SERENA SEHEMU YA 12

RIWAYA : SERENA 

SEHEMU YA 12

ILIPOISHIA SEHEMU ILIYOPITA

“Dr henry tunafahamu Dr selemani ndiye aliyekuwa mtaalamu wa dawa za usingizi pale hospitalini kwenu na kwa sasa tayari amekwisha fariki.Tunataka siku ya operesheni ya mzee Albano,tumuweke daktari wetu wa dawa za usingizi.Huyu yeye kazi yake ni kuhakikisha mzee Albano analala moja kwa moja na haamki tena.Tunataka kifo kisicho na mashaka yoyote.Nadhani sio kitu kigumu kwako Dr Henry.
Wewe ndiye daktari mkuu pale hivyo unauwezo wa kuamua lolote lile.”

            Dr henry akavuta pumzi ndefu sana.Akapumua kwa nguvu kisha akasema.

            “Ok Mr Kumzaya hiyo ni kazi ndogo sana kwangu.Nitakupa jibu lenye uhakika kesho saa nne asubuhi kwa sababu nahitaji kuonana na Dr Jason usiku huu ili tulizungumzie suala hili.Kesho saa nne asubuhi nitakujibu ni lini operesheni hiyo itafanyika”

            Mr Kumzaya alifurahi kupita kiasi baada ya Dr henry kukubali kushirikiana naye katika mpango ule wa kumuua mzee albano.

             “Nilijua hawezi kukataa.Pesa inaongea” akawaza Mr Kumzaya huku akicheka kicheko cha chini chini.

ENDELEA……………………………………………………

Kwa karibu saa nzima sasa Dr Jason alikuwa ameiinamia meza akitafakari.Akainuka na kwenda kuangalia hali ya mzee Albano inavyoendelea akarudi tena katika kile kijichumba kidogo.Akakaa juu ya meza akainua simu na kupiga mapokezi.

            “Hallow namhitaji Dokta Anna maria sasa hivi”

baada ya dakika tatu Dokta Anna maria akaingia katika chumba kile.Bado alikuwa katika hali ya wasi wasi mkubwa kutokana na tukio lililotokea.

            “Dokta nimekuita nataka nikukabidhi mgonjwa.Hali yake kwa sasa ni nzuri na ataendelea na dawa zake kama kawaida ikifika saa tisa.Usiogope Dokta Anna kila kitu kimedhibitiwa sasa.ulinzi upo wa kutosha na hakuna lolote linaloweza kutokea kwa sasa.Tayari polisi wametaarifiwa kuwa wasimruhusu mtu yeyote kuingia humu zaidi yako iwapo mimi na dokta Henry hatupo.Kama likitokea tatizo lolote nitaarifu mara moja”

            Baada ya kumkabidhi mgonjwa kwa Dokta Anna Jason akatoka mle chumbani.Akavua mavazi yale ya kuingilia katika chumba kile  na kuelekea ofisini kwake.Hakuna kitu alichokuwa anakifanya usiku huo akafungua mlango akaingia ofisini kwake ,akainua simu na kupiga mapokezi.

            “ samahani hivi huyu Serena ,binti wa mzee Albano yuko hapo?

            “Ndiyo bado yuko hapa Dokta” Dada wa mapokezi akajibu

Dr Jason akakata simu ,akafunga ofisi yake na kwa haraka akaelekea mapokezi.

            Serena alikuwa ameinama katika sofa.Bila shaka alikuwa akilia.Dr Jason akasogea taratibu na kumstua kwa kumgusa bega.Serena akainua uso wake na kutazama.Akasimama kwa haraka alipomuona Dr Jason.

            “Tell me Jason how’s my father ? “ Uso wake ulikuwa na machozi

            “Anaendelea vizuri Serena.Tafadhali usilie.He’s out of danger now.Mama na Isabella wako wapi?

