BLEEDING HEART SEHEMU YA 11

RIWAYA : BLEEDING HEART

SEHEMU YA 11

ILIPOISHIA SEHEMU ILIYOPITA

     Paula akajifungia chumbani kwake akilia.Katika maisha yake hakuwahi kuumia kama alivyoumia leo.Alitegemea Joe kukataliwa na wazazi wake lakini hakuwa ametegemea kama ingekuwa namna ile.Baba yake alionyesha chuki mbaya sana .

  “Hata kama hamtaki Joe basi hakutakiwa amfanyie vile.Amefanya kitendo kibaya sana.Nitamuombaje Joe msamaha?  …Puala akendelea kulia.

  “kwa mara ya kwana katika maisha yangu nahisi kumchukia baba yangu.I hate him so much…I hate you father !.. I hate youuuuuu !!! Akasema kwa sauti kali huku akitupa mashuka chini kwa hasira.

ENDELEA………………………………………

 Joe baada ya kufukuzwa nyumbani kwa akina Paula akaelekea moja kwa moja nyumbani kwao.Mama yake alimuona wakati akiingia akahisi kuna jambo si jema.

 “Joe mbona uko hivyo na shati lako limeloa? Kuna nini? Akauliza mama Joe lakini Joe hakujibu kitu akapitiliza hadi chumbani kwake akafunga mlango.Mama yake akamfuata nyuma akajaribu kuufungua mlango lakini ulikuwa umefungwa kwa ndani.Akaita kwa nguvu lakini Joe hakuongea kitu na wala hakuwa tayari kuufungua mlango.Mama yake akaingiwa na wasi wasi mkubwa.

  “Kwa nini baba Paula ananichukia namna hii.Ni  kwa nini amenifanyia hivi? Ameonyesha chuki za wazi wazi.Kuna kitu gani kimetokea baina yake na baba yangu? Nahitaji kuufahamu ukweli wote.Chuki aliyoionyesha leo baba yake Paula ni kubwa sana.Ni wazi hapendi kuona hata nikiongea na binti yake.Chuki hii imepitiliza.lazima kuna tatizo kubwa mno lilitokea baina ya wazazi wetu.Nitaongea na baba ili anipe majibu .Pamoja na yote yaliyotokea lakini Pauala sintamuacha.Paula ni kila kitu kwangu…” wakati akiwa amejilaza kitandani akiwaza mara mlango wake ukagongwa kwa nguvu na iliyosikika ni sauti ya baba yake.Haraka haraka akavaa shati na kwenda kuufungua mlango.

  “Joe una matatizo gani? Mama yako amenipigia simu anasema umerudi hapa nyumbani katika hali ambayo haieleweki,umeloa mwili mzima,na moja kwa moja ukajifungia chumbani kwako.Kuna tatizo gani Joe? “

  Joe akainama chini akafikiri kwa muda.

 “Joe kuna jambo limekusibu.Hebu tueleze ni kitu gani kimekusibu? Baba yake akasisitiza.

  “baba nimefanyiwa kitu kibaya sana na baba Paula” Joe akasema na wazazi wote wawili wakapatwa na mstuko mkubwa.

  “Baba Paula?..amekufanya nini? This bastard !!! I’m going to kill him this time…” baba yake Joe akasema kwa hasira.

  “Baba na mama samahani kwa kutowaaambia mapema ,nilitaka niwafanyie surprise.” Joe akasema halafu akanyamaza.

  “Surprise !!!! baba na mama yake wakauliza kwa pamoja

 “Nilitaka niwashangaze kuhusu mchumba ninayetaka kumtambulisha kwenu.Ni Paula” Kimya cha ghafla kikatokea,wazazi wote wakageuka na kutazamana usoni.Joe naye akastuka kwa hali ile,mara moja akang’amua kuna kitu kinaendelea baina ya familia hizi.

  “baba mbona mmestuka? Kuna tatizo lolote ? Joe akauliza

 “hapana Joe,tumefurahi kusikia hivyo kwa sababu tulitegemea suala kama hilo kutokea,lakini kabla hujachukua maamuzi hayo ya kwenda kutambulishwa kwao ulipaswa kutushirikisha sisi wazazi wako kwanza.Tungekupa ushauri bora zaidi.Hebu niambie kwanza amekufanya nini Stephano? Amekupiga?

