TEN CHAPTERS SEHEMU YA 16

RIWAYA : TEN CHAPTERS

SEHEMU YA 16

ILIPOSHIA SEHEMU ILIYOPITA

 "Muda mwingi nimekuwa nikiwaza mambo ya ulimwengu huu na kusahau kitu kilichonileta hapa.Nilikuja mahala hapa kuanza kuandika simulizi yangu na nikishamaliza nitasema kwa sehemu hii heri kwa sababu sintapaona tena mahala hapa nilipopapenda mno wakati huo bado sijaufahamu ulimwengu ukoje.Jua linakaribia kuzama ngoja nianze kuandika simulizi yangu kabla ya giza kuingia.Nitaanzia siku ile maisha yangu yalipoanza kubadlika nikiwa hapa hapa katika mwamba huu."

akawaza huku akiichukua kompyuta yake ndogo toka katika mkoba wake mdogo akaikunjua akaiwasha na kuiweka mapajani mwake na kisha akafungua sehemu ya kuandikia akaanza kuandika.

   “ Hii ni sura ya kwanza ya simulizi yangu na wakati huu nilikuwa najulikana kama Linah japokuwa jina hili nimelibadilisha mara kadhaa.” Akawaza halafu  sura y akijan a mmoja ikamjia

            “ Ouh Genes ! najaribu kukusahau lakini badi unaendelea kunijia akilini.” Akasema Linah na kuinama chini

            “Bado moyo unaniuma sana kila nikimkumbuka Genes na maumivu niliyomsababishia.Hii itakuwa ni sura yak mi nay a mwisho ya kitabu change.Nitaeleza kila kitu kuhusiana na kuzama katika penzi la kweli na kijana hyu lakini kwa sababu zilizo nje ya uwezo wangu ndoto yetu ya kuwa pamoja haikuweza kutimia.Yawezekana Genes akanielewa pale atakapokisoma kitabu change..” akawaza Linah  hlafu akafungua chupa na kupiga funda la mvinyo.

            “ Sitakiwi kuendelea kuumiza kichwa kwa suaal hili la Genes.Nimekwisha achana na maisha y amaigizo ya Arusha na kwa sasa nimerudi katika maisha yangu halisi kama linah.Naomi wakati wake umekwisha.” Akawaza Linah

            “ Muda unakwenda sana ngoja nianze kuandiak simulizi yangu.Na huu ndio mkasa wangu ambao ninataka dunia nzima iusome.Naanza na sura ya kwanza" akawaza na kuanza kuandika.

.

ENDELEA.......................................

                                                            TEN CHAPTERS 

            Hiki ndichokichwa cha habari alichokiandika Linah katika simulizi yake.Akaendelea.. 

            " Nakumbuka ilikuwa ni saa nne za asubuhi siku ya jumamosi alipokuja mpenzi wangu Jimmy kunichukua nyumbani ili twende Beach Paradise hoteli kuogelea.Ni wiki moja tu toka mimi na wadogo zangu turejee  nyumbani kwa likizo toka Nairobi tulikokuwa tukisoma.Mara nyingi tukiwa likizo nilipenda sana kwenda Beach paradise hotel kuogelea na kupumzika katika ufukwe msafi.Ni Jimmy ndiye aliyenionyesha mahala hapa na nikatokea kupapenda sana.Nilipenda sana kukaa katika jiwe hili nililokaa sasa hivi na kuyashuhudia maji yakiugonga ukuta wa mwamba huu na kutawanyika.Wakati mwingine nilikuwa nikishuka chini na kuyaacha maji yaliyotawanyika baada ya kuugonga mwamba yanirukie mwilini.Nilikuwa nikishinda siku nzima hapa ufukweni nikicheza na kufurahi.Hizi zilikuwa ni nyakati zangu za furaha sana.