            “Mama hali yake haikuwa nzuri nikamwambia Isabella amrudishe nyumbani baada ya kupata hakika kuwa baba anaendelea vizuri.”

            “Your father is fine now.” Dr Jason akasema na kukaa kimya.wakatazamana kwa sekunde kadhaa.

            “Unaondoka??” Serena akauliza

            “Ndiyo naondoka.Usihofu yupo Dr Anna maria,na usalama ni mkubwa kwa sasa.Hakuna kibaya kitakachotokea tena kwa usiku huu”

            Serena akatabasamu.Dr Jason akamshika mkono wakatoka.

            “Where to now? Serena akauliza.Dr Jason akatabasamu akajibu

            “we didn’t finish our dinner ,remember? Nahisi njaa” Jason akasema huku akicheka Serena akatabasamu bila kusema lolote.Wakaingia katika gari la Jason na kuondoka.

            Safari haikuwa na maongezi mengi.Kila mtu alikuwa akiwaza lake.Nusu saa baadae gari likakata kona na kuingia katika hoteli moja tulivu sana iitwayo Hotel Panavoc.Hoteli inayomilikiwa na rafiki mkubwa wa Dr Jason aitwaye Philip.

            “This is where we’ll stay tonight” Akasema Jason Huku Serena akimshangaa.

            Kwa sauti ya chini Serena akasema

            “You are  kidding Jason”

            “I'm not kidding Serena, we’ll stay here tonight” Dr Jason akajibu huku akicheka kama kawaida yake.

            Serena hakujibu kitu ,alidhani labda ni moja ya utani wa Dr Jason.Walishuka garini na kuingia hotelini.Watu walikuwa wachache.Inaonekana Dr Jason anafahamika katika hoteli hii maana wahudumu walimchangamkia sana .

            “Unakuja hapa mara kwa mara? Karibu wahudumu wote wanakufahamu” Akauliza Serena.

            “Yah huwa nakuja hapa mara nyingi.Hoteli hii ni ya rafiki yangu mkubwa anaitwa Philip.” Akajibu Dr Jason huku akitabasamu.

            “Pamela ,Philip yuko ofisini kwake?  Dr Jason akamuuliza mwanadada mrembo mwenye macho makubwa aliyekuwa mapokezi.

            “Ndiyo yuko ofisini tena alikuwa na mpango wa kutoka “

            “Ok ngoja nikamuone.halafu tuma taarifa jikoni watuandalie maini ya ng’ombe ,nitakuwepo kule namba 18”

            “Ok Dr” Akajibu Pamela huku akimwangalia Serena .Serena aligundua kuwa alikuwa akiangaliwa na wahudumu wale lakini hakujali.Dr Jason akamshika mkono wakaanza kuondoka pale mapokezi kuelekea katika ofisi ya Philip akagonga mlango na kuingia

            “Ouh brother karibu sana.Umefika wakati mzuri sana kwani ungechelewa kidogo tu usingenikutai.Wow ! umeniletea malaika leo”     Akatania Philip ,kijana aliyeonekana kuwa na maneno mengi

            “Anaitwa Serena” akasema Dr Jason halafu akatabasamu na kumgeukia Serena

            “Serena huyu ni rafiki yangu mkubwa na mmilikiwa hoteli hii anaitwa Philip.”Dr Jason akafanya utambulisho

            “Nafurahi kukufahamu Serena,karibu sana” Akasema Philip huku akimshika mkono Serena.

            “Hata mimi nafurahi kufahamiana nawe” Akasema Serena huku akitabasamu kitendo kinachomfanya Philip atabasamu pia na huku akiendelea kuushika mkono wa Serena.

            “Nafurahi sana kukufahamu Serena” Akasema tena Philip akiwa bado ameushika mkono wa Serena. Dr Jason akaushika mkono wa Philip na kuuondoka katika mkono wa Serena.

