TEN CHAPTERS SEHEMU YA 4

RIWAYA : TEN CHAPTERS

SEHEMU YA 4

ILIPOISHIA SEHEMU ILIYOPITA

Saa nne za asubuhi Naomi akaamka .Alihisi uchovu mwingi sana.

  " Kama si Genes kuniomba kutoka na mimi nikamuahidi  siku ya leo wala nisingerudi.Namheshmu sana Genes na siwezi kumuangusha.Iwapo nisingerudi leo sidhani kama angenielewa." akawaza Naomi akawasha redio yake na kuweka muziki laini akarudi tena kitandani.

  " Sijui ni kwa nini Genes ameanza kuniingia akilini namna hii.Kila siku siachi kumuwaza.Ni kijana mzuri kusema ukweli na hana sifa yoyote mbaya.Ana heshimika na kila mtu ni kijana mtaratibu,mcheshi mtanashati na mwenye tabia njema.Sijui ni kwa nini ninazidi kuvutika kuwa karibu naye toka siku ile aliyoamua ugomvi wangu na Sheddy." akawaza Naomi huku akiendelea kujigeuza pale kitandani.

  " Inaonekana hata yeye pia amevutika nami ..au ni kwa sababu siku ile alinikuta nikiwa na nguo ya ndani pekee?" Naomi akawaza halafu akaona aibu kidogo baada ya picha ya tukio lile la Genes kumkuta akigombana na Sheddy huku wakiwa na nguo za ndani pekee kumjia kichwani.

  " Nasikia aibu sana kila nikikumbuka kuhusu tukio lile.Lakini pamoja na hayo siwezi kuzizuia hisia hizi za kutaka kuwa karibu na Genes.Ninahisi ninahitaji sana kampani yake.Nikiwa naye ninajisikia furaha sana.Usiku wa leo utakuwa ni kipimo halisi cha hisia zangu kama ni za kweli ama la.Nitautumia usiku huu kumfahamu vizuri Genes ni kijana wa namna gani hasa." akawaza Naomi akainuka na kuanza kutafuta nguo nzuri itakayompendeza kwa ajili ya usiku wake na Genes.

ENDELEA………………………………………………

Saa moja kasoro robo za jioni Hamidu ambaye ni dereva taksi na rafiki mkubwa wa Genes akafika nyumbani kwa Genes kwani alikwishapewa taarifa toka siku mbili zilizopita kwamba siku ya Jumapili aliweke gari lake katika hali ya usafi kwa sababu Genes angelitumia kwa ajili ya kutoka na mrembo Naomi .Hamidu akampigia simu Genes na kumtaarifu kwamba tayari amekwisha fika na yuko nje akimsubiri.

  Genes akiwa tayari amekwisha jiandaa akajiangalia tena katika kioo na kuhakikiisha kwamba amependeza vya kutosha.Si utani alikuwa amependeza sana katika mavazi aliyokuwa ameyavaa.Akachukua simu yake na kumpigia Naomi.

  " Hallo Naomi" akasema Genes baada ya Naomi kupokea simu

  " Hallo Genes..Umeshindaje? akasema Naomi

 " Mi niko poa.Vipi umekwisha jiandaa?

  " Genes mbona bado mapema sana? akauliza Naomi huku akicheka kidogo.

 " Tulipanga saa moja za jioni na ndio muda wenyewe huu" akasema genes huku naye akicheka kidogo.

 " Ok Genes naomba unisubiri kama dakika mbili hivi nakuja" akasema  Naomi na kukata simu..Genes akatabasamu na kufunga chumba chake akatoka kuelekea garini.

  "Ouh !! brother ....leo si mchezo ..Unaonekana kama mwana mfalme..Umependeza sana kaka" Hamidu akamwambia Genes .

  " Ahsante sana Hamidu" akasema Genes huku akicheka

 " Kuna mtu anajiandaa tumsubiri kama dakika mbili hivi atakuwa tayari" akasema Genes

  " Usijali Genes hata kama ikiwa ni saa nzima hakuna shaka yoyote" Hamidu akamwambia Genes.huku akitabasamu.

  " Kaka leo unakwenda kuomba uchumba ?" Hamidu akatania na kumfanya Genes acheke kicheko kikubwa na mara akatokeza Naomi akiwa ndani ya gauni moja refu jeusi maalum kwa ajili ya kutokea usiku.

