SERENA SEHEMU YA 6

RIWAYA : SERENA
SEHEMU YA 6

ILIPOISHIA SEHEMU ILIYOPITA

“Jason ni mimi Stella .Nimetaarifiwa mambo yamekwenda vizuri na tayari umeshapewa ofisi.”

            “Ndiyo mheshimiwa nashukuru sana.Kila kitu kimekwenda vizuri”

            “Vipi unaonaje kazi?

            “Kazi siwezi kusema rahisi kwa sababu ndio kwanza najifunza ili nipate uzoefu lakini nina imani nitafanya vizuri zaidi kadiri siku zinavyozidi kwenda mbele”

            “ good.Nafurahi kusikia hivyo Jason.Jitahidi uelewe kila kitu.Mr Kulangi yupo atakusaidia kuelewa kila kitu .Mimi bado niko safari.

Kabla sijasahu kuna gari nimeamuru upewe na dereva wa kukuendesha hadi hapo utakapoweza kuendesha mwenyewe.Nimewaambia kesho wakakuandikishe katika chuo cha udereva ili uwe ukijifunza muda wa jioni.Nataka uwe na muonekano wa kimeneja Jason”akasema Stella

            “ mheshimiwa nashukuru sana.Sina kuongea kinachoweza kupita neno ahsante sana kwa yote uliyonitendea”

            “Usijali Jason.Kazi njema.Kama una tatizo lolote muone Digna”

Jason akashindwa kujibu ,kwa furaha aliyokuwa nayo.Hakuamini kama angeweza kufikia hatua kama hii mapema namna hii.

            “ Life is full of miracles..jana nilikuwa kapuku lakini leo hii ni meneja..Huu ni muujiza kwangu “ akawaza Jason kisha akaendelea na kazi

ENDELEA…………………………….

Jumamosi tulivu ndani ya hoteli kubwa na tulivu iliyopo pembezoni mwa bahari ya hindi.Kiza kilikwisha tanda na hivyo kufanya taa zenye mwanga hafifu kutawala katika eneo hili tulivu la hoteli.Muziki laini wa ala ulikuwa ukisikika na kupafanya mahala hapa pawe ni mahala tulivu kwa kupumzikia baada ya shughuli za kutwa nzima.

            Katika meza moja iliyokuwa pembeni kabisa kulikuwa na watu wawili wameketi.Mheshimiwa mbunge Stella kamutere alikuwa na mazungumzo muhimu na Jason.Mazungumzo haya yalikuja baada ya Jason kupata matokeo mazuri ya kidato cha sita kwa kufaulu daraja la kwanza katika masomo ya kemia,fizikia na baiolojia.Ushindi huu ilikuwa ni furaha kubwa kwa Jason ya kuelekea katika kuitimiza ndoto yake ya siku nyingi ya kuwa daktari.

            “Jason,nafurahi kusema kuwa matokeo yako ya kidato cha sita yamedhihirisha wazi kuwa unaweza na hata nafasi uliyopata katika moja ya makampuni yetu ulistahili.Mwanzoni watu hawakuelewa ni kwa nini ulipewa nafasi ile ya juu.Ni kutokana na juhudi zako na akili ulizonazo.Angalia kwa muda mfupi tu uliokaa pale umekwisha elewa kazi na tayari ufanisi umekwisha anza kuonekana.Kwa kweli ukiondoka pale ,kampuni yetu ya simu itakuwa imeondokewa na mtu muhimu sana na mchapakazi hodari.Lakini kwa hali halisi jinsi ilivyo ni lazima uondoke .Lengo lilikuwa ni kukupa ajira ya muda wakati tunasubiri matokeo na kama matokeo yanavyoonyesha umefaulu kwa kiwango cha juu mno.Kama lilivyo lengo la taasisi yangu ni kuwasaidia vijana inaowaona wanafaa,katika kutimiza ndoto zao maishani.Na wewe kwa kuwa ulichaguliwa kuwa miongoni mwa wale vijana kumi wa kila mwaka basi ni lazima tutimize azma yetu yaani kufanikisha kutimiza malengo lako.”

