SERENA SEHEMU YA 17

RIWAYA : SERENA

SEHEMU YA 17

ILIPOISHIA SEHEMU ILIYOPITA

Ndugu zanguni sipendi kuwaficha kuwa mzee huyu ni mtu muhimu mno kwangu na siwezi kukubali mzee huyu auawe.Mzee huyu ugonjwa wake unatibika na nimekwishaiahidi familia yake kuwa nitafanya kila niwezalo kuhakikisha kuwa baba yao anapona.Ni kwa sababu hiyo ndiyo maana nimewaita ninyi wenzangu ninaowaamini mno ili muweze kushirikiana nami katika operesheni hii.
Nina imani kuwa pamoja na uchache wetu huu tunaweza kabisa kuifanya operesheni hii na tukafanikiwa .Baada ya kufanya operesheni hii, mgonjwa nitakuhamishia hapa na nitamuhudumia hadi atakapopona.Nyumba hii hakuna anayeifahamu kama ni yangu na kwa taarifa yenu ni kwamba nyumba tayari nimekwisha ifanyia maandalizi ya kutosha ya kuifanya hospitali ya magonjwa ya fahamu na nimewahi kufanya operesheni kama mbili hivi kwa siri na zote zimefanikiwa.Kwa taarifa tu ni kwamba operesheni hii itafanyika kesho.Usiku wa leo mtapumzika hapa na kesho tutaingia kazini.”

ENDELEA…………………………….

            Saa mbili asubuhi siku iliyofuata Dr jason akawasili ofisini.Moja kwa moja akaelekea katika chumba cha mgonjwa akaridhika na maendeleo yake.Akiwa humo chumbani mara akingia Dr Henry.wakasalimiana na kupeana muhtasari wa maendeleo ya mgonjwa halafu wakatoka wote na kuelekea katika chumba kilichokuwa kimeandaliwa kwa ajili ya operesheni ya mzee Albano.Wakakagua na kuhakikisha kila kitu kiko safi lakini kabla hawajatoka Dr Jason akawa na pendekezo.

            “Dr Henry nafikiri kuna haja ya kubadilisha hizi kompyuta na mfumo mzima wa CT.Jana wakati najaribisha kuna wakati kulikuwa na hitilafu.Ili kuepuka tatizo hili na mtambo usije ukaleta hitilafu kati kati ya operesheni inatubidi tuubadili leo.Hakuna haja ya kusumbuka nitakwenda kuazima mtambo wa hospitali ya Aardhura kwa wale wahindi rafiki zangu.Nimekwisha ongea nao na wamenihakikishia kuwa hakuna tatizo kabisa.Watatuazima mtambo wao na baada ya operesheni tutarurudisha.Vile vile wameniahidi kunipa hadi wataalamu wao wa kuja kuufunga kwa sababu ni mtambo mpya kabisa na wa kisasa .”

            “Hizo ni habari njema Dr Jason.hakuna tatizo lolote.Chochote unachoona kinafaa kufanya wewe fanya kwa sababu wewe ndio kiongozi wa shughuli hii nzima.”

            “Ahsante sana Dr Henry.nadhani baadae nitawapitia hawa jamaa ili wanikabidhi kabisa nije na wataalamu waufunge tayari kwa shughuli nzima ya kesho usiku” akasema Dr Jason

            Simu ya Dr henry ikalia,akaitoa mfukoni na kuongea kidogo na mpigaji halafu akairudisha tena mfukoni.

            “Dr Jason samahani kuna jambo nilikuwa nataka kukufahamisha.Ilikuwa nikutaarifu toka jana lakini sikuweza kufanya hivyo.Nilipokea taarifa kutoka kwa uongozi kuwa daktari yule atakayechukua nafasi ya Dr Selemani katika operesheni hii ameazimwa toka nje ya nchi na ni bingwa katika dawa za usingizi na walitegemea aripoti asubuhi hii.Nimepigiwa simu hii sasa hivi kuwa tayari amekwisha fika na amepelekwa ofisini kwangu.Nadhani ni muda muafaka sasa kwenda kumtambulisha kwako na halafu kumtambulisha kwa jopo la madaktari wengine.”

