SERENA SEHEMU YA 3

ILIPOISHIA SEHEMU ILIYOPITA

“Amekwambia nini kuhusu Serena? Mbona ameweka msisitizo mkubwa namna hii…” Nange akauliza.

            Huku akitabasamu Jason akajibu.

            “ Ni maongezi ya kawaida tu ila alipenda  nimuone Serena ,walau nimsalimie.”

            Nange akacheka tena kicheko kikubwa.

            “Ok haina shida nitamleta akusalimie.Halafu umekuja wakati mzuri ,kesho kuna rafiki yetu ana birthday party yake na ametuomba tusikose mimi na Serena.

Nilikuwa na wasi wasi sana kuhusu kuruhusiwa kwenda huko kwa sababu mimi huwa siruhusiwi kuwa nje ya nyumba baada ya saa kumi na mbili jioni labda nikiwa na Ray.Kwa vile wewe utakuwepo itabidi twende wote ili iwe  rahisi mimi kuruhusiwa kwenda.Huko ndiko utakapomuona Serena.”

            Hakuna mtu aliyeweza kuona furaha ya Jason kwa kauli ile ya Nange.kwa sasa kitu pekee alichokuwa akikihitaji ni kumuona Serena homa ya jiji la Mbeya.

            “Hakuna shida Nange, weka mambo safi ili kesho tuhudhurie hiyo sherehe.”

ENDELEA………………………………….

            Saa kumi na mbili na dakika tano jioni siku iliyofuata Nange na Jason walikwisha wasili nyumbani kwa akina Sasha ,binti mrembo ambaye leo hii alikuwa akisherehekea siku yake ya kuzaliwa.Tayari baadhi ya waalikwa walikuwa wamekwisha fika na wengi wao wakiwa ni wanafunzi wanaosoma nao shule moja.Dereva aliyewapeleka aliegesha gari  kisha Jason na Nange wakashuka.

            “waooh ! karibuni sana Nange” Binti mmoja alikuja kuwapokea kwa furaha huku akikumbatiana na Nange.

            “ahsante sana Nancy” akajibu Nange

            “Jason huyu ni Nancy mdogo wake  Sasha ambaye anazaliwa leo..” akasema Nange haalfu akamgeukia nanchy

            “Nancy huyu ni kaka yangu anaitwa Jason.” Nange akasema

            “Jason karibu sana “ Akasema Nancy kwa furaha.Binti huyu alijaaliwa sauti nzuri laini yenye kuvutia.

            “Nilipowaona nikadhani labda leo umeamua kuja na shemeji kwa sababu sijawahi kumuona Jason pale kwenu mara zote ninapokuja na Sasha.Ninamfahamu Ray peke yake” akasema Nancy na   Wote wakaangua kicheko huku wakielekea ndani ambako ndiko sherehe ilikuwa inafanyikia.Baada ya kusalimiana na watu kadhaa Nange akamuacha Jason katika meza iliyokuwa pembeni kabisa yeye akapanda juu ghorofani ambako ndiko alikokuwa Sasha binti anayesherehekea siku yake ya kuzaliwa.Sebuleni  kulikuwa na watu wa kutosha na sura nyingi zilionyesha kuwa ni za wanafunzi.Kwa mujibu wa maelezo ya Nange wazazi wa Sasha hawakuwepo,walikuwa safari nje ya nchi .

            Sherehe ilianza rasmi saa moja kasoro robo.Ilikuwa ni sherehe ndogo lakini iliyoandaliwa vizuri sana.Watu walikula na kunywa vilivyo.Ilipofika saa mbili kama na robo hivi Jason akaamua kutoka nje ili apate upepo kidogo kwani kilichokuwa kikiendelea ndani ni  kucheza mziki .Hakuwa na mtu wa kucheza naye kwani Nange alijichanganya na kundi la wanafunzi wenzie kucheza.Kilichomshangaza zaidi ni kushindwa kumuona Serena pale ukumbini hali alihakikishiwa na Nange kuwa ni lazima angekuwepo pale.

