SERENA SEHEMU YA 4

ILIPOISHIA SEHEMU ILIYOPITA

Kijasho kilianza kumtoka binti huyu mrembo.Alimpenda mno baba yake.Taarifa ya kuumwa kwa baba yake ambaye alikwenda nchini Kenya kwa ajili ya shughuli zake za kibiashara ilimstua mno.Hakuwa na jinsi tena zaidi ya kumuamuru dereva ageuze gari warudi nyumbani.Dereva akatii na kugeuza gari kisha Serena akaamua kumpigia simu Nange .

“Shosti nilikuwa njiani kuja kwenu lakini nimepigiwa simu sasa hivi kuwa ninatakiwa kurudi nyumbani haraka kuna matatizo yametokea.Baba mgonjwa sana amelazwa Nairobi kwa hiyo yatubidi tuanze safari mara moja kuelekea Dar es salaam halafu tupande ndege hadi Nairobi .Msalimu sana Jason,kama tukiwahi kurudi nitakuja kumsalimu.Jason ana simu ya mkononi?

“ mhh shosti mbona Jason asalimiwe peke yake,wakati hapa nyumbani kuna watu wengine? Au…hahahahah.Usijali Serena nitazifikisha ila Jason bado yuko kanisani.Pole sana best yangu tuzidi kuwasiliana”

ENDELEA…………………………………….

Gari aina ya BMW nyeusi ilikata kona na kuingia katika geti la hoteli moja kubwa ya kifahari ya nyota tano jijini Nairobi.Savannah Paradise hotel ilikuwa ni moja kati ya hoteli mpya katika ukanda huu wa Afrika mashariki na kati.Ilimilikiwa na tajiri mmoja wa kiasia aitwaye Rajesh patel.Rajesh ni mmoja kati ya watu wachache wenye kunuka utajiri nchini Kenya .Ni mmoja pia kati ya wawekezaji wakubwa katika ukanda wa afrika mashariki

Gari lilielekezwa sahemu ya kuegesha ambayo ni maalumu kwa watu maalum wenye hadhi ya juu sana watu wenye uwezo mkubwa kifedha.Hili ndilo gari lililokuja kuwachukua Serena ,Isabela na mama yao pale uwanja wa ndege wa Jomo Kenyatta.Serena ndiye aliyekuwa wa kwanza kushuka kisha mama yake na Isabela.Pamoja na kuwa na mawazo mengi juu ya afya ya baba yao lakini Serena alishindwa kujizuia kuufurahia uzuri uliokuwapo hapo hotelini.

“what a paradise…baba akipona inabidi tukae naye hapa kama wiki nzima.” akasema

“nafikiri hilo litakuwa jambo jema sana”akasema mama yake huku akitabasamu..

Muhudumu alikuwepo tayari akawapokea na kuwaongoza hadi katika mahala walipokuwa wameandaliwa.Wakakaa pale huku wakiendelea kuustaajabia uzuri wa hoteli hii.Kulikuwa na kila aina ya urembo.

Wakati wamekaa pale wakiburuka kwa mandhari safi na vinywaji mara mlango unafunguliwa na mzee Albano mwakatala akiwa mwenye tabasamu pana akajitokeza.

Kila mmoja mle ndani akashikwa na mshangao kwa maana walitegemea kutoka hapo hotelini wangeelekea hospitalini kumuona baba yao lakini walishangaa kumuona pale hotelini tena akiwa mzima wa afya akitabasamu..

Serena na Isabella wakamkimbilia na kumkumbatia baba yao kwa nguvu.

“Ouh my best dady” akasema Serena

Kwa muda wa dakika kama mbili hivi Serena na isabela bado wamemkumbatia baba yao huku mama yao akicheka na kufurahi.

“Daddy mbona uko hapa hotelini badala ya hospitali kama tulivyoambiwa?how do you feel now? Akauliza Isabela

“Tulistuka sana tulipopata taarifa ya kuumwa kwako.” Akasema Serena.

Huku akitabasamu akawavuta binti zake wawili kwake akawaangalia kisha akasema.

“Mimi sio mgonjwa wanangu”

“what…? Dady whats this? Kwa nini umetufanyia hivi? serena akauliza kwa mshangao.

