kwa wiki moja.” Akasema Yvone.Naomi hakujibu kitu akatabasamu

      Safari ya kuekelea nyumbani kwa Naomi ikamkumbusha mambo mengi sana ya nyuma na kuna nyakati alikuwa anatokwa na machozi.Hatimaye wakafika nyumbani kwake ,Yvone akapoiga honi na mlinzi akafungua geti wakaingia ndani.

      “ Ouh Masanja !!!,… akasema kwa furaha Naomi na kumkumbatia mlinzi Yule ambaye naye hakuwa akiyaamini macho yake

      “ Linah ! akasema Masanja kwa furaha kubwa

      “ Nimefurahji sana kukuona tena Masanja.Nashukru nimerudi na kukukuta tena ukiwa bado unaendelea na kazi” akasema Naomi

      “ Linah siwezi katu kuacha kazi hapa kwako.Ninafurahi sana kuendelea kufanya kazi hapa na nitafanya kazi hii hapa kwako hadi siku nitakayoingia kaburini.Karibu tena Linah nimefurahi mno kukuona tena” akasema Masanja ambaye alijawa na furaha kubwa

      Uso wa Naomi ukapambwa tena na tabasamu zito baada ya kuyashuhudia mazingira ya nyumba yake yalivyokuwa mazuri na ya kupendeza.Kwa miaka kadhaa hakuwepo hapa katika nyumba yake hii ya kifahari lakini bado iliendelea kuwa katika  uangalizi mkubwa na wahali ya juu wa wadogo zake Yvone na Martin ambao walihakikisha kwamba inatunzwa vizuri. Yvone akaumuongoza Naomi kuelekea ndani.

      “ Karibu nyumbani dada Linah..Bado nyumba yako inang’aa kama ulivyoiacha.Tumekuwa tukiiangalia kwa umakini mkubwa sana .” akasema Yvone

      “ Ahsanteni sana hata mimi nimeona” akasema Naomi

      Mlango mkubwa wa kuingilia ndani ulikuwa umefungwa,Yvone akatoa funguo na kuufungua.Ndani kulikuwa na giza nene.Hakuna taa iliyokuwa ikiwaka

      “ Mbona giza namna hii?Hakuna taa inayowaka humu? Akauliza Naomi

      “ Usiogope dadaLinah karibu ndani” akasema Yvone huku akiufunga mlango…

      “ Yvone this is crazy…Its  so dark in here” akasema Naomi na mara taa zikawaka ghafla na kikatokea kitu cha ajabu kilichomstua sana Naomi .Alishindwa kuongea na machozi ya furaha yakamtoka.

      “ Suprisee!!!!!!!!!!!!!!!!!!........Ilikuwa ni kelele iliyopigwa na watu waliokuwa wamejipanga pale sebuleni wakiongozwa na Martin mdogo wake Naomi.Sebule ilikuwa imepambwa vilivyo .Kila mtu aliyekuwamo mle sebuleni alikuwa na uso wa furaha na kutabasamu

      “ Welcome home sister” akasema Martin akiwa ameshika shada la maua mkononi.

      “ Ouh handsome Martin !..akasema Naomi na kulipokea shada la maua kisha akakumbatiana na mdogo wake Martini na wote wawili machozi yakawatoka kwa furaha .Yvone naye akaja na kuungana nao.Ulikuwa ni wakati wa furaha kubwa kwa ndugu hawa watatu kuungana tena.

      Sherehe ndogo iliyoandaliwa maalum kwa ajili ya kumkaribisha Naomi nyumbani ikaendelea hadi usiku wa manane kisha wageni walioalikwa wakatawanyika na kuwaacha Naomi ,na wadogo zake

      “ Ahsanteni sana wadogo zangu kwa mapokezi haya makubwa ambayo sikuyategemea.Nimeishiwa maneno ya kusema” akasema Naomi

      “ Ouh Linah huwezi kujua ni kwa namna gani tulivyokuwa na hamu ya kukuona.Ulituzuia  tusije Arusha kukuona,ulitufanyia ukatili mkubwa.Karibu tena nyumbani “ akasema Martin

      “ Hata mimi nilikuwa na hamu kubwa ya kuwaoneni lakini nilikuwa na sababu zangu binafsi za kuwazuia msije Arusha.Kwa sasa msijali I’m back..I’m back for good” akasema Naomi na kwa furaha Martin akainuka na kwenda kumkumbatia.

      “ Hizo ni habari njema sana kwetu.Huwezi kujua ni namna gani tunakuhitaji.Tumekuwa wakiwa sana bila ya wewe.Japo kuwa kila mmoja wetu sasa ana kazi na maisha yake mazuri tu lakini bado nafasi yako ni kubwa mno katika maisha yetu.Tumekua bila na wazazi na wewe ndiye ambaye umekuwa ni baba na mama yetu.Bado tunakuhitaji sana Linah..tafadhali usiondoke tena..Stay here with us” akasema Yvone.Maneno yale yakamchoma moyo sana Naomi na kumfanya atoe machozi.

      “ Siondoki tena.I’ll always be here with you” akasema Naomi

      “ Yvone bring me whisky please” akasema Naomi na chupa ya mvinyo ikaletwa Naomi akaendelea kunywa.

