TEN CHAPTERS SEHEMU YA 7

RIWAYA : TEN CHAPTERS

SEHEMU YA 7

 

ILIPOISHIA SEHEMU ILIYOPITA

Naomi akamsogelea Genes akaupitisha mkono wake kiunoni kwa Genes kisha akasema

 "Genes huyu ndiye Mzee Michael..bosi wangu ambaye leo hii tunamuaga.Kwangu mimi yeye ni kama baba yangu.Usimuone anacheka namna hii lakini akiwa kazini ni mkali sana na huwa hataki mchezo " akasema Naomi kisha akendelea kuwatambulisha na wengine waliobakia.Wahudumu waliokuwa wakizunguka na masinia ya vinywaji walifika pale walipokuwa wamesimama.Genes akachukua glasi mbili za mvinyo mwepesi akampatia moja Naomi.Maongezi yakaendelea.

Wazee wale walionekana kuvutiwa sana na Genes na hawakutaka yeye na Naomi wandoke pale.Naomi hakukaukiwa na tabasamu.Alifurahi kupita kiasi.Kila mtu aliyemfahamu alikuwa akimtambulisha kwa Genes.Kila mtu alimsifu Naomi kwa kuwa na kijana mzuri kama Genes.Hakuna aliyefahamu kama Genes na Naomi ni marafiki wa kawaida tu na hawakuwa wapenzi lakini kwa muonekano wao usiku huu walionekana ni kama wapenzi walioendana sana.

  Ilipofika saa tatu za usiku sherehe ikaanza rasmi.Wageni wote waliokuwa wamesimama wakaomba waketi vitini na wale waliokuwa nje wakaombwa waingie ndani.Naomi na Genes wakachagua meza ya peke yao iliyokuwa pembeni sehemu lliyokuwa na mwanga hafifu wakakaa.Wakaangaliana kwa sekunde kadhaa usoni wote wakatabasamu.Naomi akatazama chini halafu akainua kichwa akataka kusema neno lakini muda huo huo muhudumu akafika wakachukua tena glasi mbili za mvinyo mwepesi.

ENDELEA...............................................................................................................

     " Its been an amazing night" akasema Naomi baada ya kunywa funda moja la mvinyo.Genes akatabasamu naye akainua glasi yake akanywa funda moja kisha akasema

  " Nimefurahi sana Naomi kwa kunialika katika sherehe hii.Nimefurahi kuona namna wafanyakazi wenzako wanavyokupenda ."

 " Genes sifahamu ni kwa nini lakini nimejikuta nikitokea kuwa kipenzi cha watu wengi wa hapa kazini kwetu.Wale wazee tuliokuwa tukiongea nao ni kweli wananichukulia mimi kama mtoto wao.Wananitunza na kuhakikisha kwamba ninakuwa na furaha siku zote.Nashukuru Mungu hawakuwahi kufahamu kwamba ninaishi na yule muhuni nyumbani kwangu.Iwapo wangegundua heshima yangu ingeshuka mno." akasema Naomi halafu akainamisha kichwa alikuwa akiona aibu.

  " Naomi samahani kwa kukuuliza swali kama hili Yule kijana uliyekuwa ukiishi naye ulimpenda kwa dhati?