            “ouh ! habari njema sana hizo Dr henry.Nilikuwa na wasi wasi mwingi kuhusiana na daktari atakayetusaidia upande wa usingizi” Akasema Dr Jason

            Wakatoka humo chumbani na kuelekea katika ofisi ya Dr Henry.Kijana mmoja mrefu mwenye miwani na nywele fupi ambaye alionekana nadhifu sana ndani ya suti nzuri aliyovaa alikuwa amekaa katika katika kiti cha wageni ofisini humo.

            “karibu sana Dr Venance.Mimi ni Dr Henry daktari mkuu hapa Patrick Charles memorial hospital.Huyu hapa ndiye bingwa wa ubongo ,uti wa mgongo na neva za fahamu.Ni bingwa  tunayejivunia hapa nchini na afrika mashariki na kati anaitwa Dr Jason.”

            Akatoa utambulisho Dr henry huku akitabasamu.Dr Jason na Dr Venance wakashikana mikono na kusalimiana kwa furaha..

            “Nafurahi sana kukufahamu Dr Venance.”

            “Ahsante sana Dr Jason.hata mimi pia nimefurahi mno kukutana nawe leo hii na kufanya nawe kazi japo kwa masaa machache.Nimekuwa nikisikia sifa zako,nashukuru sana kukufahamu.”

            Akasema Dr venance ambaye alikuwa akiongea taratibu na kwa kujiamini.

            Akafungua mkoba wake na kutoa karatasi za utambulisho na nyaraka nyingine zote muhimu akamkabidhi Dr Henry ambaye akazipitia na kumpatia Dr Jason naye akazisoma halafu akazirudisha.

            “Ok nadhani sasa inabidi nikupeleke kukutambulisha kwa madaktari wengine ili wafahamu uwepo wako hapa.Dr Jason nafikiri tutaonana baadae kidogo.” akasema Dr Henry huku akiinuka kitini.

            “Ok Dr henry” akajibu Dr Jason na kutoka akawaacha Dr henry na Dr venance mle ofisini .Moja kwa moja akaelekea ofisini kwake.Akakaa katika kiti chake.Kichwa chake kilikuwa na mawazo mengi mno siku ya leo.Akachukua simu na kumpigia Stella.Kama ilivyokuwa jana simu ya Stella ikaita bila kupokelewa.

            “Ina maana Stella  hataki tena kupokea simu yangu? Anyway… mambo madogo haya nitayamaliza baada ya kumaliza suala la mzee Albano.Kuna wazo linanijia kuwa Stella lazima atakuwa na hasira kubwa mno juu ya Serena.ni lazima atamtuhumu Serena kuwa anatembea na mimi.Kama ndio hivi inanibidi nichukue hatua za tahadhari za kumlinda Serena . Stella ana uwezo mkubwa kifedha ,ni mbunge na anafahamiana na watu wengi.Anaweza kutumia nafasi yake katika kumuumiza Serena.Namfahamu vizuri Stella akitaka kitu huwa hakikosi hata kwa gharama yoyote ile.Najua ananipenda na anaweza akatumia gharama yoyote lile kuhakikisha kuwa Serena anakuwa mbali nami.Jana katumia gharama kuandaa safari ya ghafla yote ikiwa ni kunitaka nikae mbali na Serena na vile vile ikiwa ni kisasi kwa binti malaika yule ili baba yake afariki.Nina imani baada ya kushindwa jaribio lake la kunitaka kuachana na upasuaji wa  mzee Albano na kusafiri ,hivi sasa atakuwa anatafuta nini kingine cha kufanya.Ni lazima niwahi kabla hajafanya lolote lile.” Akawaza Dr Jason huku akitoa simu yake na kuzitafuta namba za Serena akapiga.