            " Jumamosi hii baba na mama hawakuwepo nyumbani.Waliondoka siku ya Ijumaa kwenda mjini Morogoro kwa ajili ya kuhudhuria msiba wa mmoja wa rafiki yao.Nyumbani nilibaki mimi na wadogo zangu wawili mapacha Rose na Lucy pamoja na dada yetu wa kazi Pamela.Nilikuwa nikisoma shule moja na wadogo zangu.Wazazi wetu walitaka tusome shule moja ili iwe rahisi kwa mimi kuwaangalia .Kwa sasa wao walikuwa wakisoma darasa la tano na mimi nilikuwa kidato cha kwanza.Shule hii ya kimataifa ilikuwa na darasa la kwanza hadi kidato cha sita.Baba yetu mzee Amadeus Msanyuri alikuwa akifanya kazi mamlaka ya bandari.Mama alikuwa ni mwalimu wa shule ya sekondari.Maisha yetu yalikuwa mazuri sana.Wazazi wetu walikuwa ni watu waliojiweza sana kiuchumi.Tulikuwa na nyumba mbili za ghorofa ambazo zilipangishwa kwa makampuni.Tulikuwa pia na nyumba kubwa tuliyokuwa tukiishi sisi wenyewe.Tulikuwa na shamba kubwa ambalo lilikadiriwa kuwa na ekari zilizozidi mia mbili lililosheni mazao ya kila aina kuanzia mihogo ,mananasi,minazi na mazao mengine mengi.Ukiacha hilo tulikuwa na kiwanda cha kusindika maziwa ,maduka makubwa mawili ya vifaa vya ujenzi na moja la nguo.Halafu tukawa na biashara ya kuuza mbao.Hiyo ni baadhi tu ya miradi ambayo niliifahamu.Bado ilikuwepo mingine ambayo sikuwa nikiifahamu.Kwa ujumla nnaweza kusema kwamba familia yetu ilikuwa ni familia ya kitajiri" 

            Linah akasimama kuandika,akafikiri kidogo ,akayatazama maji ya bahari yalivyokuwa yakiruka baada ya kugonga mwamba ule akatabasamu na kuchukua chupa yake ya mvinyo akanywa funda moja akaendelea kuandika.

            " wazazi wetu walikuwa wakitupenda sana sisi watoto wao na walitupa kila tulichokihitaji.Hakuna tulichokitaka toka kwa wazazi wetu tukakikosa.Mimi nilikuwa na gari langu peke yangu la kutembelea pamoja na dereva maalum wa kunipeleka kila mahala ninakotaka kwenda.Wadogo zangu niliowapenda sana mpacha Martin na Yvone nao walikuwa na gari lao la kuwatembeza sehemu mbali mbali pindi tuwapo likizo.Kwa ujumla maisha yalikuwa mazuri sana .Tuliishi kwa furaha kubwa na hatukufahamu nini maana ya shida.Nyumba yetu ilitawaliwa na upendo mkubwa sana.Toka tukiwa wadogo wazazi wetu walitufunza kuwapenda watu na kujipenda sisi wenyewe.Pamoja na utajiri waliokuwa nao wazazi wangu bado walikuwa ni watu wa watu.Waliwapenda na kuwajali watu wote na hivyo sisi kama watoto wao tulifuata mfano wao.Mtaani tulikuwa sawa na watoto wengine wote wambao wazazi wao hawakuwa na uwezo mkubwa kiuchumi kama wa kwetu.Hatukubagua marafiki.Wazazi wetu walifanya kila waliloweza kuhakikisha kwamba tunakua tukiwa katika malezi mazuri.Tulijifunza kazi zote za nyumbani na kusaidiana na dada yetu wa kazi Pamela.Dada huyu tulimpenda sana kana kwamba ni ndugu yetu wa damu.Haikuwa rahisi kukubali kwamba Pamela alikuwa ni msichana wa kazi kutokana na jinsi tulivyomuheshimu na kumpenda.Siwezi kumsahau dada huyu kwa sababu ndiye msichana wa kazi aliyenilea mimi toka nikiwa mdogo na baadae akawalea pia wadogo zangu .Mungu alimjalia dada Pamela kupata mume na kwa sasa ana nyumba yake na watoto wawili.Pamela ni mtu ambaye yuko katika simulizi ya maisha yangu.Ni mtu ambaye nitaendelea kumuenzi milele na milele.Kwa ujumla naweza kusema kwamba tulikuwa ni familia ya kutiliwa mfano kutokana na aina ya maisha tuliyoyaishi .Familia yetu iliishi maisha ya tofauti kabisa na familia nyingi za kitajiri zinavyoishi."  Msichana yule akasimama tena kuandika akanywa funda kubwa la mvinyo na kisha akaendelea.