            “Anyway kama leo hayupo nitamuona hata siku nyingine” akajisemea kimoyo moyo Jason huku akiufungua mlango na kutoka nje,akakaa katika kibaraza na kuifurahia mandhari nzuri ya hapo nje.

            “Sijui ni kwa nini Serena ananijia akilini namna hii .Toka nimeziona picha zake siku ile kwa Ray basi amekuwa akinijia akilini mara kwa mara.Do I have any feelings for her au ni tamaa tu ya uzuri wake.No ! si tamaa.Mtoto yule tayari ameanza kuingia katika mishipa yangu ya damu taratibu.Inabidi niidhibiti hali hii mapema kwa sababu inaweza kuniletea shida siku za usoni nikapoteza dira na mwelekeo wa maisha yangu,nikajikuta ninaumiza moyo wangu bure kwa ajili ya mtoto ambaye sina uwezo wa kumpata.Serena hawezi kunikubali mtu kama mimi ambaye familia yangu hailingani kiuwezo na yake…”akawaza Jason.

            Akiwa bado katika mawazo mengi ya kumuwaza Serena mara mlango ukafunguliwa akageuza shingo kuangalia,hakuamini kile alichokiona.

            “oh My God is this true?….Akajisemea mwenyewe

Aliyetoka pale mlangoni alikuwa ni Serena akizungumza na simu.Serena hakuweza hata kuangalia kama pale katika kibaraza kulikuwa na mtu amekaa,yeye akaendelea kuongea na simu.

            “Ndiyo mama tunakaribia kufunga sherehe,muda wowote tunarudi”

            “ndiyo mama,,……..”

            “Its ok mom…see you soon.Bye”

            Alipomaliza kuongea na simu akainama kidogo kisha akaiweka simu yake mfukoni akawa tayari kurejea ndani ndipo alipokutanisha macho na Jason ambaye alikuwa amekaa pembeni ya ukuta akimuangalia kwa macho ya mshangao.

            “haaa!!!! Sikujua kama kuna mtu huku.Mbona uko nje peke yako” Serena akauliza kwa mshangao.Alikuwa amestuka kidogo.

            Jason akapata kigugumizi kidogo kujibu.Akabaki amemkodolea macho binti yule mrembo ambaye kwa leo uzuri wake ulikuwa hauelezeki.

            “Ni ..nime….nimekuja kupata hewa kidogo kwa sababu  ndani ninahisi upweke sana.Hakuna anayenifahamu zaidi ya Nange .” akasema Jason

            Serena akamkazia macho na kuuliza

            “Nange!!! We ni ndugu yake Nange?

            “ Hapana si ndugu yake ila ni mgeni wao,nimekuja leo toka shule,naelekea Tunduma hivyo nimefikia pale kwao.Ninasoma shule moja na kaka yake Ray”

            “Ouh ! karibu sana.Kumbe uko shule moja na Ray. Nange ni rafiki yangu mkubwa sana pamoja na huyu Sasha anayesherehekea siku yake ya kuzaliwa leo.Tunasoma shule moja wote.Nange mbona hajatutambulisha? Kafanya vibaya sana…..” akasema Serena.Jason akatabasamu.likosa neno la kusema akabaki anamtazama binti Yule mwenye uzuri wa kimalaika

            “By the way Naitwa Serena” akasema Serena huku akimpa mkono Jason

             “Naitwa Jason”  Jason akasema huku akatabasamu .Tayari uoga ulikwisha anza kupungua baada ya kushikana mikono na Serena homa ya jiji la Mbeya.

            “Sherehe imefana sana kwa hiyo sidhani kama Nange anakumbuka tena kunitambulisha kwa rafiki zake.” akasema Jason na kumfanya  Serena acheke kidogo

            “Kweli sherehe imependeza sana.Imeandaliwa vizuri.hata mimi nimefurahi”

            Jason akabaki ametabasamu asijue nini cha kuongea.

