BLEEDING HEART SEHEMU YA 15

RIWAYA : BLEEDING HEART

SEHEMU YA 15

ILIPOISHIA SEHEMU ILIYOPITA

“Ahsante sana Paula.You’ll always be here in my heart.” Joe akasema huku akikishika kifua chake mahala unapokaa moyo.

“Tafadhali niruhusu nikusindikize hadi nje “ Joe akasema na Paula huku akaitabasamu akasema

“hakuna shida Joe ila nimekuja na usafiri wangu.” Paula akasema na kisha wakaanza kutembea kuelekea mahala yanakoegeshwa magari.

“Joe nashukuru ,nitakupigia simu siku ya safari ikifika “ akasema Paula na kumpa mkono Joe kisha akaelekea katika gari moja jesui aina ya BMW ,mara akashuka kijana mmoja mtanashati akazunguka na kumfungulia Paula mlango ,halafu akaufunga na kurudi garini kisha wakaondoka maeneo hayo.Joe jasho lilimtiririka,damu ilikuwa ikimchemka.Alilisindikiza gari lile kwa macho hadi likapotea kabisa.

ENDELEA…………………………………….

“maamuzi ya kuachana na Paula hayakuwa maamuzi sahihi.Nilifanya kosa kubwa sana.Muda huu mchache niliokaa na Paula toka tumeachana nimekumbuka mambo mengi sana toka enzi za utoto wetu hadi tulipokuwa wapenzi.Nimekumbuka namna mapenzi yetu yalivyokuwa na nguvu na hakuna hata mmoja wetu aliyekuwa akitegemea kama ingetokea siku tungekuja kuachana .Sijui ni shetani gani aliyenipitia na kunishawishi niachane na Paula.Kwa sasa ndiyo ninagundua kosa nililolifanya.Nilifanya kosa kubwa sana.Japokuwa nimekuwa nikijaribu kukubaliana na ukweli kwamba mimi na Paula hatuwezi kamwe kuwa pamoja lakini ukweli halisi unabaki pale pale kwamba bado ninamuhitaji sana.I feel so empty without her.Mama alinisisitizia kwamba Paula ndiye pekee mwanamke anayenifaa lakini nikampuuza .Alinionya kwamba siku nitakayoligundua hilo nitakuwa nimechelewa sana.Kwa sasa nimeligundua hilo na kweli nimeshachelewa.Paula si wangu tena.Paula amekwisha fanya maamuzi na hakuna namna ya kuweza kumshawishi abadili maamuzi.I was so stupid….” Joe akawaza huku akitembea taratibu kurudi katika meza aliyokuwa amekaa na Paula

“Paula ameamua kunionyesha ni jinsi gani nilivyo mtu wa muhimu kwake.Pamoja na kutengana naye lakini bado nimeendelea kuwa mtu wake muhimu na kwa ajili ya upendo wake mkubwa kwangu ameamua kutokumpa nafasi mtu mwingine katika moyo wake.Ameamua kuitunza ahadi aliyonipa kwamba hataweza kuwa na mwanaume mwingine chini ya jua zaidi yangu.Amenionyesha ni jinsi gani nilivyo na thamani kubwa kwake.Amenionyesha kwamba hawezi kuishi bila mimi kwa hiyo ameamua maisha yake yote ayamalizie katika nyumba ya watawa.Huu ni upendo mkubwa usiopimika.Kwa nini niliamua kuachana na Paula?. Joe akaendelea kuumia kwa mawazo.

“Na yule kijana aliyekuwa naye garini ni nani? Inawezekana akawa amempata mpenzi mwingine? Sidhani kama anaweza akafanya hivyo.Kama ingekuwa hivyo asingekubali kuingia utawani.Moyo unaniuma sana.Nimepoteza kitu cha thamani kubwa maishani.Paula ni mtu wa pekee ambaye thamani yake haiwezi kulinganishwa na kitu chochote.” Joe akawaza na kwa mwendo wa taratibu akaanza kuondoka eneo lile akiwa na mawazo mengi.