            "Kwa kadiri nilivyozidi kukua ndivyo uzuri wangu ulivyoongezeka.Katika umri wa miaka kumi na mitatu nilikuwa tayari na umbo la kupendeza sana na kila mtu alinisifu kwamba mimi ni mzuri.Si kwamba ninajisifu lakini ni kweli mimi ni msichana mzuri sana na kwa hilo siwezi kuficha.Ninajifahamu kuwa ni mzuri na ninamshukuru Mungu kwa zawadi hii aliyonipa ya uzuri wa sura,umbo hadi moyo.Wazazi walipoona dalili za kuanza kupevuka wakaekelekeza macho yao yote kwangu kwani waliamini uzuri niliokuwa nao ni sawa na ua lenye asali tamu ambalo huwavuta nyuki wengi kuliendea.Uzuri wangu wa sura na umbo viliwafanya wazazi wangu wawe na wasi wasi mkubwa kwamba ungeniletea matatizo toka kwa wanaume wakware wenye kupenda mabinti wadogo.Sifa za uzuri wangu zikaanza kuvuma mtaani  na kuwafanya wazazi wangu wazidi kuogopa pengine ningeweza kuharibikiwa kwani nilikuwa na marafiki wengi sana ninaowajua na nisiowajua.Kwa kuogopa nisiweze kuingia katika makundi mabaya wakaamua kunihamisha shule na kunipeleka katika shule moja ya kimataifa inayomilikiwa na masista wa kanisa katoliki nje kidogo ya jiji la Nairobi Kenya.Niliwapenda sana wadogo zangu na hivyo ikanilazimu kuhama pamoja nao.Hapo ndipo nikaufungua ukurasa mpya wa maisha yangu.Nilikutana na wasichana ambao walikuwa wapya kabisa katika maisha yangu wenye makuzi na tabia tofauti lakini niliweza kuwazoea kwa muda mfupi kutokana na jinsi nilivyokuwa nimefunzwa namna ya kuishi na aina zote za watu.Miezi miwili ya mwanzo nilikuwa tayari nimekwisha fahamika shule nzima kutokana na uchangamfu wangu .Hakuna mtu ambaye hakuwa akinifahamu pale shuleni.Darasani nilikuwa ni msichana mwenye akili nyingi pia.Pamoja na kubadili mazingira na kubadili mtaala wa masomo lakini nilijitahidi sana kwa kuwa katika namba tano za juu kwa kila mtihani na majaribio tuliyoyafanya.Hii ilinizidishia marafiki wengi nikafahamika na kupendwa zaidi.Kati ya marafiki zangu wote rafiki yangu mkubwa alikuwa ni msichana mmoja toka Rwanda aliyeitwa Christine kumuhoza.Msichana huyu alikuwa ni mzuri na kwa hilo siwezi kuacha kumsifia.Wanafuzi wenzetu walikuwa wakijaribu kutulinganisha mimi na yeye lakini siku zote mimi niliibuka mshindi kwa sababu pamoja na uzuri wake lakini bado hakuweza kunifikia mimi.Sijisifu ninapoweza kusema kwamba mimi ndiye niliyekuwa msichana niliyeongoza kwa uzuri shuleni kwetu.Nilikuwa ni msichana mzuri wa sura,umbo na tabia pia.Christine yeye alikuwa ni msichana mrefu mwembamba na mwenye sura ya kung'aa.Kila vazi lilikuwa likimkaa vyema.Alikuwa na sauti nzuri sana na mara zote akicheka au akitabasamu hutatamani kuacha kumuangalia au kumsikiliza.Pamoja na uzuri wake huo lakini Christine alikuwa na tabia moja ya kujiona na kujivuna sana kutokana na utajiri wa familia yake.Baba yake alikuwa ni mmoja kati ya wafanya bashara wakubwa sana nchini Rwanda.Christine hakuwa na marafiki wengi zaidi ya wale wachache anaotoka nao nchini Rwanda.Baada ya mimi kuhamia katika shule ile nikawa ndiye rafiki yake mkubwa na taratibu nikaanza kumbadilisha na kumfunza namna bora ya kuishi na watu.Nashukuru Mungu alikubaliana nami na kuanza kubadilika na katika muda mfupi akawa na marafiki wengi pia.Hili likamfanya awe karibu sana na mimi.Nilikuwa rafiki yake mkubwa mno."

   Linah akainua kichwa chake na kuitazama bahari ilivyokuwa imetulia jioni hii.Ni mashua chache tu za wavuvi zilionekana kwa mbali.Jua lilikuwa likikaribia kuzama.Msichana yule akalitazama jua lilivyokuwa likizama na kutabasamu.Akaendelea kuandika ili kuwahi kabla ya kiza kuingia.