            “Kwa hiyo mmefunga shule? Akauliza Serena ambaye alionyesha kutaka kuendelea kuongea na Jason pale nje.

            “Ndiyo tumefunga shule.Ray yeye amekwenda Zanzibar kwa kaka yake na mimi  naelekea Tunduma kumsalimia  kaka yangu pia ”

            “Kwani wewe ni mwenyeji wa wapi? akauliza Serena.

            “ Mimi mwenyeji wa Arusha”

            “Ouh ok ! Nimefika Arusha mara kadhaa wakati nakwenda kutembelea mbuga za wanyama.Napapenda sana,ni pazuri.Unaishi maeneo gani pale Arusha?”Serena akauliza.

            “Pale Arusha ninaishi sehemu moja inaitwa Ngaramtoni.”

            “ Siifahamu sehemu hiyo.Nitapanga siku moja nije nitembee vizuri Arusha na rafiki zangu.I hope utakuwa mwenyeji wetu..”Akasema Serena huku akiachia tabasamu pana na kuufanya uso wake uzidi kung’ara na kupendeza.

            “Msijali karibuni sana Arusha.Muda wowote nitafurahi sana kuwa mwenyeji wenu " akasema Jason.

            Mlango ukafunguliwa akatokea binti mmoja mwembaba mrefu kidogo aliyevaa gauni refu la usiku,akitembea kwa maringo kuelekea alipokuwa Serena.Kisura huyu alifanana sana na Serena.Bila kutambulishwa Jason akajua yule alikuwa Isabella mdogo wake Serena.

            “Tunakutafuta ndani kumbe uko huku nje” Akasema binti yule ambaye naye alikuwa mzuri kupindukia.Aliposimama na Serena alionyesha kumzidi urefu kidogo.

            “Duh!!,watoto hawa wamebarikiwa uzuri wa kipekee mno”Akawaza Jason

            “Jason huyu ni mdogo wangu anaitwa Isabella..Isabella huyu ni mgeni wetu yuko kwa akina Nange anasoma shule moja na Ray anaitwa Jason”

            “Ouh karibu sana Jason.Karibu sana Mbeya.”

            Akasema Isabela huku akimpa mkono Jason”

            “Ahsante sana Isabela.”

            “Vipi kitu gani kinachoendelea huko ndani? “Serena akamuuliza Isabela.

            “Ni muziki tu.Nadhani ni muda wa kujiandaa kuondoka sasa.”

            “Jason  ngoja tukaage ndani tunataka kuondoka.Kama bado upo tutaendelea kuonana.Nitakuja kwa akina Nange ,kesho au kesho kutwa.Pale ni kama nyumbani.” akasema Serena

            “nadhani tutazidi kuonana .Sina haraka sana ya kuwahi huko Tunduma.”

            Serena na Isabela wakamuaga Jason ,wakaingia ndani ili kuaga wenzao tayari kwa kuondoka.

            Dakika kama tano baadae wakatoka wakiwa na kundi la wasichana wengine kama watano hivi na mmoja wao ni Nange.Walikuwa ni kama wakibishana kitu fulani huku wakielekea moja kwa moja alipokuwa amesimama Jason.

            “Jason nimemleta Nange atueleze kwa nini amekataa kututambulisha kama kuna mgeni amekuja ” Akasema Serena.

            “Jamani nimeshawaambia nilipitiwa tu ,lakini lengo lilikuwa kuwatambulisha .Haya jamani huyu anaitwa Jason anatokea Arusha ,anasoma na Ray na hivi sasa wamefunga shule kwa hiyo yupo nyumbani kwa siku chache.Jason hawa ni rafiki zangu niliokuambia.Huyu ni Serena ambaye nadhani umekwisha mjua,huyu ni Sasha ambaye amezaliwa leo,na huyu ni mdogo wake Serena anaitwa Isabella,huyu ni mdogo wake Sasha anaitwa Nancy.” Nange akamaliza kufanya utambulisho ule na wote wakacheka ,wakaagana kisha Serena na mdogo wake  ,wakaingia katika gari lao  dereva wao akaliondoa gari kuelekea nyumbani ,Jason na Nange nao wakaondoka hapo shereheni.