      “ Wow ! I missed this kind of life..Ni muda mrefu sana sijanywa mvinyo huu ninaoupenda.Nilijitajidi kutaka kuyasahau maisha haya lakini nilikuwa najidanganya.Siwezi kuyakimbia maisha haya.Ninatakiwa nikabiliane nayo.” Akawaza Naomi huku akiinua glasi ya mvinyo na kupiga funda kubwa akafumba macho na kuusikilizia mvinyo ule ukishuka.

      “ This is my life..Mvinyo huu unaniburudisha sana na kunifanya niyasahau machungu yangu..Kwa sasa huu ndio utakuwa mfariji wangu”akawaza Naomi

      “ Sister tupe  habari za huko Arusha”  akasema Martin

      “ Ouh Martin I’m sorry I don’t wanna talk about that right now..I’ll tell you when time comes..Kwa sasa sitaki kuiharibu furaha hii niliyonayo kwa kuonana nanyi tena ndugu zangu”  akasema Naomi na kisha maongezi yakaendelea hadi ilipofika saa tisa za usiku,Martini na Yvone kila mmoja akaelekea katika chumba chake cha kulala.Hawakutaka kumuacha dada yao mwenyewe siku hiyo pale nyumbani.

      “ Home sweet home “ akasema Naomi wakati akiiingia chumbani kwake huku mkononi akiwa na chupa ya mvinyo.Akaiweka chupa ile mezani halafu akakiangalia chumba chake na kujitupa kitandani

      “ I missed this room..I missed my house..I missed my crazy life…” akawaza halafu akachukua tena glasi ya mvinyo na kupiga funda moja

      “ Nimerudi nyumbani tena .Mbio zangu zote za kutaka kuyakimbia maisha yangu ya zamani na kuanza maisha mapya zimenirudisha tena pale pale nilipotoka.Sitaki kuendelea tena kuishi maisha ya namna hii hata kidogo.Nimeteseka vya kutosha,nimeumia vya kutosha na maisha haya sasa yanatakiwa yafikie mwisho wake.Na hiki ndicho ninachotaka kukifanya sasa hivi.To put an end to this kind of life...” akawaza Naomi halafu akanywa tena funda moja la mvinyo..

      “ Nimefurahishwa sana na maendeleo mazuri ya wadogo zangu.Kila mmoja anajitegemea kwa sasa na wote wana mafanikio ya kutia moyo.Ni wakati wangu sasa na mimi kuitafuta furaha ya maisha yangu ambayo nimekuwa nikijharibu kuitafuta kwa miaka mingi bila mafanikio. Kabla ya kufanya jambo ambalo nimedhamiria kulifanya nataka kwanza niandike kitabu cha historia ya maisha yangu ambacho kitakuwa na sura kumi kulingana na maisha yangu niliyoyapitia ambayo ninaweza kuyagawanya katika vipindi kumi na sura ya kumi ni hii ya maisha yangu ya Arusha kitabu ambacho nitakiita Ten  chapters.Katika kitabu hiki nitaeleza ukweli wote bila kuficha,mimi ni nani ,nimepitia mambo gani hadi hapa nilipofika.Kuna mambo mengi ambayo watu hawayafahamu kuhusu mimi.Nataka kupitia kitabu hicho wayafahamu.Wadogo zangu nao pia kuna mambo mengi sana ambayo hawayajui kuhusiana na mimi na sina ujasiri wa kuwaeleza kwa mdomo.Watasoma kupitia kitabu hiki na wakati wakisoma kitabu hiki sintakuwa katika upeo wa macho yao  kwani baada tu ya kumaliza kuiandika kitabu change nitapotea kama kimbunga.Najua wataumizwa sana lakini sina namna nyingine ya kufanya.Hii ndiyo njia pekee ya kuweza kuyamaliza maisha haya ya mateso na maumivu.” Alipowaza kuhusu hilo mara sura ya Genes ikamjia kichwani

      “ Sijui genes atakuwa katika hali gani muda huu.Sijui atakuwa katika maumivu gani Yule kijana.Nimemuumiza sana.Nimeuvunja moyo wake ..Najuta hata kwa nini lilifahamiana naye na nikajikuta nikimpenda.Genes atanisamehe sana kwa yote yaliyotokea lakini jambo hili limeniumiza mno na ndiyo maana ninataka kuyafikisha mwisho maisha haya ya kuumia moyo na kuumiza wengine.” Akawaza Naomi halafu akanywa mvinyo kidogo

      “ Sura ya kumi ya maisha yangu inaishia hapa.Ninalivua tena jina la Naomi na kurudia jina langu halisi  na kurejea maisha yangu ya kawaida tofauti na maisha ya maigizo niliyokuwa nikiishi Arusha.Sura hii imeniumiza mno kuliko sura zote” akawaza Naomi  na taratibu usingizi ukaanza kumnyemelea akajikuta amelala

NAOMI NI NANI? NINI HISTORIA YA MAISHA YAKE? ENDELEA KUFUATILIA SIMULIZI HII KILA SIKU