BLEEDING HEART SEHEMU YA 16

RIWAYA : BLEEDING HEART

SEHEMU YA 16

ILIPOISHIA SEHEMU ILIYOPITA

  “Paula kila kitu kinapangwa na Mungu.Lakini kwa hil la kutengana kwetu hatuwezi kumlaumu Mungu.Hili limetokea kwa sababu ya ujinga wangu.Sikutakiwa kufanya vile.Sikutakiwa kutengana nawe Wewe ni mtu wa pekee sana maishani mwangu.Thamani yako kwangu  hailinganishwi na kitu chochote kile.
Paula ,ninafahamu nilifanya makosa na tayari nimeshachelewa  kwa sababu tayari umeshafanya maamuzi ambayo hakuna mtu wa kuweza kuyabadili,lakini pamoja na hayo yote naomba ufahamu kitu kimoja kwamba kama wewe ulivyoamua kuitunza ahadi uliyonipa kwamba siku zote hutakuwa tayari kuwa na mwanume mwingine zaidi yangu,na  mimi napenda kukuahidi leo hii kwamba sintakuwa na mwanamke mwingine katika maisha yangu.Wewe ndiye mwanamke wa pekee kabisa maishani mwangu.Siku zote nitakupenda na kukuenzi kama ua la pekee kabisa moyoni mwangu.Nafasi yako katika moyo wangu sintaweza kumpa mwanamke mwingine yoyote.Popote utakapokuwa ,fahamu kwamba ninakupenda na nitakupenda wewe pekee hadi mwisho wa maisha yangu hapa duniani.”

 Kauli ile ya Joe ikamfanya Paula akae kimya kidogo,akavuta pumzi ndefu

ENDELEA………………………….

 Kauli ile ya Joe ikamfanya Paula akae kimya kidogo,akavuta pumzi ndefu kisha akasema

  “Joe samahani kama nimekukumbusha mbali sana.Halikuwa lengo langu kufanya hivyo.Dhumuni la kukupigia simu ilikuwa ni kuhusu ombi lako la kunisindikiza siku nitakayokwenda kujiunga rasmi na nyumba ya utawa.Joe ningefurahi sana kama ungekuwa ni mmoja wa watu watakaonisindikiza lakini kwa bahati mbaya ni kwamba baba na mama watakuwa ni miongoni mwa watu watakonisindikiza na kama unavyofahamu wewe na baba  hampikwi chungu kimoja,nimeogopa kunaweza kutokea jambo lisilopendeza.Sitaki yatokee mambo ya aibu kwa hiyo nakuomba Joe usifike kunisindikiza.Nikiwa kule nitatafuta namna ya kufanya ili niwe nawasiliana nawe mara kwa mara na nitakueleza ni lini uje kunitembelea .Nadhani umenielewa Joe japokuwa nafahamu ulitaka sana kunisindikiza “

  Joe akavuta pumzi ndefu na kusema

 “Nimekuelewa Paula.Ninamfahamu baba yako jinsi asivyonipenda kwa hiyo sipendi kusababisha jambo lolote la aibu.Japokuwa nimesikitika sana kwa kutokufika siku hiyo lakini naomba uniruhusi niwe nikikutembelea mara kwa mara”

 Paula akacheka na kusema.

 “Joe nashukuru kwa kunielewa.Kuhusu kuja kunitembelea hilo halina shaka.Nimekuahidi kuwasiliana nawe mara kwa mara na nitafurahi sana kukuona ukija kunitembelea.”

 “Nashukuru kwa hilo Paula”

 “Ahsante sana Joe kwa kila kitu.Kesho ndiyo naingia rasmi katika nyumba ya watawa.Tutazidi kuwasiliana Joe” Paula akasema

 “I love you Paula” Joe akasema na Paula akashindwa ajibu nini akakata simu kisha akajitupa kitandani.Muda wote alikuwa akiongea na Joe fulana yake ilikuwa imeloa machozi yaliyokuwa yakimtiririka.

  “Sifahamu Joe amenipa nini hadi nimwage machozi mengi kiasi hiki kwa sababu yake.Bado ninampenda sana Joe,kupita anavyofikiri .Joe naye ananipenda sana.Sielewi ni shetani gani alipita kati yetu na kusababisha tukatengana.Kuna kila dalili kwamba bado penzi letu lina nguvu.Maneno aliyoyasema Joe  yamenichoma moyo sana .kama ningendelea kuongea naye kwa dakika kumi zaidi ni wazi ningeweza hata kubadili mawazo yangu.Nasikitika kumuacha Joe peke yake lakini sina namna nyingine ya kufanya.Nimekwisha fanya maamuzi na siwezi kurudi nyuma japokuwa nitakuwa nikiumia sana kila siku “Paula akawaza.Akachukua glasi ya maji akanywa taratibu na kuiweka chini.