            Stella akatulia akapiga funda kubwa la mvinyo kisha akaendelea

            “ Baada ya kupata matokeo hatua inayofuata ni kuanza kushughulikia masuala ya chuo kutokana na matakwa ya mlengwa.Najua ndoto yako kubwa ni kuwa daktari.Lakini mimi nina ushauri mmoja katika hilo,nakushauri usomee Neurosergery.Hii ni moja ya fani yenye wataalamu wachache sana hapa nchini.Kwa hapa Tanzania uhitaji ni mkubwa sana wa madaktari wa fani hii.Kwa kulipa uzito suala hilo tayari taasisi yangu imekwisha kufanyia mpango ukasome katika moja ya vyuo bora kabisa vyenye kutoa masomo ya fani hii nchini Marekani,chuo kikuu cha Virginia.”

            Jason akashindwa kuongea kitu kutokana na furaha iliyochanganyika na mstuko .Usoni pake michirizi ya machozi ilionekana.Stella akatoa kitambaa na kumsaidia kufuta machozi.

            “Jason nini kinakuliza?

            “Mheshimiwa I’m over excited.Sikutegemea hata siku moja kama mambo yangu yangekwenda hivi.Sijui hata nitafanya kitu gani cha kuweza kukulipa mheshimiwa”

            “Jason wewe ni mmoja wa vijana wenye bahati sana duniani,naomba usije ukaipoteza bahati hii.Mimi mwenyewe hata sijui ni kwa nini kila linapokuja suala lako ninajikuta ninaguswa sana..anyway hayo tuyaache.Kwa hiyo ndio hivyo ukae ukijua kuwa chuo tayari umeshapata na siku si nyingi taratibu nyingine zitafuata utafahamishwa nini kinachoendeea” akasema Stella.

UNIVERSITY OF VIRGINIA

            Mwisho wa mwaka wa kwanza wa masomo katika chuo kikuu cha Virginia uliisha Jason akiwa ni mmoja kati ya wanafunzi walioonyesha uwezo wa juu sana katika masomo kiasi cha kuwashangaza hata maprofesa .Hakutaka kuichezea bahati aliyoipata.Kwake lengo lilikuwa moja tu kuwa daktari bingwa wa  neva za fahamu za ubongo na uti wa mgongo.

            Jioni ya siku moja akiwa chumbani kwake akijisomea simu yake ikaita.Kuangalia alikuwa ni Stella

            “hallo Mheshimiwa” Akasema Jason huku akitabasamu .

            “hallo Dokta”Akasema Stella huku naye akicheka.

            “Vipi habari za Dar? Poleni na mambo ya siasa ,nilitazama juzi Aljazeera polisi walitumia risasi kuwatawanya waandamanaji”

            “Ndiyo Dokta.Mambo ya siasa huku kwetu ni magumu sana kama unavyojua.Bado demokrasia ni changa ndio maana mambo kama yale ni ya kawaida kutokea kwa nchi kama zetu.Tumeshazoea,ndio siasa hiyo.Nipe habari za huko”

            “Habari za huku nzuri tu mheshimiwa tunaendelea vizuri na kama nilivyokutaarifu tuko mbioni kufunga chuo.”

            “Ndiyo nakumbuka  ulinitaarifu.Na hilo ndilo limenifanya nikupigie simu saa hizi.Ni kwamba hata mimi nitakuwa na mapumziko ya mwezi mmoja na nimeamua safari hii kuja kupumzika marekani.Nitakuwa na mwezi mzima wa mapumziko hivyo kwa kuwa na wewe utakuwa likizo basi ningeomba tuungane katika mapumziko haya.Nimepanga kuzunguka sehemu mbali mbali za Amerika.Natumai yatakuwa mapumziko mazuri sana.” Akasema Stella.Huku akitabasamu Joe akajibu

            “ Mheshimiwa nimefurahi sana kusikia hivyo.Ingawa nilikuwa na lengo la kurudi nyumbani lakini kwa vile unakuja basi hakuna tatizo.Nitafurahi sana kuijua vizuri Marekani.Lini unakuja?