            “ Philip nimepita tu kukusalimu na kukutambulisha kwa Serena.Nitakuwa hapa na Serena kwa usiku wa leo”

            Serena akastuka na kumuangalia Dr Jason usoni lakini hakusema kitu.

            “Ok Dr Jason.Serena nafurahi kukutana nawe usiku huu..Feel at home tonight .Chochote unachokihitaji wahudumu wapo watakuhudumia kwa chochote kile..Nashukuru sana umefika hotelini kwetu leo.na ja…” Kabla hajamaliza alichotaka kukisema Dr Jason akamkatisha

            “We’re going to 18 now Philip.See you later Philip ” Dr Jason akakatisha mazungumzo ya Philip,akamshika mkono Serena wakatoka mle ofisini .

            “I’m sorry about Philip.He’s always like that.Anaongea sana,Ukisema umsikilize huwezi ondoka” Akasema Dr Jason ambaye kwa kiasi Fulani alionyesha kukerwa na Tabia ya Philip mbele ya Serena.

            “He’s funny though” Akasema Serena huku akicheka.

            18 anakosema Jason ni sehemu moja iliyo pembezoni kabisa mwa hoteli hii.Ni sehemu iliyotulia na isiyo na bughudha yoyote.Kulikuwa na bustani nzuri yenye maua yanayotoa harufu nzuri kwa usiku huu.Mawe makubwa yaliyopangwa na kutengenezewa maporomoko ya maji katikati ya bustani hivyo kukawa na sehemu ya kukaa na kutulia.Ni sehemu nzuri kupita maelezo.

            Mhudumu alikwishafika na kuandaa meza kama alivyoomba Dr Jason.Serena alioneshwa kukunwa na uzuri wa sehemu ile.

            “what a wonderfull place” Akasema

            Dr Jason akatabasamu halafu akasema

            “Looks like you love nature”

            “very much.” Akasema Serena.

            “Hata mimi halikadhalika na ndio maana napenda sana kuja kukaa sehemu kama hii.”

            “nafurahi kusikia hivyo” Serena akajibu.

            Waliendelea kupata chakula kile kitamu ambacho kilikuwa ni maini ya ng’ombe yaliyotengenezwa vizuri.

            “Serena nimeamua kukuleta hapa kwa usiku wa leo kwa ajili ya kuzungumza machache kuhusu lililotokea muda mfupi uliopita ,tukio ambalo limetustua watu wote.Nadhani mpaka sasa hivi hata wewe mwenyewe bado una wasiwasi mkubwa na maisha ya baba yako.Nafahamu hata mama huko aliko hana amani.” Dr Jason akasema na kutulia kidogo akamtazama Serena usoni

            “Jason tell me what real happened? Akauliza Serena

            “Serena kilichotokea jioni ya leo ni kwamba ,kuna mtu ambaye aliingia katika chumba kile cha mgonjwa na kuchoma sindano ya sumu katika chupa ya maji aliyokuwa ametundikiwa mzee Albano kwa lengo la kumuua .Lengo lake lilikuwa mpaka kufikia saa tano usiku wa leo mzee Albano awe tayari amekwishafariki.Kwa bahati mbaya lengo lake halikuweza kufanikiwa kwani hali ya mzee Albano ilianza kubadilika ghafla na tukawahi kumchoma sindano ya kuyeyusha sumu ile kwa haraka .Tunashukuru Mungu kuwa sumu ile ilikuwa imeingia kidogo mno.Mpaka sasa ninafurahi kukutaarifu kuwa tumefanya jitihada za kutosha na kuiweza kuondoa sumu yote mwilini mwa mzee na hakuna sehemu yoyote ya mwili iliyoweza kuathiriwa na sumu ile.Mzee albano yuko salama kwa sasa.”

            Dr Jason akatulia na kumuangalia Serena ambaye alikuwa ameacha kula akimsikiliza.