            “Hallo Serena” akasema Dr Jason baada ya Serena kupokea simu.

            “Hallo Jason ,Habari za toka jana? Hatujaonana tena toka tulivyoachana subuhi ya jana.Nimefika hospitali mara mbili nikaambiwa toka ulivyotoka hujarudi.Nilijua lazima utakuwa na dharura kwa sababu uliniambia ungekuwa na kazi nyingi za kufanya jana.Leo pia nimefika saa kumi na mbili za asubuhi na ulikuwa bado hujafika.Vipi unaendeleaje?

            “Serena ninaendelea vizuri na mzee anaendelea vizuri pia.Uko wapi sasa hivi?

            “Niko hapa nyumbani ,nina mpango wa kuelekea saluni kutengeneza nywele.”

            “Ok Serena.naomba tukutane pale Panavoc hotel ndani ya dakika ishirini zijazo.”

            “In twenty minutes? Akauliza Serena.

            “yes in twenty minutes’ Akajibu Dr Jason

            “ Jason kuna tatizo gani? Akauliza Serena

            “Hakuna tatizo lolote Serena.kuna mawili matatu nataka tuongee ambayo ni muhimu sana.be there in twenty”

            “Ok Jason.Naelekea huko sasa hivi”

            Baada ya kumaliza kuongea na Serena Dr Jason akampigia simu Philip

            “Philip nashukuru kijana ameleta gari langu hapa hospitali nimeliona wakati naingia.Itabidi umtume aje achukue na hii Rv 4 airudishe nyumbani sintaitumia kwa leo.Ila bado nahitaji msaada wako  Philip.Leo nataka kuitumia ile benz yako nyeusi.Nitakuwa hapo hotelini baada ya dakika kama kumi na tano hivi.’

            “Dr Jason usijali kitu ndugu yangu.Chochote unachohitaji hapa wewe unachukua tu wala huna haja ya kuomba.Wewe ni zaidi ya ndugu yangu”

            “Phillip thank you so much” akajibu Dr Jason

            Baada ya kumaliza kuongea na Philip Dr Jason akatoka mle ofisini na kuekea mahala liliko gari lake akapanda na kuondoka kuelekea Panavoc Hotel alikoahidiana kukutana na Serena.

            Dakika kumi na nane zilimchukua kufika hotelini hapo .Moja kwa moja akaelekea ofisini kwa Philip.

            “Dr jason siwezi kujizuia kutabasamu kila ninapoikumbua sura ya Serena.Umemtoa wapi yule mtoto? Akasema Philip.

            “hahahah hadithi ndefu sana phillip” Akajibu Dr Jason huku akimimina kahawa katika kikombe.Kabla hajaweka kikombe mdomoni simu yake ikaita ,akaitoa na kuangalia mpigaji,alikuwa ni Serena

            “Hallow Serena”

            “Jason tayari nimeshafika hapa Panavoc hotel wewe uko wapi?

            “Mimi pia nimefika si muda mrefu .Nenda hapo mapokezi watakuleta moja kwa moja katika ofisi ya Philip. “ Akasema Dr Jason.

            Dakika tatu baadae Serena akaingia katika ofisi hiyo.Philip akasimama na kutoa tabasamu pana sana akashikana mkono na Serena.

            “Hallow Serena.habari za toka Juzi? Hope you enjoyed your night here at Panavoc hotel”

            “Yes Phillip I enjoyed very much.Hoteli yenu nzuri mno na huduma zake nimezifurahia sana.” Akasema Serena.

            “Nafurahi sana kusikia hivyo Serena.Tunajitahidi mno kuboresha huduma zetu ili wateja wetu wafurahi na kuweza kurudi tena siku nyingine.Unakaribishwa tena siku yoyote utakayojisikia kupumzika au hata kupata chakula.Hapa ni kama nyumbani,usihofu kitu” Akasema Philip

            “Ahsante sana Phillip.” Akajibu Serena halafu akamgeukia Dr Jason.Wakaangaliana kwa sekunde kadhaa ,wote wakatabasamu kisha Jason akasema.