Naomi akainama akafikiri kisha akasema

  " Genes wewe ni rafiki yangu na sitaki kukuficha kitu.Ninaweza kusema kwamba nilikutana na yule kijana nikiwa bado mbumbumbu wa mapenzi.Awali kijana yule alikuwa akifanya kazi katika kampuni yetu.Alikuwa mwongozaji  watalii.Siku moja nilikwenda kikazi katika moja ya hoteli zetu iliyoko nje ya Arusha.Jioni nikiwa nimepumzika alikuja yule kijana na kuanza kuongea na mimi.Alikuwa akiiga gita huku akiimba nikafurahi sana.Nilifurahi kupata mtu wa kuongea naye kwa sababu nilikuwa nahisi upweke sana.Toka hapo ndipo urafiki kati yangu naye ulipoanza.Tulitokea kuwa marafiki wakubwa sana.Kwa bahati mbaya kijana yule alifukuzwa kazi katika kampuni yetu na hakuwa na mahala pengine pa kwenda na kama rafiki yake nikamuonea huruma na kumpa hifadhi nyumbani kwangu.Nilimpa chumba kimoja cha kulala kwa kuwa wakati huo nilikuwa nimepanga katika nyumba ya vyumba vitatu.Nilimpa hifadhi ya wiki moja tu ili aweze kutafuta sehemu nyingine ya kuishi lakini siku zilidi kwenda nikajikuta nikishindwa kumuondoa pale kwangu Tayari nilikwisha mzoea sana na sijui kitu gani kilinipelekea mimi kuanzisha mahusiano ya kimapenzi na kijana yule.Nilijikuta nikimpenda na tukawa katika mapenzi moto moto.Kwa kweli ninajuta sana kila nikikumbuka muda nilioupoteza na yule kijana.Nilikuja kugundua kwamba alikuwa ni kijana mlevi,mvuta bangi na mwingi wa wanawake.Kwa kuwa alifahamu kwamba mimi sina kauli kwake alinipeleka alivyotaka.Kila nilipopata mshahara aliuchukua na kuupeleka katika starehe. Sikuwa na kitu cha kufanya zaidi ya kulia.Nitaendelea kukushukuru sana kwa kunisaidia kumuondoa yule muhuni nyumbani kwangu." akasema naomi kwa sauti yenye majuto ndani yake.Genes akamuangalia kisha akauliza

 " Naomi ikiwa atakuja tena na kukuomba msamaha kwamba anataka mrudiane utakuwa tayari kumsamehe? akauliza Genes na kumfanya Naomi acheke kidogo

  " Ouh C'mon Genes..Kwa nini umeuliza swali kama hilo? Ni wazi kwamba hana nafasi kwangu tena.Mimi na yeye tumekwisha fikia mwisho.Zaidi ya yote nimeyaanza maisha mapya yenye furaha na amani.Nimepata marafiki wapya na mmoja wao ni wewe ambaye leo hii umenifanya niwe queen of the night.Genes kwa kuwa nawe hapa usiku wa leo kumenizidishia heshima sana.You are a gentleman..Kila mtu anakuheshimu.Ahsante sana kwa kampani yako" akasema Naomi .Genes akatabasamu na kusema

  " Lakini wafanyakazi wenzako wote wanafahamu kwamba mimi ni mchumba wako.Hakuna anayefahamu kwamba mimi na wewe ni marafiki wa kawaida" akasema Genes na wote wakaangua kicheko.

  " Jamani natamani ingekuwa  kweli kwamba Genes ni mchumba wangu. Kila mtu hapa anafahamu kamba Genes ni mchumba wangu.Ni kijana ambaye ananifaa sana.Ni  mtanashati, anayejiheshimu,mkarimu na zaidi ya yote ana tabia nzuri.Ana sura nzuri ya kupendeza,kwa ujumla kila kitu alichojaliwa kijana huyu kinanivutia sana.Nitajitahidi ili aweze kuwa wangu...Genes must be mine" Akawaza Naomi huku akimuangalia Genes usoni.

  " Mbona unaniangalia hivyo naomi? genes akamstua Naomi aliyekuwa amemkazia macho.

  " Ouh sorry genes  nina furaha iliyopitiliza usiku wa leo.Umenifanya nifurahi sana " akasema Naomi akachukua glasi yake akanywa funda moja halafu akamuangalia tena Genes na kuuliza

  "Genes wazazi wako wanaishi wapi? Genes akakohoa kidogo  akasema

 " Wazazi wangu mimi  wanaishi Mbeya ambako ndiko nyumbani kwetu.Kwa sasa wamekwisha staafu katika utumishi wa umma  na wanapumzika wakiufurahia uzee wao"

  " Ouh kumbe wazazi wako tayari wamekwisha staafu? Naomi akauliza akionyesha kushangaa

  " Ndiyo..tayari wamekwisha staafu."