   "Siku moja nilitoka kujisomea maktaba nikamkuta Christine akiwa ni mwingi wa furaha.Alikuwa amejilaza kitandani kwake akitabasamu akisoma barua na pembeni yake kulikuwa na kadi moja kubwa yenye maua na marembo mengi.Nilitabasamu nikaichukua kadi ile na kuanza kuisoma.Ilikuwa na ujumbe mzuri sana wa kimapenzi.Nikairudisha kadi ile kitandani .Christine alikuwa akiitazama picha moja huku akitabasamu.Nikaichukua picha ile aliyokuwa akiitazama nikaiangalia.Ilikuwa ni picha ya kijana mmoja mrefu mwembamba mwenye sura nzuri akiwa amekaa nje ya gari moja jeusi akitabasamu.Nikapatwa na shauku ya kutaka kumjua vizuri kijana yule ni nani na kwa nini Christine alipoiona picha ile alikuwa akitabasamu na kuibusu.

            " Christine kijana huyu ni nani? Ni kaka yako? nikamuuliza.Christine akatabasamu na kusema

            " Huyu si kaka yangu Linah.Huyu ni boyfriend wangu" akasema Christine na kunifanya nishangae

            " boyfriend !!..." nikauliza kwa mshangao.

            " Ndiyo Boyfriend.Ina maana wewe huna boyfriend?

            " Una maana gani unaposema boyfriend? Nikauliza

            " Nina maanisha mwanaume wako au tuseme ni mpenzi "

            " Ouh kumbe unamaanisha hivyo ..mimi sina boyfriend wala mpenzi na sitaki kuwa naye kwa sasa hadi huko mbele nikishamaliza masomo yangu ya chuo kikuu."

            " Msichana mzuri kama wewe unakosa boyfriend? akauliza kwa mshangao Christine

            " Sikutanii Christine.Ni kweli sina boyfriend.Akili yangu nimeielekeza katika masomo.Wazazi wangu wamekuwa wakinihusia kila siku kuhusiana na kujiingiza katika mapenzi katika umri huu mdogo.Mambo hayo yapo,tutayafikia na kuyaacha.haraka ya nini? Nikasema

            " Sogea nikwambie rafiki yangu.Wewe ni msichana mkubwa sasa na unatakiwa kuwa na boyfriend.Mimi huyu boyfriend wangu ananipa raha sana.Ananipenda na mimi pia ninampenda mno.Nikirudi Kigali kwa likizo amekuwa akinipa kampani kubwa.Huwa tunatoka na kwenda kupata chakula na kutembelea sehemu mbali mbali..Sikufichi Lina huwa ninafurahi sana na siku zote ninaomba shule ifungwe haraka ili niweze kuwa naye karibu.Hata mimi wazazi wangu hawataki kusikia nina boyfriend lakini mimi huwa ninafanya mambo yangu kwa siri kubwa.Halafu kitu kingine ninachotaka kukufundisha ni kwamba ukiwa na boyfriend si lazima mfanye mapenzi.Kuwa wapenzi si lazima mfanye mapenzi.Mimi na huyo boyfriend wangu tangu tumefahamiana tumefanya mapenzi si zaidi ya mara tano lakini bado tunapendana sana na kuheshimiana.Ananiheshimu mimi kama mwanafunzi bado na hataki kitu chochote kibaya kinitokee.Hata tukifanya mapenzi huwa anatumia kinga ili kunilinda na mimba na magonjwa ya kuambukiza .Ni yeye ndiye aliyenitoa usichana wangu na kunifanya niipate raha ile waipatayo wanawake wote duniani.Joseph ndiye aliyenifundisha mapenzi na ndiye mtu pekee ambaye ninamuwaza kila dakika.Nakushauri Lina tafuta boyfriend ili uone raha yake.Lakini utafurahi sana kama ukimpata mwanaume ambaye atakupenda.Wanaume wengi siku hizi wanapenda sana wanafuzi kwa ajili ya kuwachezea basi na si kwa mapenzi ya kweli.Ukimpata mtu ambaye ana lengo la kukuchezea na kukuacha hapo ndipo mambo kama ya mimba hutokea lakini kama ukimpata mwenye mapenzi ya kweli kama huyu wangu basi utaifurahia hii dunia.Mapenzi ni matamu sana Lina.Ouh Gosh ! when we make love he drives me crazy...huwa najihisi siko kabisa katika ulimwengu huu .Huwa ninasikia raha ya ajabu mno.Ninapotaka kufika kileleni siwezi kuelezea raha ninayoisikia...Ouh Lina I find myself screaming and screaming..and screaming.!!!.Nakushauri rafiki yangu tafuta boyfriend na utajifunza haya yote ninayokwambia" akasema Christine na kunifanya nimuangalie kwa muda .