“I’m sorry kwa kuwapa wakati mgumu wanangu ni kwamba nilikuwa najisikia upweke mno kuwa huku Nairobi peke yangu hivyo nikaona njia pekee na ya haraka ni kutumia njia ya ugonjwa ili muweze kufika hapa haraka.I love you my daughters.I love you all very very much.Ndio maana nakuwa na wakati mgumu sana pale ninapokuwa mbali nanyi.Naomba mnisamehe kwa hili la kuwastua lakini lengo langu ni mimi kuwa na ninyi japo kwa siku kadhaa" akasema mzee Albano

" Ouh Gosh ! why you lied to me Daddy? Nilisitisha mpango wangu wa kuonana na mvulana niliyetokea kumpenda ghafla Jason kwa kufahamu kwamba hali ya baba ni mbaya lakini kumbe ulikuwa ni uongo wako.Ouh gosh ! nitamuona wapi tena Jason? This is unfair " akawaza Serena akiwa ameukunja uso wake .

" Serena unawaza nini? Mbona umekasirika namna hiyo? akauliza mzee Albano..

“ Please dady don’t do this again.You know we love you so much.’ Akasema Serena huku machozi yakimtoka.Aliangusha machozi kutokana na uchungu aliokuwa akiupata kwa kukatisha mpango wake wa kuonana na Jason. Akaomba aonyeshwe chumba walichoandaliwa akaenda kupumzika.Alikuwa amekasirishwa sana na kitendo kile cha baba yake..

" Dady kwa nini ametufanyia hivi? Why dady ?!!!!.. akasema Serena kwa hasira huku akitupa chini mito ya kitanda.Kitendo kile cha baba yake kilikuwa kimemkasirisha sana.

" Masikini Jason ntamuona wapi tena? Akili yangu inamuwaza yeye pekee.Toka nimemuona juzi usiku sura yake inanijia akilini kila sekunde. Its my first time to feel this way .Sijawahi kuhisi kumpenda mvulana kama ilivyonitokea kwa Jason.Baba amenifanyia ukatili mkubwa sana." akawaza Serena akiwa amejikunyata kitandani akilia.

* * * *

Ni saa kumi na mbili za jioni .Katika bustani nzuri kuwahi kuwepo katika ukanda huu wa afrika mashariki ndege wa kila aina wakubwa kwa wadogo walikuwa wakizunguka,wakiruka na kutoa sauti zenye kuvutia mno.Maji yalibubujika toka katika chemchem zilizoko katika bustani hii.Wanyama wale wasiodhuru binadamu walikuwa wakizunguka zunguka na kupafanya mahala hapa pawe kama ni moja kati ya sehemu za kipekee kabisa .

Mzee Albano mwakatala na familia yake walikuwa wamekaa ndani ya bustani hii mwanana wakipata vinywaji na kufurahi.Pembeni yao ndege wakubwa weupe wenye mikia mirefu na rangi za kuvutia walikuwa wakizunguka na kumfanya Isabella atabasamu kila sekunde.

“wanangu wapendwa nimeamua kuwaiteni hapa leo kwa sababu kuna jambo la muhimu sana ambalo nataka niwafahamishe.” Mzee Albano akabadili maongezi ghafla na wote wakakaa kimya wakimsikiliza.Akanywa mvinyo kidogo na kuendelea

“Kuna kipindi miaka kama kumi hivi iliyopita niliwahi kuingia katika mgogoro wa kiuchumi.Kampuni zetu zilikuwa hazizalishi vya kutosha na hivyo kuchelewa kulipa mkopo wa benki wa shilingi bilioni kumi na tatu.Kwa kuniepusha kufilisiwa na benki,rafiki yangu mkubwa Bw Rajesh Patel mmiliki wa hoteli hii alikubali kunidhamini na kunilipia deni hilo kubwa la mamilioni ya fedha kwa makubaliano kuwa nimlipe kwa miaka mitano.Nimejitahidi kulipa deni hilo kwa kipindi tulichokubaliana lakini mpaka mwisho nilifanikiwa kulipa kiasi cha shilingi bilioni saba tu.Siku za karibuni kumekuwa na kuporomoka kwa bei za mazao katika soko la dunia hivyo uuzaji wetu ndani na je ya nchi umeshuka sana kitu kinachopelekea kuendesha biashara kwa hasara.Mr Rajesh alilitambua hilo na nikiwa kama rafiki yake mkubwa hakuwa tayari kuona nikianguka kibiashara hivyo aliniongeza tena bilioni kumi ili kukuza mtaji na kwa kweli sasa hivi mambo si mabaya.Biashara imeanza kwenda vizuri tena na kidogo tumeanza kutengeneza faida”.