            “Phillip mimi na Serena tutatoka kidogo.magari yetu yatabaki  maegesho.Iwapo kuna mtu yeyote atakayetuuliza basi mwambie kuwa hawa watu wamepumzika na hawataki bughudha” Akasema Dr Jason huku akichukua funguo za gari zilizokuwa mezani.Akachukua ufunguo wake wa gari akamuomba na Serena ufunguo wa gari yake halafu akamkabidhi Philip funguo zote mbili.Wakatoka ofisini humo wakaelekea katika sehemu ambayo Philip huwa anaegesha magari yake,wakaingia katika gari jipya la Philip aina ya Mercedece Benzi na kuondoka.Serena hakujua walikuwa wanaelekea wapi.

           

*                      *                      *                      *

            Tayari amekwisha maliza glasi ya kwanza.Akaishika chupa ile ya kijani ,akaiinua na kuangalia kiasi cha pombe kilichosalia ,akalishika glasi tayari kwa kuimimina tena,mara simu yake ikaita.Akaiweka chupa ile mezani na kuichukua simu yake.

            “Hallo John nipe habari” Akasema Stella kwa sauti iliyojaa kilevi

            “Mama tumemfuatilia Dr Jason toka jana alipopaki gari pale Blue sky shopping mall ambako hakuondoka hadi leo asubuhi.Inaonekana alilala katika ile hoteli iliyo nyuma ya jengo lile.Leo asubuhi tumeifuatilia gari yake na akarudi hospitali.Kwa sasa ameshatoka hospitali na yuko hapa Panavoc hotel.Kitu kingine ni kwamba Serena naye amefika hapa na wako wote.Kwa kuwa ulisema tukiwaona wako pamoja tukutaarifu ,nimeona nikupe taarifa mapema ili utupe maelekezo mengine.”

            Stella akavuta pumzi ndefu .Akawaza kwa sekunde kadhaa halafu akajibu.

            “John endelea kuwafuatilia hapo hotelini ujue wanafanya nini halafu unitaarifu”

             “Sawa mama” Akajibu John kijana ambaye amepewa kazi na Serena ya kumfuatilia Dr Jason na kufahamu kila anachokifanya na kumlinda iwapo kuna hatari yoyote itakayoweza kumtokea.

            Stella akashusha pumzi ndefu,akamimina pombe katika glasi na kuigugumia yote.

            “Leo yuko na Serena tena.Huyu Serena hajanijua vizuri.Hajui Jason nimemtoa wapi.Ninaanza kwanza na huyu mwizi wa waume za watu halafu ndio nirudi kwa Jason.Sijui huyu kahaba kampa nini Jason mpaka amebadilika ghafla hivi?Jason amekuwa si Jason yule niliyemzoea.Ghafla tu amekuwa na kiburi cha ajabu.Ninampenda mno Jason na ndio maana nilifanya kila ninaloweza mpaka  nikampata na bado nitaendelea kufanya kila niwezalo kuhakikisha anabaki kuwa wangu,tena wangu peke yangu mpaka siku ya mwisho.I’ll do anything.Anything I swear…” akasema Stella huku akiigonganisha mikono kwa hasira

*                      *                      *                      *

            Pamoja na Jitihada za Serena kutaka kujua walikuwa wakielekea wapi,Dr Jason hakuwa tayari kusema.Kila Serena alipouliza jibu lilikuwa “Subiri utapaona” safari ikawa ya kimya kimya hadi pale gari liliposimama nje ya nyumba moja kubwa,geti likafunguliwa wakaingia ndani.