  " Ouh my God !! ......... akasema Hamidu kwa mshangao mara tu alipomuonan Naomi.Genes naye alistuka sana baada ya kumuona Naomi akiwa amependeza namna ile.Toka amemfahamu Naomi hajawahi kumuona akiwa amependeza kiasi kile.

  " Gosh...sijawahi kumuona mtoto huyu akiwa amependeza namna hii...Tonight she's wonderfull" akawaza Genes na kwa ndani akahisi kama kijasho kikimchuruzika.Akatabasamu na kwenda kuufungua mlango.

  " Habari zenu jamani.Sahamani kwa kuchelewa"Akasema Naomi huku akiingia garini.Baada ya kuhakiksha amekaa vizuri Genes akaufunga mlango na kuzunguka upande wa pili akapanda na kisha gari likaondoka.

  " Samahani kwa kuchelewa Genes" akasema Naomi huku akitabasamu.Midomo yake laini ilikuwa iking'aa kutokana na rangi ya mdomo aliyokuwa ameipaka.Genes akamuangalia na kuhisi mwili kumsisimka.

 " Usijali Naomi.." akasema Genes huku akiendelea kumuangalia Naomi kwa jicho la wizi.

                                                            ************************************

            " Karibuni sana ndugu" Ilikuwa ni sauti ya muhudumu mwenye tabasamu pana aliyewakaribisha Genes na Naomi katika hoteli ambayo Genes aliichagua kwa ajili ya kupata chakula usiku huo.Iliuwa ni hoteli tulivu,isiyokuwa na bughudha na inayofaa kwa faragha.Watu walikuwa si wengi  sana na sura nyingi zilizoonekana hapa ni sura za wageni yaani watalii ambao hupenda sana kuja kupata chakula cha usiku katika sehemu tulivu kama hii.Kwa mbali muziki wa country ulikuwa ukisikika na kuzidi kupapendezesha mahala hapa.Moja kwa moja genes akamuongoza Naomi katika meza aliyokwisha ilipia maalum kwa ajili yao.Akamvutia Naomi kiti akaketi na kumfanya atabasamu.

  " Genes sehemu hii ni nzuri sana..Its a wonderfull place.sijawahi kufika hapa hata mara moja"  akasema Naomi huku akitabasamu na kumfanya Genes acheke kicheko cha chini chini.

  "Tayari nimekwisha anza kuzipata maksi katika mandhari.Hii ni dalili njema sana kwamba usiku  wa leo ninaweza kuondoka na maksi zaidi ya tisini." akawaza Genes huku akitabasamu .

  " Kweli Naomi hii ni sehemu nzuri sana na yenye utulivu mwingi.Napenda sana kuja kupata chakula cha usiku hapa hasa siku za mwisho wa wiki na kupoteza mawazo ya wiki nzima." akasema Genes na mara muhudumu mwingine tofauti na yule aliyewapokea akafika.

  " Karibuni jamani...sijui mngependa kutumia vinywaji gani? akauliza yule muhudumu.Huku akitabasamu genes akasema

 " Meza 34 b special order"

  Muhudumu yule akaondoka na baada ya muda mfupi akarejea akisukuma kitorori kilichosheni vitu mbali mbali .Akisaidiana na mwenzake wakaanza kuiandaa meza ile na ilipokuwa tayari wakawakaribisha Genes na Naomi kwa bashasha.

  " Nimeipenda sana sehemu hii Genes.Ni sehemu yenye huduma nzuri sana.Ninafanya kazi katika hoteli na nimekwisha fika katika hoteli nyingi sana lakini hii imenisuuza moyo wangu.Wana huduma safi na ya kupendeza.Wahudumu wake wachangamfu na wanavutia" akasema Naomi huku akitabasamu.

  " Karibu chakula Naomi.Hiki ni chakula maalum kwa ajili yetu.Ni mara yetu ya kwanza kukutana kwa ajili ya chakula kama hiki" akasema Genes

 " hata mimi nashukuru sana Genes kwa kukutana mahala hapa kwa chakula.Toka nimepatwa na yale matatizo,kichwa changu kilikuwa na mawazo megi sana.Kwa kunialika hapa usiku huu nahisi ule mzigo wote wa mawazo uliokuwa ukinielemea umetoweka na kichwa changu ni chepesi sana.Nakushukuru sana genes.Wewe huwezi kujua ni kwa namna gani usiku huu ulivyosaidia kuniondolea msongo wa mawazo." akasema Naomi.