Akatulia kidogo akawatazama wanae waliokuwa makini wakimsikiliza kisha akaendelea.

“ Mr Rajesh aliniongezea kiasi hiki kikubwa cha pesa na kuirudisha kampuni yetu katika mstari kwa makubaliano ya kuendelea kumlipa kidogo kidogo.Lakini hivi majuzi amekuja na wazo jipya ambalo leo nataka niwaweke wazi.Mr rajesh kuna kitu alikihitaji kwa makubaliano kwamba iwapo nitatimiza basi hatanidai mabilioni ya fedha alizonikopesha.Naomba leo niweke wazi kila kitu kwa sababu muda unazidi kwenda na kila siku mambo yanabadilika na Mr Rajesh anasubiri jibu langu kama niko tayari kutekeleza matakwa yangu au kama la nizirejeshe pesa zake kitu ambacho ni kigumu kwa sasa na kama nikishindwa basi hakutakuwa na jinsi zaidi ya kunifilisi kwa kushindwa kulipa deni hilo.”

Wote walikuwa kimya wakimkodolea macho baba yao ambaye ni wazi ile furaha yote aliyokuwa nayo dakika chache zilizopita ilikuwa imetoweka.Huku kijasho chembamba kikimtoka akasema

“Mr Rajesh anataka…………..anamtaka Serena………….anataka mwanae anayeishi Marekani amuoe Serena.” akasema mzee Albano kwa wasi wasi.Sauti yake ilikuwa na kitetemeshi.Hakujua suala lile lingepokelewaje na familia yake hasa mwanae Serena

Kimya kikuu kikatanda hapo mezani.Kila mmoja alikuwa amestushwa mno na taarifa ile.Wote walikuwa wanamuangalia baba yao kwa macho makali ya mshangao.

" Baba sijakuelewa una maanisha nini...ananitaka niolewe na mtoto wake? Kivipi? akauliza Serena uso wake ukiwa na wasi wasi mwingi.

Mzee Albano akakohoa kidogo kisha kwa sauti ya unyonge akasema.

“Mr Rajesh ana mtoto wake mmoja wa kiume aitwaye Kenneth Mclay Patel aishiye nchini Marekani ambaye amezaa na mwanamke mmoja toka Puerto rico.Keneth aliwahi kuja nyumbani na baba yake ndipo hapo alipofanikiwa kukuona Serena na kukupenda kisha akamweleza baba yake kuwa katika zawadi kubwa ambayo angempatia basi ni kumsaidia kukupata Serena ili akuoe utakapomaliza masomo yako.Mr Rajesh amekuwa akinikumbusha na kunisisitiza kila siku ila nimekuwa muoga wa kumpa jibu lolote lile kwa sababu naelewa mwanangu wewe kwa sasa ni binti mkubwa na kwa hali halisi ilivyo najua unahitaji kwa na rafiki wa kiume.Nafahamu kuwa unahitaji kuwa na rafiki wa kiume ambaye unampenda toka moyoni.Jana mchana tulipata taarifa kuwa kuna mvulana umetokea kumpenda lakini bado hajui kuwa unampenda.Tulipanga plani hii ili uje huku Nairobi niweze kukueleza kila kitu bila kukuficha kabla haujaingia katika mahusiano na huyo kijana.Naumia sana mwanangu kwa kuikatili nafsi yako ya kuwa na rafiki wa kiume unayempenda lakini nataka uwe na furaha katika maisha yako,nataka uishi na mtu ambaye atakujali,atakutunza na kukuthamini.Hivyo mwanangu hapa nilipo baba yako niko kwenye mtihani mkubwa nini cha kufanya.wewe ndiye mwenye uamuzi wote kwa sasa kwani iwapo hautakuwa tayari basi mali zetu zote zitafilisiwa na tutarudi katika maisha ya chini kitu ambacho sijawahi kukiota kama kinaweza kutokea maishani mwangu.”

Mzee albano akashindwa kujizuia machozi kumtoka Mke wake akatoa kitambaa na kumfuta machozi.

Ukimya mkuu ukatawala meza hiyo kwa dakika kama kumi hivi bila mtu yeyote kuongea chochote.Serena akainua kichwa na huku macho yake yamejaa machozi akakohoa kidogo na kusema.