            “karibu sana Serena.Hii ni nyumba yangu ambayo nimeijenga maalum kwa ajili ya kufungua hospitali ya matibabu ya magonjwa ya fahamu.” Akasema Dr jason

 Serena akaustaajabia ukubwa na uzuri wa jumba lile

            “Wow ! congraturations.Umejitahidi sana .Ni nyumba nzuri mno”         Akasema Serena na kumfanya Dr Jason atabasamu.

            Wakaingia sebuleni ambako hapo watu watano walikuwa wamekaa wakiongea huku wakitazama luninga.

            “Jamani huyu ndiye binti wa mzee albano,yule mgonjwa ambaye tutamfanyia upasuaji,anaitwa Serena. Serena hawa ni marafiki zangu,ni madaktari bingwa toka nchi mbali mbali .Nimeona nikulete uwatambue kwani wao ndio nitakaofanya nao operesheni ya baba yako.Kila mmoja atajitambulisha mwenyewe jina lake na ametokea wapi”

            Madaktari wote wakajitambulisha halafu Dr Jason akamchukua Serena na kumpeleka kumuonyesha sehemu nyingine za nyumba.            Serena akatabasamu na kusema.

            “Jason Mungu amekupa moyo wa ajabu sana.Tanzania is so lucky to have you and I’m lucky too” Dr Jason akageuka na kumtazama Serena ambaye aligundua hilo .

            “Jason endelea kuwahudumia wagonjwa na Mungu atakuzidishia mara mbili.”

            Dr Jason akatabasamu wakati akiufungua mlango mmoja uliokuwa na nakshi za kupendeza sana.wakaingia ndani ya chumba kikubwa na kizuri mno kilichokuwa na kitanda kikubwa na samani nyingine nyingi nzuri na za kuvutia.

            “Hiki ni chumba changu cha kulala.Siku nikiwa huku basi hulala humu.”          Akasema Dr Jason na kumkaribisha Serena katika sofa lililokuwamo humo chumbani.

            “Serena dhumuni la kukuleta huku si kukuonyesha kuwa nina nyumba bali ni kukuonyesha sehemu ambayo kuanzia sasa utaishi hadi hapo mambo yatakapokuwa yametulia.kwa hivi sasa hali si nzuri kiusalama.hatujui aliyetaka kumuua mzee Albano alikuwa na lengo gani na nini itakuwa hatua yake ya pili.Nyumba hii ni salama ,ina ulinzi wa kutosha na hakuna ajuaye kama nyumba hii ni yangu,hata mpenzi wangu pia hajui.Kwa hiyo toka sasa utaishi hapa Serena na utapata kila kitu unachokihitaji hadi hapo mambo yatakapotulia”Dr  Jason akajiweka sawa ili aendelee kuongea lakini Serena akadakia

            “Jason  bado sijakuelewa nini hasa lengo lako.Juzi umenichukua na kunipeleka Panavoc hotel ,ukaniambia ni kwa ajili ya usalama wangu na kwa kukuheshimu nikalala pale.leo tena umenileta huku na kunitaka niishi huku kwa madai kuwa hii ndio sehemu salama.kesho utanipeleka wapi? Katikati ya bahari? Jason please stop this.Siwezi kujificha huku.What about my family? What are you gonna tell them? I know you do care for me Jason.Thank you so much.Lakini kwa hili hapana.Tafadhali  twende tuondoke sasa hivi.Kama kuna anayepanga kuniua kwa sababu ya baba yangu its fine.lakini siwezi kujificha huku na kumuacha baba yangu hospitali peke yake” Serena akasema kwa sauti ya juu iliyochanganyika na ukali .Dr Jason hakutaka kubishana naye kwa sababu aliona hakukuwa na njia nyingine ya kumshawishi Serena abaki pale .Akawaaga wale madaktari wenzie kwa ahadi ya kuonana baadae kisha yeye na Serena wakaondoka.

TUKUTANE TENA SEHEMU IJAYO…

KWA SIMULIZI ZAIDI TEMBELEA HAPA MASIMULIZI