            “Mhh !!..unajua leo kuna kitu cha tofauti sana kwa Serena.Sijawahi kumuona akiwa amefurahi namna hii.Cha ajabu sijawahi kumuona akiongea na mvulana yeyote kwa furaha kama alivyoongea na wewe leo hii…..”Akaanzisha mazungumzo Nange wakiwa njiani kuelekea Nyumbani.Jason akatabasamu , akasema.

            "Yawezekana leo aliamka vizuri,ndio maana amekuwa mtu wa furaha sana” akajibu Jason

            “Yawezekana,lakini nimekaa na Serena kwa muda mrefu sana ,I know her better than anyone.Lazima kuna kitu kimemfurahisha”..Nange akazidi kukazia.

            Jason hakujibu kitu,mawazoni mwake aliamini furaha aliyokuwa nayo Serena ilikuwa ni kutokana na sherehe ile iliyofana sana.Moyoni alikuwa ni mwingi wa furaha hasa baada ya kutimiza ndoto yake ya kuongea na Serena na hata kushikana mikono naye,kitu ambacho watu wengi wanakitafuta bila mafanikio.

            “Ray was right,Serena is hot.Ana uzuri usiokuwa wa kawaida.” Alizidi kuwaza.

*                      *                      *                      *

            Ulikuwa ni usiku mrefu sana kwa Serena.Alikaa kitandani akisikiliza muziki laini alioufungua kwa sauti ya chini.Ni kitu  kimoja tu kilichokuwa kikizunguka akilini mwake kwa wakati huo.Haijawahi kumtokea katika maisha yake kuwa katika hali kama hii aliyonayo.Kila mara sura moja ilikuwa ikija na kuondoka na kumwacha katika fikara nzito.Hii ni sura ya Jason.

            “Why this is happening to me?.Am I right with my feelings? No ..No!!! something isn’t ok with me” Akasema Serena kwa sauti ndogo.

            “Haijawahi kunitokea katika maisha yangu kuvutiwa na mvulana kama alivyonivutia Jason.Well ,he’s handsome and he got everything I need in my dream man.Is this what they call love at first sight? Labda ndio hii imenitokea mimi yaani unamuona mtu kwa mara ya kwanza na kwa wakati huo huo unatokea kumpenda kupindukia.”

            Bado mawazo mengi yalizidi kumsonga  Serena .

            “Jason ana kitu fulani cha pekee tofauti na wavulana wengine.When he laughs…ouh he’s amazing..Akiongea ndio basi kabisa,utatamani asiache…ouh my…” Serena  Akashika kichwa tena .

            “No ! Serena don’t be stupid, its just feelings. Just normal feelings nothing more…You can fight this Serena,you can fight this.You are  strong girl” Akajisemea mwenyewe huku amesimama akijipa moyo wa kulishinda jaribu hili gumu kwake.Alikuwa akisikia tu kwamba mtu ukitokea kumpenda mtu unakuwa kama chizi,alizoea kuyaona haya katika filamu lakini leo hii ilikuwa zamu yake.

            “Help me God to fight this.Its so hard for me.I don’t know what I should do…”

            Aliendelea kujigeuza pale kitandani bila usingizi  hadi ilipofika mida ya saa nane ndipo usingizi ukampitia.

            Saa nne asubuhi akagongewa mlango na mama yake ambaye alitaka kujua ni kwa nini hakwenda kanisani hali si kawaida yake.

            “Samahani mama ,sijisikii vizuri leo,ndio maana nimechelewa kuamka .” Serena akajitetea.

            “Ok jiandae basi tukamuone daktari haraka”

            “Hapana mama I’ll be fine.I just need some rest” akasema serena,

  mama yake akanyamaza huku akimwangalia mwanae kwa makini.