 “Hapana baba,hajanipiga lakini alinifukuza nyumbani kwake vibaya sana mbele ya Paula na wageni wengine.Leo ilikuwa ni siku ya Paula kunitambulisha kwao halafu mimi nimtambulishe kwetu kesho,lakini kilichotokea kimeacha jeraha kubwa sana moyoni” Joe akasema

  “Pole sana Joe.Nafahamu ni jinsi gani ulivyoumia moyoni kwa kitendo alichokifanya Stephano.Joe ulipaswa kufahamu kwamba kwa sasa sisi na Stephano ni maadui wakubwa sana.Urafiki wetu ulivunjika muda mrefu sana na anachokifanya sasa nikulipa kisasi kwetu sisi kwa kupitia kwako na Paula.Hata mimi nimeumia sana moyoni kwa kitendo alichokifanya kwa sababu ninyi ni watoto na hamstahili kuadhibiwa kwa makosa ya wazazi wenu ….”

  “Baba kitu gani kilitokea? Joe akadakia kabla baba yake hajamaliza maongezi yake.

 “Nini kimetokea kiasi cha kufanya hali hii itokee? Chuki aliyokuwa nayo baba Pauala leo ni mbaya sana .Kunifukuza namna ile tena mbele ya mwanae na ndugu zake ni kitendo cha kinyama sana ambacho anaweza kukifanya mtu mwenye chuki kubwa mno.”

  “Joe yametokea mambo mengi sana hapo nyuma ,nadhani ni muda muafaka na wewe ukafahamu.Lakini kabla hujafahamu naomba mbele ya mama yako utuambie je unampenda Paula?

 “Baba Paula nampenda kuliko ninavyoweza kueleza na niko tayari kwa lolote kwa ajili yake.” Joe akajibu huku moyo wake ukianza kumwenda kasi.

  “Nafurahi kusikia hivyo.Kitu unachoenda kukisikia ni kizito na cha kuumiza sana lakini kama unampenda Paula kwa moyo wako wote naomba kitu hiki kisiwe kikwazo cha kuuvuruga uhusiano wenu.Ninyi ni watoto na hampaswi hata kidogo kuhusishwa na mambo waliyofanya wazazi wenu.Paula ni binti mzuri hata sisi wenyewe tunampenda mno”

  Baba Joe akamuomba mke wake atoke mle chumbani na kuwaacha peke yao ndipo alipoanza kumuelezea Joe mkasa mzima uliopelekea uadui mkubwa kati ya familia yao na ya kina Paula.Mpaka baba yake anamaliza kuelezea kilichotokea Joe jasho lilikuwa likimtoka.Alikuwa ameinama amekishika kichwa chake kwa mikono yake miwili.Alihisi kuchanganyikiwa.Hasira za wazi wazi zikajionyesha dhidi ya baba Paula.

  “Baba ni kwa nini hamkunitaarifu mapema kuhusu jambo hili? Ni kwa nini mlinificha ? Je akauliza kwa uchungu

  “Joe wakati ule ulikuwa bado mdogo na usingeweza kulielewa wala kulipa uzito unaostahili suala hili.” Baba yake akajibu ,kimya kikapita cha sekunde kadhaa halafu akasema tena

  “Joe pamoja na kufahamu kila kitu nina ombi moja kwako.Tafadhali naomba usimuache Paula.Yeye hahusiki kabisa na ubaya wowote alioufanya baba yake.Pamoja na tofauti zetu za muda mrefu na baba yake lakini  sisi tumempokea na kumpenda Paula kama mtoto wetu. Tunamfahamu vizuri ,tunaufahamu urafiki wenu na kwa muda mrefu tulijua kwamba itafikia siku wewe na Pauala mtakuwa wapenzi.Hilo tulilifahamu toka muda mrefu.Narudia tena usijaribu kufikiria kumuacha Paula” Baba yake akasisitiza

  Joe aliyeakuwa ameinama akimsikilza baba yake kwa makini akainua kichwa na kusema

  “Daddy its complicated now…” Joe akasema huku ameukitanisha mikono yake

 “Joe usiseme hivyo” baba yake akamsihi.