 " Mko watoto wangapi katika familia yenu?

 "  Tuko watoto tisa na mimi ni mtoto wa saba.Walionitangulia wote wamekwisha oa na kuolewa na tayari wana familia zao." akasema Genes.

  " Lini unategemea kuwa na familia yako na wewe? akauliza Naomi.Genes akatabasamu na kusema

  " Pindi nikimpata mwanamke wa ndoto zangu ,ambaye nitampenda na atakayenifanya nifurahi na kuishi kama mfalme ndani ya hii dunia."  akasema Genes

  " Nipe mimi kazi ya kukutafutia huyo msichana unayemtaka.Nitampata ndani ya siku moja tu" akasema Naomi na wote wakacheka.

  " Vipi kuhusu wewe? Wazazi wako wanaishi wapi? akauliza Genes

  " Mimi wazazi wangu wote walikwisha fariki.Mama yangu sikuwahi kumuona ,alifariki katika uzazi wakati akinizaa mimi.Baba yetu naye alifariki miaka minne ilyopita.Katika familia yetu tuko watoto  wawili tu mimi na kaka yangu yule uliyemkuta chumbani kwangu siku ile ukafikiri ni mwanaume wangu" akasema naomi na wote wakacheka

  " Pole sana Naomi..sikujua kama wazazi wako wote wamekwisha tangulia mbele za haki" akasema Genes

 " Ahsante sana Genes .Ni mambo ya kawada kwa binadamu na hatuna namna ya kukikwepa kifo" akasema Naomi kisha kikapita kimya kifupi.Naomi akauliza

  " Genes siku ile ulipomkuta kaka yangu chumbani ulikasirika nini? akauliza Naomi na kumfanya Genes acheke sana.

  " Niambie Genes kitu gani kilikukasirisha ? Nakumbuka uso wako ulibadilika ghafla ulipomkuta kaka chumbani kwangu.Nakumbuka ulinikabidhi mfuko uliokuwa na kuku ukaondoka.Nilijaribu kuwasiliana nawe na ukanitumia ujumbe ulioonyesha ni wazi kuna kitu kilikuchukiza.Tena kwa bahati nzuri ujumbe ule mpaka  leo bado nimeuhifadhi katika simu yangu.." akasema Naomi huku akiifungua pochi yake ndogo na kuitoa simu yake akaiwasha na kisha akafungua sehemu ya kuhifadhia ujumbe mfupi wa maandishi akautafuta ujumbe ule wa Genes.Alipoupata akatabasamu

  " Ujumbe wako huu hapa.Sielewi ulikasirika kitu gani." akasema Naomi huku akimpa Genes simu ili ausome ujumbe ule uliosomeka hivi.

  " Mimi nimetoka kula mgahawani.Nilitaka tule wote lakini niliogopa baada ya kumkuta mumeo mpya.Sikutaka kukuletea matatizo.Nashukuru Naomi naomba uendelee kula mimi sintakuja" 

 Baada ya kuusoma ujumbe ule Genes akaangua kicheko kikubwa na kumrudishia Naomi simu yake.

  " Niambie Genes ni kwa nini ulikasirika na kuhisi pengine yule alikuwa ni mwanaume wangu? akauliza tena Naomi

 Genes akachukua kitambaa na kufuta machozi yaliyotokana na kucheka sana kisha akasema

  " Naomi ni kweli siku ile nilichukia nilipomkuta kaka yako chumbani.Nilistuka sana nikadhani labda umempata mwanaume mwingine mapema namna ile.Samahani kwa hilo" akasema Genes na kuendelea  kucheka

  " Hata kama ingekuwa ni kweli yule angekuwa ni mwanaume wangu kwa nini ukasirike? Naomi akazidi kumbana Genes kwa maswali

  " uh ! Naomi una maswali magumu sana lakini ukweli ni kwamba kila mwanaume anaitafuta nafasi ya kuwa karibu na msichana mrembo ,mwenye kujiheshimu na mwenye roho nzuri kama wewe na ndiyo maana nikachukia kwa kujua nafasi hiyo tayari imekwisha chukuliwa na mtu mwingine" akasema Genes na kumfanya Naomi achanue tabasamu pana sana usoni

  " Ouh genes..hilo tu ndilo lilikufanya ukasirike?