            “Serena hebu nambie una tatizo?….

             “hapana mama sina tatizo lolote.Nadhani ni uchovu wa jana tu .I had a little dance with girls.”

            “Ouh ok kama ni hivyo endelea kupumzika.Ukiamka oga halafu upate chai”

            “Thank you  mother I wont take long” akaseam Serena,mama yake akafunga mlango na kumwacha Serena akiwa bado kitandani.Alimfahamu mwanae vizuri sana hivyo akahisi ni lazima kuna kitu kinamsumbua.Moja kwa moja akamfuata Isabella ambaye alikuwa amerejea toka kanisani

            “Isabela hebu niambie mwanangu.,dada yako anasumbuliwa na nini? Leo hajakwenda kanisani kitu ambacho si kawaida yake,nimetoka kumwangalia anasema anahisi uchovu,hajisikii vizuri..What happened at the party?”

            Isabella akanyamaza kimya akajaribu kuvuta kumbu kumbu juu ya ile sherehe ya jana ya kuzaliwa Sasha.

            “mama ilikuwa ni sherehe ndogo na ya kawaida tu.hakuna kitu chochote kibaya kilichotokea.”

            “ mlicheza muziki?

            “yes tulicheza muziki”

            “Serena naye alicheza muziki?

            “Hapana mama  Serena hakucheza.Muda wote alikuwa akitutazama tunavyocheza.”

            “Kulikuwa na pombe?

            “Ndiyo mama kulikuwa na pombe lakini Serena hakugusa yeye alikunywa maji.Si unamjua Serena mama,Pombe hagusi kabisa.”

            “sasa kama ni hivyo kitu gani kinachomsumbua huyu mtoto? Ok hebu jaribu kukaa naye anaweza akakueleza ni kitu gani ambacho kinamsumbua.

            “Ok mama”

            Isabela akanyoosha moja kwa moja hadi chumbani kwa serena ,akamkuta bado yuko kitandani.

            “Hi sister”Akasema Isabela

            “Hi” Akajibu serena

            “Vipi mbona mpaka saa hizi bado uko kitandani? Father Kalistus alikuuliza baada ya kutokuona katika ibada leo.”

            “Du ! leo nimechoka sana Isabela.Nimechelewa mno kulala jana.”

            “Ulikuwa unasoma?

            “Hapana wala sikuwa nasoma.Just had deep feelings,ndio maana sikupata usingizi haraka”

            “Deep feelings? Ulikuwa unawaza nini Sister?

            “Mhh !  Isabela ni hadithi ndefu .It’s my first time to feel this way.It never happened to me before”

            “What was  that? What happened to you?

            “ Ah ! its just love feelings.I feel I’m in love with someone”

            “In love……………..!!!!??   Isabela akauliza kwa mshangao.Hakuwahi kusikia hata siku moja dada yake akiongelea masuala ya mapenzi.

            “Yes ,why  ? Is it bad to have love feelings?

            Isabela akamkimbilia dada yake pale kitandani na kumkumbatia kwa furaha.

            “Ouh my sister is in love”

            “shhhhhh !!!……Usiseme kwa sauti mama akasikia.She was here few minutes ago.”

            “Wow my sister .Nafurahi kusikia hivyo.kwa hiyo ni nani huyo kijana mwenye bahati ambaye amefanikiwa kuziteka hisia zako kwa mara ya kwanza?He must be a  very handsome guy”

            Serena akacheka kicheko kikubwa.Akatulia kidogo kisha akasema.

            “Ni Jason.Yule aliyekuja na Nange jana kwenye sherehe”

            “Jason..!!!!!!!!? Isabela akastuka.

            “Yes Jason.I think he’s the guy I’ve been dreaming for.Ameweza kunifanya nivunje mwiko wangu na hata masharti ya baba ya kutokupenda mvulana yeyote mpaka hapo nitakapomaliza elimu ya juu.I love him ”

            Isabela akamwangalia dada yake kwa macho makali kana kwamba haamini kile alichokisikia.Serena akaligundua hilo na kuuliza.