            " Ina maana wewe tayari umekwisha utoa usichana wako? nikamuuliza

            " Muda mrefu sana.Toka nikiwa na umri wa miaka kumi na mbili nilitolewa bikira yangu na Joseph mtu pekee ninayempenda hapa duniani" akasema Christine.Nilimuangalia kwa makini nikashangaa sana kwa jinsi alivyokuwa ameikumbatia picha ile ya boyfriend wake.Sikujua kama mapenzi huwa yanamfanya mtu awe kama amerukwa na akili.

            " Christine utafahamu vipi kwamba unampenda mtu? Kuna dalili gani unaziona zinazokuashiria kwamba huyu kijana unampenda? Sijui ni kwa nini niliuliza swali hili .Nilionekana kuanza kuvutiwa na maelezo ya Christine.

            " Sikiliza Lina kumpenda mtu ni hisia zilizo ndani ya moyo wako.Upendo hauonekani kwa macho bali ni hisia.Ukimpenda mtu utahisi toka moyoni kwamba unampenda mtu huyo.Utatamni kumuona kila wakati,utatamani kuwa naye karibu kila wakati,kila ukimuona moyo wako unasikia furaha ya ajabu." akasema Christine.

            " Nitajuaje kama mtu fulani ananipenda?" nikauliza tena

            " kama kuna mtu anakupenda utajua kutokana na matendo yake kwako.Mtu anayekupenda kwa dhati ya moyo wake atakuthamini,atakujali na kukuheshmu wewe mwili wako na kila chenye uhusiano na wewe.Mtu anayekupenda siku zote atakufanya ujione ni kama malkia wa dunia.Siku zote atakuweka mbele ya kila kitu na atakuwa tayari hata kufa kwa ajili yako.Lina kupendwa ni raha sana.Ukiwa karibu na mtu unayempenda unahisi ni kama vile uko mawinguni.Unajiona kama malaika.Acha ushamba Lina tafuta boyfriend .Kwa uzuri ulio nao nina imani utampata boyfriend mzuri sana.Wewe ni msichana mkubwa kwa sasa na unaweza kujichunga mwenyewe.” akasema Christine.Nikakaa kimya nikaanza kutafakari .Kwa mbali nilianza kuvutiwa na maneno ya Christine.Msichana yule ambaye kwa sasa anaishi nchini Ufaransa naweza kusema alijaliwa kipaji cha ushawishi.Nikikumuka namna alivyonishawishi kuingia katika mchezo wa mapenzi ninamfananisha na nyoka aliyemshawishi Eva akala tunda la mti uliokatazwa na Mungu naye Eva akamshawishi mumewe Adam naye akala pia.  

            "Ni kweli ninahitaji boyfriend? Nilijiuliza swali hili bila kupata majibu.Sikutaka kujihusisha katika masuala ya mapenzi wakati bado niko shuleni.Nilikuwa na malengo mengi ya kuyafikia katika maisha yangu.Nilikuwa nimepanga siku moja kuwa daktari wa magonjwa ya moyo kwa hiyo nilijitahisi kukwepa kila aina ya kishawishi ambacho kitaweza kuniharibia ndoto yangu .masikini sikuweza kutimiza ndoto yangu ya kuwa daktari na badala yake niko hapa juu ya mwamba nikiandika simulizi ya maisha yangu.Zile ndoto zangu zote zimeyeyuka kama barafu na kwa sasa siwezi tena kuwa daktari wa moyo kama nilivyokuwa nataka.

            Linah akaacha kuandika.Kwa mbali machozi yalianza kuonekana katika pembe za macho yake.Akayafuta kisha akachukua chupa yake ya mvinyo akapiga funda kadhaa na kuendelea kuandika.

            Christine akanitazama usoni na kusema

            " Lina unawaza nini?