 " Yah ..hilo tu lilinifanya nikasirike.Naomi nilikuwa nikihitaji nafasi ya kuwa karibu na wewe kama tulivyo hivi sasa.Baada ya kuachana na yule kijana niliona ni nafasi ya pekee mimi kuwa na wewe kwa sababu ni muda mrefu nilikuwa nikiitafuta nafasi hiyo lakini sikuipata kwa sababu nilikuwa nikiheshimu mahusiano yako na yule kijana.Naomi naomba niutumie usiku huu kukueleza ukweli ....." akasema Genes kisha akanyamaza kidogo akamuangalia Naomi usoni lakini kabla hajasema chochote sauti kubwa ya muongozaji wa shughuli ile ikasikika kupitia spika kubwa .

  " Mabibi na mabwana ninawaomba wale wote mlioko nje ya ukumbi muingie ndani sasa sherehe yetu inakwenda kuanza rasmi." akasema muongoza shughuli

  " Ouh kumbe sherehe inataka kuanza.Naomi we'll talk later..." akasema Genes

  " Ouh gosh I was dying to hear what you wanted to tell me" akasema Naomi kwa sauti ya kulalama.

   Mara katika meza waliyokuwa wamekaa Naomi na Genes akafika mfanyakazi mwenzake na Naomi aitwaye Mwanaidi akiwa na mumewe wakajumuika nao.Sherehe ikafunguliwa rasmi.Hotuba mbalimbali zikasomwa.Nyingi ya hotuba hizi zilikuwa ni za kumpongeza mkurugenzi anayeondoka kwa utendaji wake wa kazi uliotukuka .Baada ya hotuba kikafuata kipindi cha kukabidhi zawadi mbali mbali kwa mkurugenzi anayeondoka na kisha mkurugenzi mpya akakaribishwa rasmi halafu wafanyakazi wote wakajumuika kwa chakula.Baada ya zoezi la chakula kukamilika muongozaji shughuli akasimama tayari kueleza nini kingefuata.

  " Mabibi na mabwana baada ya ratiba yetu ndefu kukamilika kwa kiasi kikubwa kinachofuata kwa sasa ni kile kipindi cha kuserebuka .Nina imani kila mmoja hapa amekuja na mtu wake kwa hiyo hatutarajii kutokea kwa matukio ya kuchukuliana wapenzi na kuhatarisha amani katika usiku wetu huu mzuri.." akasema muongoza shughuli yule na kuwafanya watu wote wacheke halafu.akaendelea

  " Nimedokezwa hapa na mzee wetu tunayemuaga kwamba kuna binti yake ambaye kwa usiku wa leo ameng'aa kama malaika.Kwa heshima kubwa sana na kwa baraka zote  toka katika bodi ya wakurugenzi anamuomba binti yake huyu atufungulie muziki kwa usiku wa leo.Mabibi na mabwana kwa heshima kubwa naomba kumwinua kitini mrembo wetu wa usiku huu ambaye amependeza kuliko wote ..Mnapenda kumfahamu ni nani huyo? akasema muongoza shughuli na kuzidisha minong'oni ukumbini

  " Ladies and gentlemen please put your hands together for the qeen of his night Naomiiii......" Ukumbi wote ukalipuka kwa kelele za kushangilia.Naomi hakuwa ametarajia kitendo kama kile kutokea.Akastuka akashindwa aseme nini akabaki akitabasamu

  "Ladies and gentlemen nimedokezwa kwamba katika usiku wa leo Naomi  ameongozana na rafiki yake wa kiume aitwaye Genes.Naomi tafadhali mahala popote ulipo tunakuomba umshike mkono Genes na msogee hapa mbele mtufungulie muziki ." akasema Muongoza shughuli.  