Joa akasimama.

 “Why her? Why it have to be her?!! How on earth ,a woman I love with all my heart could be a daughter of a man who raped my own mother? !!” Joe akashindwa kuvumilia akaanza kutoa machozi.

  “Joe be strong like a man.” Baba yake akasema akimshika mkono na kumketisha sofani.

 “Daddy I’m hurt..I feel like my heart is bleeding..” Joe akasema na kumfanya baba yake awe na wasi wasi

  “Sijafanya kosa kumweleza ukweli.Ni haki yake kuufahamu ukweli hata kama unauma kiasi gani.” Akawaza baba yeka Joe

  “Baba sijui kama nitaweza kumtazama tena Pauala usoni.” Joe akasema

 “Please Joe let it go.Sisi wazazi wako tuliumia sana lakini tumekwisha sahau yote yaliyopita.”

 “Baba mimi siwezi ..Siwezi kuwa na furaha tena nikiwa na Paula.” Joe akasema kwa uchungu.

****************************************

Usiku wa siku hiyo ulikuwa ni usiku mrefu mno kwa Joe.hakuweza kupata usingizi hata kidogo.Muda wote alikuwa amekaa kitandani akitafakari.Alihisi maumivu makali ya moyo.Alimpenda Paula kwa moyo wake wote na hakutegemea kama iko siku wangekuja kuachana zaidi ya kutenganishwa na kifo lakini jambo aliloambiwa na baba yake lilimuumiza mno.Siku zote amekuwa mstari wa mbele katika kumsihi Paula wasijihusishe na masuala yoyote yanayohusiana na tofauti za wazazi wao.Hakuwa ameufahamu ukweli.Baada ya kujua sababu ya tofauti kati ya wazazi wao sasa ameanza kujiona alikuwa akikosea.

  “Sikujua kama ingetokea siku ningekuja kuumia moyo namna hii.Siku zote nimekuwa nikimsisitiza Paula kwamba tofauti za wazazi sisi hazituhusu kumbe nilikuwa nakosea sana.Nawalaumu wazazi wangu kwa kutoniambia ukweli toka mapema.Kama ningefahamu toka mapema ningejua nini cha kufanya kuliko kuniambia sasa hivi wakati nimeshapiga hatua kuibwa sana na Paula.Ninampenda Paula sana,kwa moyo wangu wote lakini ni jinsi gani nitaweza kumtazama machoni baada ya kugundua kitendo alichokifanya baba yake? Joe akahisi maumivu makali ya kichwa akafungua droo ya kabati na kutoa dawa za kutuliza maumivu ya kichwa akameza na kwenda kuketi sofani.

  “Sidhani kama ninaweza kuendelea tena kuwa na uhusiano na Paula.Kwanza hatutaweza kuendelea kuwa na mahusiano wakati wazazi wetu ni maadui wakubwa na wazazi wake hawakubaliani na uhusano wetu.Pili kitendo alichokifanya baba yake Paula sintaweza kukiweka moyoni .Najua nitakuwa nikiumia sana kila nikimuona Paula.Nasikitika kwa Paula kuwa na baba kama Stephano.” Inno akawaza huku ameinama chini.

  Mishale ya saa ilizidi kusonga kwa kasi na alipotazama ukutani akaona ni saa kumi kasoro dakika nane za alfajiri.

  “natamani kupambazuke haraka nifanye mipango ya kuondoka eneo hili.Sitaki tena kuendelea kukaa hapa na kuzidi kuumia.Maumivu niliyoyapata yananitosha.Nimepata maumivu makali kiasi kwamba nahisi kama vile moyo wangu umekatwa na kitu na unavuja damu.Itanichukua muda mrefu kusahau haya yaliyotokea.Itanichukua muda mrefu pia kumsahau Paula…” alipowaza kuhusu Paula akauma meno yake kwa hasira

  “Bado ninampenda Paula na hajanikosea kitu chochote.Lakini hata nikisema niendelee kuwa naye nitaweza kuishi moyoni na kuvumilia kitendo cha baba yake? “ Joe akajiuliza akafikiri kidogo na kusema kwa sauti ya chini