            " Ninawaza hayo uliyoniambia.Mwenzio sitaki kujihusisha na masuala hayo katika umri huu mdogo.Hii ndiyo iliwafanya wazazi wangu wanihamishie katika shule kama hii ili kuwaepuka wanaume ambao tayari wameanza kunitolea macho" Nikamwambia Christine ambaye alitabasamu na kusema

            " Sikiliza Lina..wewe uko huku mbali na hakuna mzazi wako hata mmoja ambaye uko naye hapa.Hebu achana na mawazo hayo ya miaka arobaini na mbili fumbua macho na uingie katika ulimwengu halisi.Kiumri wewe umenipita lakini mbona mimi nina boyfriend na wala hakuna kitu chochote ambacho nimeathirika mpaka hivi sasa? Tatizo linakuja pale ambapo utampata mtu ambaye hana mapenzi ya kweli na wewe.Jitahidi uweze kumpata mtu ambaye atakupenda" akasema Christine.Sielewi ni kitu gani kiliniingia na kunifanya nianze kuvutiwa na maneno yake .Nilianza kujiona ni msichana ambaye nimepitwa na wakati licha ya kuwa mzuri kupita wasichana wote pale shuleni.Nilianza kuhisi kutaka kuwa na boyfriend.

            " Christine nitajaribu siku moja kuwa na boyfriend lakini tatizo moja ni kwamba sielewi nitampata wapi huyo mwanaume.Tukiwa hapa shuleni tunafungiwa kama kuku na haturuhusiwi kuonana na mtu yeyote yule.Nikirudi nyumbani wakati wa likizo bado naendelea kulindwa"

            "Lina rafiki yangu sikia nikwambie.Hakuna sehemu maalum ambayo unaweza ukampata mpenzi.Sehemu yoyote ile unaweza ukakutana naye.Unaweza ukakutana naye kanisani,sokoni,hospitali na sehemu yoyote.Mambo haya huwa yanakuja yenyewe tu na hayahitaji haraka yoyote.Iko siku utatokea kumpenda mtu fulani,na ikikutokea nafasi kama hiyo usikubali ikapita hivi hivi." akasema christine .Nikamuacha na kupanda zangu kitandani nikalala.Usiku wa siku hiyo ulikuwa mrefu sana kwa mimi kuweza kupata usingizi.Maneno aliyoniambia Christine yalikuwa yakijirudia rudia kichwani na kunifanya nishindwe kulala.Mbegu ya ushawishi aliyoipanda msichana yule ilianza kuchipua kwa kasi na kadiri ilivyozidi kukua na ndivyo tamaa ya kuwa na mpenzi ikaanza kuongezeka.Nilikuwa nikipata kila kitu nilichokihitaji toka kwa wazazi wangu ,na sikuhtaji boyfriend kwa ajili ya pesa au vijizawadi.Nilihitaji mtu ambaye atakuwa nami,atanifanya nisikie furaha zaidi ,mtu ambaye atanipenda nami nitampenda.Sikupata jibu usiku huo nikaamua kuyaacha mambo yale kama yalivyo"    

            Linah akaitazama saa aliyoivaa katika mkono wake wa kulia Muda ulikuwa umekwenda sana.

            " Du ! muda umekwenda sana na giza limeanza kuingia.Hii inamaanisha kwamba kesho nitalazimika kurejea tena sehemu hii ili kuendelea na simulizi yangu .Nataka nimalizie kusimulia ni jinsi gani nilijiingiza katika mapenzi na jinsi nilivyokutana na Jimmy ambaye mimi ninamuona ni kama shetani aliyevaa mwili wa binadamu halafu nitamalizia na nini kilinitokea katika sehemu hii siku ile ya jumamosi na kuifanya sehemu hii iwe ni moja kati ya sehemu ya kumbukumbu kubwa katika maisha yangu.Simulizi ya mahala hapa ikimalizika nitaelekea tena sehemu nyingine na nyingine tena hadi nimalize kuziaga sehemu zangu zote za muhimu" akawaza Lina akakunja kompyuta yake ndogo akaiweka katika mkoba halafu akasimama  akajinyoosha kidogo.Kiza tayari kilianza kuingia na hakukuwa na mtu yeyote aliyeonekana ufukweni.

            " Kwa heri bahari,kwa heri mwamba wangu niliokupenda na kukaa juu yako nikafurahia uumbaji wa mwenyezi Mungu.Nitakuja tena kesho kuendelea na simulizi yangu" akasema Lina na kuuweka begani mkoba wake uliokuwa na kompyuta na kisha akachukua chupa yake ya mvinyo akapiga funda mbili akatoa sigara akaiwasha na kuanza kuondoka taratibu..

MPENZI MSOMAJI ENDELEA KUIFUATILIA SIMULIZI HII KATIKA SEHEMU IJAYO..