   Naomi akainuka kitini na kumuinua Genes wakashikana mikono kisha wakaanza kutembea kuelekea mbele ya ukumbi.

  " mabibi na mabwana naomba tuwapigie makofi mengi ya kushangilia Naomi na Genes ambao wamepewa heshima ya kutufunghulia muziki kwa usiku wetu wa leo.Ama kweli wanastahili kupewa nafasi hii.Wamependeza sana vijana wetu hawa jamani.Tuwashangilie kwa nguvu sana " akazidi kuchombeza muongoza shughuli wakati Genes na Naomi wakielekea mbele ya ukumbi.Naomi alihisi kama miguu yake inagongana.Alimshukuru Genes kwa kuwa nguzo yake vinginevyo angeweza kuanguka.kelele zile za kushangilia zilizidi kumchanganya Naomi.

  walifika mbele ya ukumbi na kufungua rasmi muziki.Ulipigwa wimbo laini sana,Genes akamshika Naomi kwa namna ambayo hakuna ambaye angeamini kwamba hawakuwa wapenzi.Walicheza kama wapenzi walioshibana sana ,mkurugenzi anayeondoka akamshika mkono mke wake nao wakajiunga na akina Naomi halafu akainuka mkurugenzi mpya naye akamchukua mkewe wakajiunga katika kucheza ,wafanyakazi wengine nao kila mtu na mtu wake nao wakajiunga  na muziki ukawa umefunguliwa rasmi.

    Saa tisa za usiku sherehe ikafungwa .Bado Naomi aliendelea kupongezwa na wafanyakazi wenzake kwa kuifanya sherehe ile kuwa na mvuto wa aina yake.Baada ya kuagana na watu wengine Naomi na Genes wakaingia katika gari lao na kuondoka.

  " Sherehe ilipendeza sana " akasema Genes wakiwa garini lakini Naomi hakujibu kitu.Genes akakumbuka kwamba Naomi hakupenda maongezi wakati akiendesha gari.

  Waliiacha barabara iliyokuwa ikielekea nyumbani kwao wakachepuka kushoto .Genes akafikiri Naomi amepotea njia lakini kila alipomtazama hakutaka kuamini kama ni kweli Naomi amepotea njia.

 Baada ya mwendo wa dakika kumi hivi gari ya Naomi ikapunguza mwendo na kuwasha taa ya kushoto kuashiria kwamba ilikuwa ikielekea katika geti la hoteli kubwa ya kitalii ya Kobe Village  moja ya hoteli kubwa na yenye hadhi ya juu katika ukanda huu wa afrika mashariki.Naomi akalipeleka gari hadi katika maegesho kisha akamgeukia Genes.Akauinua mkono wake wa kushoto akamshika bega Genes.Wakatazamana kisha Naomi akasema

  " Genes usiku wa leo tutalala hapa.."

Genes akamtazama Naomi asiamini kile alichokisikia.

  "Naomi unasemaje? Huku akitabasamu Naomi akasema

 " Genes usiku wa leo tutalala hapa " akarudia Naomi halafu akafungua mlango wa gari na kushuka..Genes ambaye alionekana kama vile amemwagiwa maji ya baridi naye akashuka garini.Naomi akamshika mkono wakaanza kupiga hatua kuelekea ndani ya hoteli ile kubwa ya kifahari.

NINI KITATOKEA NDANI YA HOTELI ? MPENZI MSOMAJI ENDELEA KUFUATILIA SIMULIZI HII KATIKA SEHEMU IJAYO.  

KWA SIMULIZI ZAIDI TEMBELEA HAPA MASIMULIZI