            “ siku yoyote kuanzia jumatatu.nitakutaarifu.Nashukuru sana Jason kwa kukubali kuungana nami ” akajibu Stella na kukata simu

*                      *                      *                      *

           

            Ni Saa tisa alasiri Stella kamutere akiwa na Jason wakijiandikisha katika moja ya hoteli za hali ya juu sana jijini Los angeles.Berverly hills ni moja kati ya hoteli inayofahamika ulimwenguni kwa kuwa na gharama za juu na huduma za kiwango cha juu.Baada ya kukamilisha taratibu zote huku wakiongozwa na wahudumu wenye tabasamu la kuvutia walipelekwa katika nyumba waliyokodi.Stella alitaka wakae katika nyumba yao peke yao bila kuchanganyika na mtu mwingine yeyote.Jason hakuweza kuongea kitu chochote zaidi ya tabasamu zito ambalo halikumkauka.

            Nyumba hii iliyozungukwa na miti na bustani nzuri za maua ilikuwa na vyumba viwili vya kulala,jiko iwapo mteja atataka kupika mwenyewe,sehemu ya chakula ,bwawa la kuogelea,vile vile kulikuwa na wahudumu wa kutoa huduma muda wote itakapohitajika.

Stella akaikagua nyumba yote na kuhakikisha iko safi kwa mujibu wa matakwa yake halafu akarudi sehemu ya kupumzikia alikomuacha Jason.

            “Jason unapaonaje hapa?

            “Mhh sijui hata nisemaje.Sijawahi katika maisha yangu kuingia katika hoteli nzuri kama hii.It’s a wonderfull place” akasema Jason huku akitabasamu.

            “Nafurahi kusikia hivyo.Nimekuja hapa kupumzika na kufurahi vile vile kukufanya nawe ufurahie mapumziko yako.Tunaposema mapumziko ni kupumzika kweli kweli .”Stella akasema huku naye akitabasamu.

            " Nimefurahi sana Stella.Sijawahi kuhisi furaha ya namna hii.Kweli ninajisikia kupumzika." akajibu Jason

            “I feel hot.Unajua kuogelea? Stella akauliza

            “Hapana mheshimiwa.sijui na sijawahi hata kuogelea maji ya magotini”

            “C’mon Jason please just call me Stella inatosha haya mambo ya mheshimiwa achana nayo.Tuko mapumzikoni”

Jason akamtazama Stella kwa sekunde kadhaa,kutotamka neno mheshimiwa kwake ilikuwa ni kama kutokuwa na heshima kwa mtu kama huyu ambaye ameweza kumsaidia mpaka hapa alipofika.

            “Promise me jason hutaniita mheshimiwa tena…eeenhh..” Akasema Stella huku akimshika bega Jason.

            “I promise” Akajibu kwa uoga

            “ok let me go change and I’ll teach you how to swim”

            Stella akaingia chumbani na baada ya muda akatoka akiwa katika vazi la kuogelea .Alikuwa amevaa kichupi cheupe pamoja pamoja na sidiria nyeupe iliyoyafunika matiti yake.Sehemu nyingine zote za mwili wake mweupe na mwororo zilionekana dhahiri.Jason akastuka ghafla kama kaona malaika vile.Akabaki akimtazama Stella.Uzuri wa umbo la Stella ulimtatanisha.Mapigo ya moyo wake yakaanza kumuenda mbio.Alimuheshimu mno Stella na kumuona kwa mara ya kwanza katika mavazi yale kulimstua mno.

            “What !!!……Why are you lookin at me like that? Akauliza Stella huku akicheka

            “uuhmm ….nothing….you look good ” akasema Jason.Stella akacheka kicheko kikubwa kisha akasema

            “C’mon Jason go change ………”

            Jason akainuka akaenda chumbani kubadili nguo.Aliporejea alimkuta tayari Stella yuko ndani ya maji.