            “Serena natumai kama familia mlihojiwa na polisi na mkatoa maelezo yenu.Kwa kuwa hapa tuko wawili tu ni fursa pekee kwetu kujaribu kutafiti nini hasa chanzo na dhamira ya tukio lile.Ni kitu kilichowazi kuwa aliyemtuma mtu huyu afanikishe tukio kama lile alikuwa na lengo la kumuua mzee Albano.Swali linakuja kwa nini watake kumuua? Ni lazima ipo sababu iliyojificha na ambayo hatuna budi kuifahamu.Aidha mzee Albano atakuwa na maadui katika biashara zake au kuna jambo jingine ambalo sisi hatuwezi kulijua.”

            Serena akiwa mwenye kunyong’onyea akajibu.

            “Dr Jason mawazo yako hayatofautiani na ya kwangu.Muda wote huu nimekuwa nikiwaza bila kupata jibu juu ya nini kusudio la kutaka kumuua baba.Mimi ninachoweza kukuahidi,nitakwenda kuongea na mama vizuri na yeye kama ana kitu chochote anachojua atanieleza halafu nitakutafuta nikueleze.Kwa muda mrefu sana mimi sikuwepo nchini na hivyo siyajui mambo mengi ya baba.Nina imani nikikaa na mama kuna kitu anaweza akanieleza.Ila kwa usiku huu ninaomba unirudishe nyumbani ili mama asiendelee kuwa na wasi wasi.” Serena akasema

            “ No ! Huwezi kurudi nyumbani usiku huu.Tutalala wote hapa hapa hotelini hadi kesho.Hali ya sasa kiusalama si nzuri.Tukio la leo limeniwashia taa nyekundu na kunionya nichukue tahadhari.I don’t want you and all those who are important to me to get hurt” Akasema Dr Jason na kumwacha Serena akimtazama.

            “It’s a safe place here.Don’t worry” Akasisitiza tena Dr Jason.Serena akatabasamu na kusema

            “Dr Jason ,sina neno la kukushukuru kwa wema na juhudi zako za kumjali baba yangu.Toka ameletwa hospitalini kwenu umekuwa mstari wa mbele kuhakikisha kuwa anapona na kuwa mzima tena.Kwa sasa hali si shwari kama wote tunavyojua kwa sababu aliyekusudia kumuua baba hatujui nini itakuwa hatua yake ya pili.Kwa sasa wewe ndio tegemeo pekee la baba kupona.Inatakiwa sisi tukulinde wewe kwa kila hali na si wewe kunilinda mimi.Kwa hiyo Dr Jason usijali,mimi nitakuwa salama,pale nyumbani pana usalama wa kutosha Kuna walinzi masaa ishirini na nne wa kampuni ya ulinzi,na kama ulivyomsikia mkuu wa polisi aliyefika pale kujua hali ya baba alisema kuanzia usiku huu nyumbani kwetu kutakuwa na askari wenye silaha kwa ajili ya kutulinda,kwa hiyo usihofu kitu.I’ll be ok.Halafu mama akijua kuwa nimelala hotelini tena na mwanaume  itakuwa taabu tupu” Akasema Serena na kumfanya Jason aweke kijiko chini akamtazama Serena kama vile ndio kamuona kwa mara ya kwanza.

            “Serena nakubaliana na wewe kuwa ulinzi uliokuwapo pale kwenu ni mkubwa na hakuna sababu ya kuwa na hofu.lakini sielewi ni kwa nini ninakuwa na wasi wasi au labda ni hisia zangu tu ndio zinanifanya niwe muoga namna hii,kuhofia maisha yako.By the way umenidokeza hapa kuwa mama akisikia umelala hotelini na mwanaume itakuwa tabu.Are you married??….Dr Jason  akauliza.Serena akaimana chini akafikiri.Dr Jason akauliza tena.

            “Serena umeolewa?

TUKUTANE TENA SEHEMU IJAYO……

KWA SIMULIZI ZAIDI TEMBELEA HAPA MASIMULIZI