  " Ouh Naomi usijali kabisa..Nilikwisha kuahidi kwamba siku zote mimi niko hapa kama ukihitaji mtu wa kuongea naye na kubadilishana naye mawazo,au hata kunieleza matatizo yako kama hutajali..Any time you need someone to talk to,I'm right here" akasema Genes.

  " Nashukuru sana Genes.Unajua sikuwa nimekuzoea kwa karibu na ndiyo  maana nimekuwa muoga muoga." akasema Naomi na kumfanya Genes acheke kidogo.

 " Naomi tafadhali usiniogope.Ni kweli hatukuwa na mazoea ya karibu zaidi ya salamu na maongezi ya hapa na pale.Hata mimi sikutaka kuwa na mazoea ya karibu nawe kwa kipindi kile kwa sababu tayari ulikuwa na mtu ndani na kama unavyofahamu sisi wanaume tuna wivu sana kwa wake zetu." akasema Genes na ikawa zamu ya Naomi kucheka

  " C'mon Genes yaani kumbe siku zote hizi ulikuwa ukiogopa kuwa na mazoea nami kwa sababu ya kumuogopa yule muhuni? Ouh my God ! hukupaswa kufanya hivyo." akasema Naomi huku akicheka.Genes akatabasamu na kusema

  " Naomi naomba usiendelee kuwa na mawazo ya aina yoyote ile kuhusiana na kilichotokea kati yako na Sheddy.Ni jambo la kawaida kwa wapenzi kuachana na hutakiwi kuwa na mawazo hata kidogo.Yaliyopita yamekwisha kwenda..Jipange na maisha ya mbele "Genes akasema

  " Najitahidi sana kutokuwa na mawazo Genes lakini nashindwa"

 " Bado unamuwaza Sheddy" akauliza Genes

 " Hapana si hivyo Genes.Siwezi kupoteza hata sekunde moja kumuwaza muhuni yule.Ninamshukuru Mungu kwamba Sheddy ametoweka machoni na maishani mwangu."

 "  Kama Tayari Genes amekwisha toweka maishani mwako mawazo ya nini Naomi?

 " Ninawaza mambo mengi sana Genes.Ninawaza ni jinsi gani nitakavyoweza kuyatengeneza tena maisha yangu yaliyoharibiwa na yule muhuni.Ninawaza ni kwa namna gani nitaweza kuifuta aibu yote aliyonitia yule kijana.Sikufichi nimepata aibu kubwa sana  kwa kuishi na kijana yule.Sikuwa nikifahamu hata kidogo kwamba heshima yangu ilikuwa imeshuka na kupotea kwa kuishi na kijana yule.Najutia sana kupoteza muda mwingi na Sheddy.Najuta sana" akasema Naomi

  " Naomi ,maisha ni kama darasa ambalo sisi sote tuko ndani yake na tunaendelea kujifunza kila uchao.Kila siku tunajifunza kutokana na makosa tunayoyafanya.Binadamu kukosea ni jambo la kawaida na sote tunakosea lakini kurudia kosa mara ya pili ndilo tatizo kubwa.Tunapogundua kwamba tumefanya kosa tunajitahidi kujirekebisha ili tusije rejea tena makosa.Usiumize sana kichwa kwa sababu tayari umekwisha ligundua kosa ulilolifanya ,kitu cha msingi ni kujitahidi kuyapanga tena maisha yako .Bado unayo nafasi kubwa ya kuweza kuyapanga tena maisha yako.Bado umri unaruhusu na zaidi ya yote bado ni msichana mrembo mno  na kwa usiku huu ouh my Gosh ! You are amazing..You are the queen of the night" akasema Genes huku akiusogeza mkono wake na kuuweka juu ya mkono wa Naomi uliokuwa juu meza.Naomi akastuka kama vile amemwagiwa maji ya baridi.Genes mwili ukamsisimka alipoyakutanisha macho yake na macho ya Naomi.

NINI KITATOKEA KATIKA USIKU HUO? ENDELEA KUFUATILIA SIMULIZI HII 

KWA SIMULIZI ZAIDI TEMBELEA HAPA MASIMULIZI