            “Over here Jason.Rukia ndani” Akasema Stella aliyekuwa akielea ndani ya maji

            “Mimi mwoga sana wa maji Stella” Akasema Jason

            “Usiogope ingia ndani I’ll show you how to swim”

            Wakati Jason akaijishauri Stella akatoka ndani ya maji na kumkaribia

            “you know Jason ukitaka ujue kuogelea usiogope maji.Just get in the pool like this…” Stella akamsukumia Jason ndani ya maji huku akicheka halafu naye akajirusha majini.Jason hakujua kuogelea hivyo akawa akihangaika jinsi ya kuogelea mara akajikuta ameshikwa kifuani.  Akageuka na ghafla mapigo ya moyo yakabadiliaka macho yake yanapogongana na macho ya Stella.Wakaangaliana kwa sekunde kadhaa kisha Stella akasema

            “unajua Jason ukitaka kujua kuogelea just put your hands like this………”.Stella akaanza kumfundisha Jason jinsi ya kuogelea.

            Zoezi la kuogelea lilichukua kama saa nzima.Jason alianza kujua jinsi ya kuogelea na tayari akaanza kunogewa.Walipochoka walitoka majini na kwenda kukaa katika viti vya kupumzikia vilivyokuwa pembeni ya bwawa hilo.Stella akamwita muhudumu na kuomba aletewe juice ya matunda mchanganyiko Jason naye hali kadhalika akaomba aletewe kinywaji hicho hicho.

            “you know Jason,I’ve been doing lots of work.I’m busy always.Mambo ya siasa,biashara,managing companies, yote haya yananikabili mimi.Changamoto ni nyingi mno.Huwezi amini nikikwambia kuwa muda wangu wa kupumzika ninaamanisha kulala  ni chini ya masaa matatu.All the time phone calls,meetings kiasi kwamba I forget myself.So this time I’ve switched off my phone,no meetings no anything.I want to relax.I want to enjoy and have fun.Nasikia furaha sana ninapokuwa na wewe kama hivi.Promise me you’ll help me this few days I have here in US to have fun and enjoy.” Akasema Stella.Jason akageuka akamtazama Stella ambaye alikuwa amejilaza katika kiti pembeni yake huku nywele zake ndefu zikiwa zimeloa maji.Mwili wake ukasisimka alipolitazama tena umbo la mwanasiasa huyu mdogo kuliko wote katika bunge la jamhuri ya muungano wa Tanzania .

            “Mhe……ouh sorry Stella hata mimi nafurahi kuwa na wewe kama hivi kwa hiyo chochote utakachosema niko tayari..I promise I’ll be there…….”Jason akashindwa kuendelea alitokewa na hali Fulani ya kuishiwa maneno.

            “ Jason maneno yako matamu, nashukuru sana.Ninaamini nitakuwa na mapumziko ambayo sintaweza kuyasahau maishani.” Akasema Stella

            Kijua kitamu cha jioni kilianza kupungua hivyo kulikaribisha giza la usiku.Jason na stella wakainuka na kuelekea ndani ya nyumba yao.Kila mmoja akaingia chumbani kwake kubadili nguo kwa ajili ya jioni hiyo ambayo walipanga wapate chakula cha usiku ndani ya nyumba yao.

            “This is the day I’ve been praying for.Ouh God help me please.”Akasema Stella kwa sauti ya chini akiwa chumbani kwake amesimama mbele ya kioo huku akiwa mtupu.

            “Today Jason must be mine and he’ll be mine forever.God I love this guy with all my heart.Give me enough guts to face him.I know even if he feels something he wont tell me.Ananiheshimu mno.Mimi ni mtu wa muhimu mno kwake kwa hiyo hawezi knieleza kitu chochote kuhusiana na masuala ya mapenzi akawaza Stella kisha akageuka na kujitazama kwa nyuma akatabasamu

             “I’m such a sexy lady.i swear Jason must be mine.Tayari nimekwisha muondoa ule uoga aliokuwa nao kila anaponiona kwa kitendo cha kuogelea pamoja naye.Kitendo cha kuniona katika bikini kimemsisimua sana.As from today he’ll be mine.I’ll go till the end of the world just for him.I’ll use even a last cent I have till he learn to love me.So today is the day.Today my life begins” Akasema Stella kwa sauti ya chini kisha akaingia bafuni kuoga ili kujiandaa kwa jioni.

NINI KITATOKEA JIONI YA SIKU HIYO? TUENDELEE KUWA PAMOJA

KWA SIMULIZI ZAIDI TEMBELEA HAPA MASIMULIZI