  “No ! sintaweza kuvumilia hata kidogo.Tayari mapenzi yetu yameshaingia mdudu.Makosa ya wazazi wetu yametugharimu na kutuumiza kiasi kikubwa sana.Ninampenda sana mama yangu na sintakubali adhalilishwe namna ile .Mama yangu ni mwanamke mwenye kujiheshimu sana na hakustahili kufanyiwa kitendo kama kile.Japokuwa ni miaka mingi imepita lakini kwangu mimi naona ni kama jana na hivyo itanichukua muda mrefu kusahau jambo hili.Siwezi kuwa na Paula tena.Ouh My God !…” Joe  akaongea mwenyewe kwa uchungu sana.Hali aliyokuwa nayo Joe usiku huu iliuwa ya kutia huruma .Alikuwa amesawajika kupita kiasi.

  Saa kumi na mbili za asubuhi akabahatika kupata usingizi.Usiku mzima hakuweza kupata usingizi,alikesha akiwaza juu ya mustakabali wa penzi lao.

                                                *********************

 Wakati Joe akiwa na usiku mgumu sana katika maisha yake Paula naye alikuwa akiendelea kulia chumbani kwake.Kitendo cha baba yake kumkataa mpenzi wake kilimuumiza mno.Alimpenda Joe kupita kiasi na siku zote aliamini kwamba yule ndiye mwanaume wa maisha yake.Paula hakuwa radhi kuwa na mwanaume mwingine katika dunia hii zaidi ya Joe.Alimkabidhi Joe moyo wake na alikuwa tayari kufanya lolote kwa ajili ya mpenzi wake huyu. Siku ambayo alitegemea ingekuwa ya furaha kubwa maishani mwake iligeuka na kuwa ni siku ya huzuni kubwa kwa sababu hakuwa akifahamu hatma ya maisha yake.Hakufahamu angeipata wapi furaha ya maisha yake bila kuwa na Joe Aliamni kwamba Joe ni mtu pekee ambaye ameishika furaha ya maisha yake na hivyo kuwa naye maishani kungemfanya kuwa mmoja kati ya wanawake wenye furaha mno duiniani.

  “Kwa mara ya kwanza toka nimezaliwa ,nimegundua kwamba baba yangu ana rohoya kinyama sana.Baba yangu amekuwa akinihadaa kwamba ananipenda lakini kumbe ni tofauti kabisa.Ameshindwa kuonyesha kwa vitendo kauli yake hiyo na badala yake amenionyesha ni jinsi gani asivyonijali na asivyonithamini kama mwanae.Ameshindwa kweli kutambua kwamba mwanae ninahitaji furaha maishani? Mimi ni mwanae wa pekee kabisa na alipaswa kuwa mstari wa mbele kuhakikisha kwamba ninakuwa na furaha siku zote.Nasikitika sana kuwa na baba kama huyu……” Machozi yakazidi kumtiririka Paula .Akainua kichwa chake akatazama katika meza yake ya vipodozi ambapo pembeni yake kulikuwa na picha moja kubwa ya mwanamke mzuri akitabasamu.Ilikuwa ni picha ya mama yake ambaye alifariki angali Paula bado mdogo sana.Akaitazama picha ile kwa uchungu akaiweka kifuani kwake

  “Ouh My Mother ..why you had to marry this heartless man ? Look what I’m going through right  now.I feel like my heart is bleeding inside for the pain I’m feeling right now….Mother why he cant let me be with the man I truly love? …Paula akaendelea kudondosha machozi.

  “Ninaona aibu kuwa na baba kama huyu mwenye roho ya kikatili.Pamoja na yote aliyonifanyia,pamoja na kumdhalilisha Joe mbele yangu lakini siku zote akae akijua kwamba Joe ni mwanaume wa maisha yangu.Joe is my guardian angel.Joe is my second living part.hawezi kamwe kunitenganisha na Joe labda anitoe uhai wangu.Kwa maumivu haya ninayoyapata sasa hivi yananifanya nimpende Joe zaidi”

TUKUTANE TENA KATIKA SEHEMU IJAYO……………………….

KWA SIMULIZI ZAIDI TEMBELEA HAPA MASIMULIZI