“Baba nimekusikia na kukuelewa.You are the best daddy I’ve ever seen in this world.Wewe ni mzazi wa kipekee kabisa.Ni kweli najua unataka mimi na mdogo wangu tuishi kwa furaha na amani katika maisha yetu .Umefanya mambo mengi mno kwetu sisi.Hata hili deni unalodaiwa ni kwa ajili yetu.Please dady usijione kama una makosa.Ndiyo nina haki ya kuwa na mtu ninayempenda katika maisha yangu.Lakini kwa hili la leo baba yangu siwezi kukupinga.I love you my dady more than you can imagine.Ninakubali kuolewa na Keneth nitakapomaliza masomo yangu ya juu.Nataka nikuonyeshe baba jinsi gani ninavyokuthamini.Sitaki uaibike kwa kushindwa kulipa deni hilo analokudai rafiki yako Patel.I’ll sacrifice my happiness for you my dady.Simjui Kenneth,simpendi but I’ll be with him kwa ajili yako ..” akasema Serena na kushindwa kuendelea kuongea ,uso ulikuwa umejaa machozi hakutaka tena kuendelea kukaa pale mezani akainuka bila kuaga mtu na kuondoka kuelekea chumbani kwake.Hakuna aliyemsemesha.Isabella naye akainuka kumfuata kwani hali aliyokuwa nayo Serena ilimpa wasiwasi.

Alipojaribu kuufungua mlango wa Serena ulikuwa umefungwa kwa ndani.Akagonga.

“ Serena ni mimi Isabella.Nifungulie mlango”

“Go away Isabella.I don’t want to see you.You betrayed me.” Akasema Serena toka ndani chumbani kwa sauti ambayo ilionyesha dhahiri alikuwa akilia.

Isabella naye machozi yakaanza kumtoka.Alivunja makubaliano aliyokubaliana na dada yake ya kutokumwambia mama yao juu ya Serena kumpenda Jason.

“Sister I’m sorry.Nisamehe dada yangu sikujua kama yatatokea haya.Please open the door Serena we need to talk”

Serena hakujibu akaendelea kulia.Isabella akaendelea kugonga mlango kwa nguvu.Hatimaye Serena akaamua kuufungua mlango.Hakutaka kumtazama mdogo wake usoni akakaa kitandani huku akilia.

“Serena I’m sorry .Please usilie” Akasema Isabella huku akimfuta machozi.

“What a cruel father….”Akasema Serena kwa hasira

“All these days he pretended to love us…….”Akashindwa kuendelea akazidi kulia.

“Ndio maana amekuwa kila siku ananisisitiza kutojihusisha na masuala ya mahusianao kumbe alijua anachokitafuta…”

“ Calm down serena.”

“I wont calm down wakati my own father ananitumia mimi mwanae kwa manufaa yake”

“Serena ulikubali kiurahisi sana matakwa ya baba” Isabella akasema

“Ulitakiwa kusimama Imara Serena.Hukutakiwa kuonyesha udhaifu.This is your own life my sister,no one should……….”

“save your breath Isabella.Wewe ndio chanzo cha haya yote.Lakini anyway imesaidia kujua nini kilichokuwa nyuma ya pazia.Nilikubali kiurahisi kwa sababu sikutaka Jason apate shida yoyote.Iwapo ningekataa ombi la baba basi Jason angekuwa katika matatizo makubwa .I know our father very well.Kwa hatua aliyofikia ilikuwa ngumu kukataa.Nina imani dunia nzima itanishangaa kwa uamuzi wangu lakini I have to protect Jason even if it costs my life.” Akatulia na kufuta machozi kisha akainua kichwa na kusema

“ I’ll do what he wants but Jason will be the one I love and someday he’ll be mine.I wont stop loving Jason not for one second.For now let me do what he wants but.I hate him so much”

“ Sister kwa nini usimwambie tu kuwa umebadili uamuzi ?” Isabela akasema

“No Isabella siwezi kwa sasa.Nimekwambia I don’t want Jason to get hurt.Nikikataa matakwa yake ni lazima Jason apate matatizo.Jason hana kosa and above all he doesn’t know that I love him sasa kwa nini apate matatizo?Let this be…He exchanged me for money…just money.!!!!.Serena akasema kwa hasira huku akilia.

TUKUTANE TENA SEHEMU IJAYO

KWA SIMULIZI ZAIDI TEMBELEA HAPA MASIMULIZI