  “Am I doing the right thing? Akajiuliza kisha akatafakari na kusema taratibu.

 “Yah ! it’s the right thing to do for now.”

       MIEZI SITA BAADAE

Miezi sita sasa imekatika toka Paula aingie katika nyumba ya utawa.Maisha katika konventi hii yalitawaliwa na sala,mafungo na mafundisho.Pamoja na ugumu wa kuyazoea maisha haya mapya bado Paula alihisi amani kubwa moyoni mwake.Alihisi furaha kuishi pamoja na masista wenzake.Alijitahidi kwa kila alivyoweza kuyazoea maisha ya kitawa na kusahau maisha ya kidunia.Pamoja na jitihada hizo zote kitu kimoja ambacho hakuweza kukisahau ni sura ya Joe .Kila usiku baada ya sala ya pamoja hulifungua sanduku lake na kuichukua picha ya Joe aliyoiweka katika fremu nzuri na kisha huiangalia kwa makini kwa dakika kadhaa na kuibusu kisha huiweka katika mto wake.Mawazo juu ya Joe yamezidi kumtesa kila kukicha na hasa baada ya Joe kumtembelea mara mbili pale konventini. .

   Akiwa amekaa kitandani akiitazama picha ya Joe,mara simu yake ikaanza kutetema.Akaiweka picha ile kitandani akaichukua simu yake na kutazama mpigaji.Alikuwa ni Joe.Paula akapatwa na furaha ya ajabu kwani ilipata wiki ya pili sasa walikuwa hawajawasiliana.

  “Hallo Joe” Paula akasema.

  “halo Paula.habari yako?

 “habari yangu nzuri,vipi wewe mzima?

 “Mimi mzima wa afya” Paula akasema

  “Vipi unaendeleaje na maisha ya kitawa?Joe akauliza

 “Namshukuru Mungu kwani ananipa nguvu ya kuyazoea japokuwa si maisha rahisi hasa kwa nyakati hizi za mwanzo lakini pamoja na hayo yote nafurahi kwa sababu nina amani na furaha tele kumtumikia Mungu .”

  “nafurahi kusikia hivyo Paula..siku zote mwanzo huwa mgumu sana lakini ninafurahi kama unasikia furaha moyoni.”

 “Kweli Joe nasikia furaha na amani tele moyoni.Nadhani hapa ndipo mahala pekee ambako nilipangiwa kuishi.” Paula akasema na kikapita kimya kidogo

  “Paula,nimekupigia simu usiku huu kuna jambo moja ninataka kukueleza.Ningefurahi kama ningekueleza ana kwa ana lakini kitokana na jambo lenyewe lilivyo na uharaka imenibidi nikueleze katika simu” Joe akasema na kumfanya Paula astuke na kwa mbali akahisi kama kijasho kinamtoka

  “jambo gani hilo Joe.Unataka kuoa? Paula akauliza na kumfanya Joe acheke kwa nguvu na kusema

  “hapana si ndoa Paula.Kumbuka nilikwisha kuahidi kwamba sintakuwa na mwanamke mwingine tena katika maisha yangu.Nafasi yako katika moyo wangu siwezi kumpatia mwanamke mwingine yeyote.” Joe akasema na Paula akashusha pumzi .

  “Nimekupigia simu kukukuaga , kesho ninasafari ya kikazi .Ninakwenda Mbabane Swaziland kwa ajili ya shughuli za kiofisi.Sijajua nitakaa kwa muda gani huko lakini siku zote sintaacha kuwasiliana nawe.Nakuomba uwe salama na furaha siku zote.Ni matumaini yangu kwamba utaendelea kuwa mtiifu na kujinyenyekeza mbele za Mungu na siku moja utafanikiwa kumaliza mafunzo yako na kufunga nadhiri.na jina lako litabadika na kuwa sista Paula.” Joe akasema huku akitabasamu

  “Ouh Joe nimefurahi kusikia hivyo.Mimi nitakuombea kwa Mungu usafiri salama na urudi salama.Umesema utakaa kwa muda gani?

  “Muda nitakaokaa huko bado haujulikani kwa sababu itategemea na ukamilifu wa miradi ninayokwenda kuisimamia.”

 “Joe,nafahamu Swaziland imejaa wanawake wazuri kupindukia.Kipindi hiki unachokwenda huko, kuna kitu wanakiita reed dance,na hapo utaona wanawake wa kila namna na jinsi walivyo umbika.Promise me one thing Joe.Promise that no matter how pretty these swazi women are ,you’ll never fall in love to any of them.”

TUKUTANE TENA SEHEMU IJAYO………………

KWA SIMULIZI ZAIDI TEMBLEA HAPA MASIMULIZI