*********************

Saa nne za usiku Paula alikuwa amejilaza kitandani akiwa amelishikilia albamu la picha.Nyingi ya picha zilizomo humu ni zile ambazo alipiga akiwa na Joe.Alikuwa akiitazama picha moja baada ya nyingine na kuanza kukumbuka kila tukio walilolipitia wakati wakiwa pamoja.Kila alipoufungua ukurasa mpaya alikuwa akitabasamu na wakati mwingine alikuwa akitoa machozi.Picha zile zilimkumbusha mbali sana.Alikumbuka historia yao toka wakiwa wadogo.Alikumbuka namna walivyokuwa wakiishi kama ndugu,akakumbuka siku mapenzi yao yalivyoanza na mpaka walipofika na kuamua kutengana.Paula akaitoa picha moja ambayo alipiga na Joe siku chache kabla hawajatengana .Walikuwa wakiogelea katika bwawa la kuogelea.Siku hii ni siku ambayo walipeana ahadi nyingi za kuishi pamoja hadi kifo kiwatenganishe.Picha ile ilimuonyesha Joe akiwa ndani ya maji amemkumbatia Paula huku wote wawili wakicheka kwa furaha.Paula akashindwa kujizuia kudondosha chozi.Akaitoa picha ile na kuiangalia tena kwa makini sana akaiweka kifuani kwake.

“Kitu kimoja ambacho nimekifanya na nitaendelea kukifanya hadi kufa kwangu ni kukupenda Joe.Nakupenda sana na sintaacha kukupenda.Wewe ni mtu wa pekee kabisa maishani mwangu.Ulikuwa ni mwanaume wangu wa kwanza kukupenda na baada yako sintapenda tena mwanaume mwingine.Hakuna wa kukulinganisha nawe Joe .Nakupenda kwa dhati ya moyo wangu.Moyo wangu unaumia sana kila nikuonapo Ninaumia sana kila nikumbukapo siku uliyoamua kutengana na mimi.Nimechukua uamuzi mgumu wa kwenda kujiunga na utawa kwa sababu siko tayari kumpa mwili na moyo wangu mwanaume mwingine.Niliumbwa kwa ajili yako pekee.” Paula akawaza ,macho yake yalikuwa yamejaa machozi.Akachukua kitambaa akafuta machozi na kuirudisha picha ile mahala alikoitoa.Akalifunga lile albamu na kuliweka pembeni.Akainuka pale kitandani na kuelekea katika meza ya vipodozi,akajitazama kwa sekunde kadhaa

“Mimi ni msichana mrembo.Ninajifahamu kwamba ni mrembo.Nimesoma na nina digrii yangu inayoweza kunisaidia kupata kazi na nikaishi maisha mazuri.Lakini vyote hivyo havitakuwa na thamani kama nitaishi bila ya kuwa na Joe.Hata nikitafuta mwanaume mwingine hatakuwa kama Joe.Yeye ndiye maisha yangu.Kwa sababu yake nimeamua kufanya maamuzi haya magumu ya kwenda kujiunga na utawa..Nitampenda yeye pekee hadi kufa kwangu” Paula akawaza.Hii ilikuwa ni moja kati ya siku yake ngumu sana.

********************

Mlio wa simu iliyokuwa mezani ukamstua Joe na kwa haraka akaikimbilia akaichukua na kutazama mpigaji.Alikuwa ni Paula.Joe akavuta pumzi ndefu akaitazama simu ile ikiita.Ni siku ya nne toka alipoonana na Paula na akamuahidi kumpigia simu ili kumfahamisha juu ya safari yake ya kuelekea katika nyumba ya watawa .Joe alimuomba Paula awe ni mmoja wa wale watakaomsindikiza kuelekea huko.Alihisi kama mikono ikimtetemeka.Simu hii alikuwa akiisubiri kwa hamu kubwa.

“Hallo Paula” akasema Joe baada ya kubonyeza kitufe cha kupokelea

“Hallo Joe habari yako?