            “ Kwani Isabela wewe ulivyomwona Jason ana kasoro gani?

            “Hapana sister,hana kasoro zozote.If u have true feelings for him then I’m happy for you.I always wants to see my sister happy.”

            Serena akamkumbatia mdogo wake kwa furaha.

             “Please don’t tell mom.Nitatoka sasa hivi niende kwa akina Nange ili nimuone Jason.”

            “Ok sister don’t waste time just go” akasema Nange.

            Haraka haraka Serena akaoga ,akajiweka safi na kumpigia simu dereva wao aandae gari anataka kutoka.Akamfuata mama yake na kumuaga kuwa anataka kwenda kumuona Nange.Mama yake akamruhusu lakini akiwa na mashaka Fulani.

            Baada ya Serena kuondoka mama yake akamfuata Isabela na kuanza kumdadisi ili ajue kama Serena alimwambia jambo lolote.Baada ya kubanwa sana na maswali ya mama yake hatimaye Isabela akamwambia mama yake ukweli halisi kuhusu Serena.Mama yake akajishika kichwa kwa mshangao kisha haraka haraka akampigia baba yake Serena simu na kumweleza kila kitu.Taarifa hii ilikuwa ya mstuko kwa baba yake pia.Uamuzi ukafanywa haraka haraka kuwa kabla hajafika huko kwa akina Nange kwa minajili ya kuonana na Jason aitwe nyumbani mara moja na akifika wafunge mizigo yao haraka yeye,Isabela na mama yao waondoke kuelekea Dar es salaam ambako watapanda ndege kuelekea Nairobi ili kumuona baba yao ambaye amepatwa na matatizo.Yote hii ilitungwa ili kumfanya Serena awe mbali na Jason na asiweze kumuona tena.

            Akiwa ndani ya gari yeye na dereva wao akielekea Block T kwa akina Nange Simu yake ikaita .Alikuwa ni mama yake.Akabonyeza kitufe cha kupokelea simu na kuiweka sikioni.

            “Haloo mama”

            “Serena samahani mwanangu kama ulikuwa na safari zako lakini kuna taarifa tumeipata hapa si nzuri baba yako anaumwa sana yuko Nairobi kwa hiyo tunatakiwa wote tuondoke sasa hivi kuelekea Dar es salaam ili kesho tupande ndege tuende kumuona baba yenu.Rudi nyumbani haraka sana ili tuweze kuondoka mara moja”

            Kijasho kilianza kumtoka binti huyu mrembo.Alimpenda mno baba yake.Taarifa ya kuumwa kwa baba yake ambaye alikwenda nchini Kenya kwa ajili ya shughuli zake za  kibiashara ilimstua mno.Hakuwa na jinsi tena zaidi ya kumuamuru dereva ageuze gari warudi nyumbani.Dereva akatii na kugeuza gari kisha Serena akaamua kumpigia simu Nange .

            “Shosti nilikuwa njiani kuja kwenu lakini nimepigiwa simu sasa hivi kuwa ninatakiwa kurudi nyumbani haraka kuna matatizo yametokea.Baba mgonjwa sana amelazwa Nairobi kwa hiyo yatubidi tuanze safari mara moja kuelekea Dar es salaam halafu  tupande ndege hadi Nairobi .Msalimu sana Jason,kama tukiwahi kurudi nitakuja kumsalimu.Jason ana simu ya mkononi?

            “ mhh shosti mbona Jason asalimiwe peke yake,wakati hapa nyumbani kuna watu wengine? Au…hahahahah.Usijali Serena nitazifikisha ila Jason bado yuko kanisani.Pole sana best yangu tuzidi kuwasiliana”

            “Ok Nange nitakupigia tukifika Dar” akasema Serena

TUKUTANE TENA SEHEMU IJAYO

KWA SIMULIZI ZAIDI TEMBELEA HAPA MASIMULIZI